ခန္ဓာကိုယ်ထဲက အဆိပ်တွေကို ဖယ်ပေးမယ့် ရေ (၆ ) မျိုး(Detox water)

ဒီတစ်ခါတော့ Detox water လို့ခေါ်တဲ့ ကျန်းမာရေးအရရော အလှအပအတွက်အကျိုးပြုတဲ့ ဆေးဖက်ဝင်ရေများအကြောင်း ပြောပြချင်ပါတယ်ဗျ။ ရေထဲကို ဆေးဘက်ဝင် အသီး ဒါမှမဟုတ် ဆေးပင်တွေစိမ်ပြီး သောက်ကြတဲ့ပုံစံပါ။ ကိုယ်ကြိုက်နှစ်သက်တဲ့ ပစ္စည်းကိုသုံးပြီး လွယ်လွယ်ကူကူလုပ်လို့ရတယ်ဗျ။

၁။ သံပုရာသီး

ရေနွေးထဲကို သံပုရာသီးညစ်ထည့် ပျားရည် ၁ စက် ၂ စက်ရောပြီး သောက်မယ့်ဆိုရင်တော့ ညဘက်အိပ်နေတဲ့အချိန်တုန်းက ကုန်သွားတဲ့ရေဓါတ်တွေကို ပြန်ရစေပါတယ်တဲ့။ ကိုယ်ခံစွမ်းအားကိုလည်းကောင်းစေပြီး အဆိပ်အတောက်ကင်း ကြည်လင်သန့်ရှင်းတဲ့အသားအရေကိုလည်း ပိုင်ဆိုင်နိုင်မှာပါတဲ့ဗျာ။

၂။ ဇီးဖြူသီး

ဇီးဖြူသီးတွေကို ပါးပါးလှီးပြီး ဆားလေးနည်းနည်းနဲ့ တစ်ရက်လောက် ရေစိမ်ထားပါ။ အဖတ်တွေစစ်ပြီး ရလာတဲ့အရည်က ခန္ဓကိုယ်ကို အားပြန်ပြည့်စေပါတယ်တဲ့။ အာနိသင်တွေကတော့ ဝက်ခြံတွေ၊ အရေးအကြောင်းတွေကို သက်သာစေပြီး။ အသားအရေကို တင်းရင်းလှပစေမှာပါတဲ့ဗျာ။ ကိုယ်ခံစွမ်းအားကောင်းရုံမက အမြင်အာရုံကိုလည်း ထောက်ပံ့ပေးပါတယ်တဲ့။

၃။ စမုံစပါး

စားပွဲတင်ဇွန်း ၂ ဇွန်းလောက်ကို ရေနွေးဆူဆူ ၁ လီတာလောက်ထဲကိုထည့်ပြီး တစ်ရက်လောက်ထားထားတဲ့ ရေပါ။ အစားစားချင်စိတ်ကို ထိန်းထားပေးတဲ့အတွက် ဝိတ်ချတဲ့ မမ တွေ ဒေါ်ဒေါ်တွေအတွက် အသုံးဝင်ဆုံးဖြစ်ပါလိမ့်မယ်ဗျ။ သွေးသန့်စေပြီး ညဘက်တွေလဲ ကောင်းကောင်းအိပ်ပျော်အောင် ကူညီပေးမှာပါတဲ့ဗျာ။

၄။ နံနံစေ့

နံနံစေ့ ၂ ဇွန်းလောက်ကို ရေဖန်ခွက်ဝက်လောက်နဲ့ ပြုတ်ပါ။ မီးအေးအေးနဲ့ ၁၅ မိနစ်လောက်ဆို ရပါပြီဗျ။ အရည်စစ် အအေးခံပြီး ပျားရည်တစ်ဇွန်းလောက်နဲ့ ရောသောက်ရင်တော့ အရသာရှိရှိဆေးတစ်ခွက်ကိုရမှာပါဗျ။ မနက်စောစော ဘာမှမစားခင်မှာသောက်မယ်ဆိုရင် အသားအရေကို ကြည်လင်စေမှာပါတဲ့။ ဆံသားတွေအတွက်လည်း ကောင်းမွန်စေပါတယ်တဲ့ဗျာ။

၅။ ပင်စိမ်း

ပင်စိမ်းရွက်နည်းနည်းကို ငရုတ်ကောင်းစေ့ ၂ စေ့လောက်နဲ့ ပြုတ်သောက်မယ်ဆိုရင်တော့ အဖျားရောဂါတွေနဲ့ တခြားဗိုင်းရပ်ရောဂါတွေကို တိုက်ထုတ်နိုင်ပါတယ်တဲ့။ ငှက်ဖျားရောဂါမျိုးတွေအတွက် မြန်မြန်နလန်ထူနိုင်စေပါတယ်တဲ့ဗျာ။ စိတ်ဖိစီးမှုတွေကို လျေ့ကျစေပြီး သွေးတွင်းသကြားဓါတ်ကိုလည်း ထိန်းညှိပေးပါသေးတယ်။ သွားကျန်းမာရေးအတွက်လည်း ကောင်းပါတယ်တဲ့ဗျာ။

၆။ ဂျင်းပြုတ်ရေ

ဂျင်းပြုတ်ရေကို ပျားရည်နဲ့ရောသောက်မယ်ဆိုရင်တော့ အရိုးအဆစ်နာတာ ရောင်ရမ်းတာတွေကို လျော့ကျစေမှာပါတဲ့။ မအီမသာဖြစ်ခြင်း၊ ပျို့အန်ခြင်းတွေကိုလည်း သက်သာစေတယ်။ ကင်ဆာဖြစ်စေတဲ့ဓါတ်တွေကို ဖယ်ပေးတဲ့အာနိသင်ပါလို့ ခေတ်လူငယ်တွေအနေနဲ့ သောက်သင့်ဆုံး detox water ပါဗျာ။

ကဲ.....ကော်ဖီတွေ ကိုလာတွေ အချိုရည်တွေသောက်ရာကနေ detox water ပြောင်းသောက်ရအောင်လားဗျာ။

ထွန်းရာဇာ

Sources,https://www.google.com/amp/s/www.indiatimes.com/amp/health/healthyliving/these-6-detox-water-recipes-will-help-you-lose-weight-and-stay-healthy-275315.html

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ