သစ်စိမ်းမြေဩဇာနဲ့ပတ်သက်ပြီး မေးလေ့ရှိသောမေးခွန်းများ

သစ်စိမ်းမြေသြဇာဆိုတာ မြေဆီလွှာတိုးတက်ကောင်းမွန်စေဖို့အတွက်ကို လုပ်ဆောင်ပေးနိုင်တဲ့ ကောင်းမွန်တဲ့ လုပ်ဆောင်ချက်တစ်ခုပဲဖြစ်ပါတယ်။

ဘယ်လိုနည်းလမ်းနဲ့လဲ?

မြေဆီလွှာအတွင်း အာဟာရပြည့်ဝ စိမ်းစိုနေတဲ့ အပင်တွေပေါင်းထည့်ပေးတာဖြစ်ပါတယ်။

ဘာပင်တွေသုံးကြလဲ?

ပဲပင်၊ ပဲပုပ်၊ ပန်းဂျုံ၊ ရိုင်းဂျုံ၊ ရိုင်းမြက်၊ ညံပင်၊ ပိုက်ဆံလျှော်၊ မတ်ပဲ၊ ပဲတီစိမ်း၊ ဘောစကိုင်း၊ ဒန့်ချွဲ၊ မဲရိုင်း စတဲ့ အပင်တွေကို သုံးကြပါတယ်။

ဘယ်ချိန်မှာ ထည့်ရမလဲ?

သစ်စိမ်းမြေသြဇာအဖြစ် စိုက်ပျိုးထားသော အပင်တွေ ပန်းစပွင့်ချိန်မှာ ထယ်ထိုး ထွန်မွှေပေးခြင်းဖြင့် ထည့်သွင်းပါတယ်။

ကောင်းကျိုးကကော

နိုက်ထရိုဂျင်ဖမ်းယူပေးနိုင်ခြင်း - လေထုထဲမှာရှိတဲ့ နိုက်ထရိုဂျင်တွေကို အပင်တွေ စားသုံးဖို့အတွက် ဖမ်းယူပေးနိုင်ပါတယ်။
ပဲပင်တွေကို သစ်စိမ်းမြေသြဇာအဖြစ် သီးလှည့်စိုက်ပျိုးလိုက်ခြင်းက နှံစားသီးနှံတွေနဲ့ ဆီထုတ်သီးနှံခင်းတွေမှာ ရောဂါဖြစ်ပေါ်စေမှုကို နည်းပါးသွားစေပါတယ်။
မြေသားတိုက်စားမှုကို တားဆီးပေးနိုင်တယ်။
မြေသားတည်ဆောက်မှု ပိုမိုကောင်းမွန်လာစေပါတယ်။ သစ်စိမ်းမြေသြဇာထည့်ပေးခြင်းအားဖြင့် မြေဆီလွှာအတွင်းမှာ လေဝင်လေထွက်ကောင်းလာစေပါတယ်။ ရေ အဝင်အထွက်လည်း ကောင်းမွန်လာစေပါတယ်။ အမြစ်ကြီးထွားဖို့အတွက်နေရာ ပိုရလာစေပါတယ်။

အားနည်းချက်ကကော

မြေအစိုဓာတ်ကို အသုံးပြုရတယ်။ အပင်စိုက်ရင်တော့ ရေကိုအသုံးပြုကြရတာပါပဲ။ မြေအစိုဓာတ်ပုံမှန်ရရှိနိုင်တဲ့ ဒေသမျိုးမှာ သစ်စိမ်းမြေသြဇာအဖြစ် စိုက်ပျိုးတာက အခက်အခဲမဟုတ်ပေမဲ့ မြေအစိုဓာတ်အတွက် အခက်အခဲရှိနေတယ်ဆိုရင် ကိုယ်တကယ်စိုက်မယ့်သီးနှံ မစိုက်ခင် တစ်လလောက်စောပြီး သစ်စိမ်းမြေသြဇာပင်တွေကို ထယ်ထိုးနိုင်ဖို့ ပြင်ဆင်ထားရပါမယ်။ ဒါမှသာ မြေကြီးထဲမှာ အစိုဓာတ်ပြန်ရဖို့ အချိန်လုံလုံလောက်လောက်ပေးနိုင်မှာပါ။

ကုန်ကျစရိတ်ကိုချိန်ရမယ်၊ သစ်စိမ်းမြေသြဇာအတွက် သီးနှံကို မစိုက်ပဲ အချိန်ပေး မြေနေရာပေးပြီး စိုက်ပျိုးရမှာဖြစ်တဲ့အတွက်ကြောင့်မို့ ဝင်ငွေနည်းသွားမယ့်အပြင်ကို သစ်စိမ်းမြေသြဇာအဖြစ် စိုက်ပျိုးတဲ့ အပင်အတွက်နဲ့ ထယ်ထိုးဖို့အတွက်လည်း ကုန်ကျစရိတ်လည်း ရှိပါဦးမယ်။ ချိန်ဆ လုပ်ကိုင်နိုင်ဖို့ ဖော်ပြရခြင်းဖြစ်ပါတယ်။

ရွေးချယ်ရမယ်။ ပဲစိုက်တဲ့ မြေမှာ ပဲပင်ကိုပဲ သစ်စိမ်းမြေသြဇာအဖြစ် ထည့်သွင်းမယ်ဆိုရင် ရှိနေတဲ့ ပိုးမွှားရောဂါတွေ ပိုဆိုးလာနိုင်တဲ့ အခြေအနေရှိပါတယ်။ ဒါကြောင့်မို့ သစ်စိမ်းမြေသြဇာအဖြစ်သုံးတဲ့ အပင်တွေကို ရွေးချယ်တဲ့အခါမှာ ကိုယ်စိုက်ပျိုးတဲ့ သီးနှံနဲ့ ချိန်ဆပြီး ရွေးချယ်ဖို့ လိုအပ်ပါလိမ့်မယ်။

ကုန်ကျစရိတ်ရှိတယ်။ အဓိကက မျိုးစေ့ဖိုးပါ။ သစ်စိမ်းမြေသြဇာအဖြစ် အသုံးပြုမဲ့ မျိုးတွေဟာ ဝယ်ယူစိုက်ပျိုးရတယ်ဆိုရင်တော့ ကုန်ကျစရိတ်ထဲမှာ အများဆုံးဖြစ်လာမှာပါ။

နိုင်ထရိုဂျင်ဖမ်းယူပေးတဲ့ အနုဇီဝသက်ရှိအတွက် ကုန်ကျစရိတ်လည်းရှိပါတယ်။ ပဲပင်တွေမှာ ရိုင်ဇိုဘီယမ်လို နိုက်ထရိုဂျင်ဖမ်းယူပေးတဲ့ ဘက်တီးရီးယားတွေပါစေချင်လို့ မျိုးစေ့မှာ လူးနယ်စိုက်ဖို့ ဝယ်ယူတယ်ဆိုရင်လည်း ဒီကုန်ကျစရိတ်ပါထည့်ပေါင်းရမှာပါ။

ထယ်ထိုးထွန်မွှေခလည်း ထည့်စဉ်းစားရပါမယ်။ တစ်နိုင်တစ်ပိုင် နွားတစ်ရှဉ်းနဲ့ ကိုယ်တိုင်မလုပ်ပါဘူးဆိုရင်တော့ အလုပ်သမားခနဲ့ စက်ဖိုးတော့ ကုန်ကျစရိတ်ရှိလာမှာပါ။

ပြန်ရတာကကော

မြေကြီးကို စစ်ဆေးတဲ့အခါမှာ နိုက်ထရိုဂျင်ပမာဏတိုးတက်လာမှာဖြစ်ပြီးတော့ နောက်သီးနှံတစ်ရာသီအတွက် လုံလောက်တဲ့ ပမာဏဖြစ်ပြီး နောက်ထပ်ကျန်တဲ့ သီးနှံအကြွင်းအကျန်တွေကတော့ ဖြည်းဖြည်းချင်းဆွေးမြည့်ကာ နိုက်ထရိုဂျင်ကို ဖြည်းဖြည်းချင်း ထုတ်ပေးနေမှာဖြစ်ပါတယ်။

နောက်ထပ် ကောင်းကျိုးတွေကတော့

မြေသားကို တိုးတက်ကောင်းမွန်လာစေပါတယ်။
မြေထဲတွင် နိုက်ထရိုဂျင်ဓာတ်များ တိုးပွားလာစေပါတယ်။
မြေကြီးအတွင်း လေဝင်လေထွက်ကောင်းမွန်လာစေပါတယ်။
မြေကြီးအတွင်း အကျိုးပြု အနုဇီဝသက်ရှိများ တိုးပွားလာစေပြီး ကယ်လ်စီယမ်၊ ဖော့စဖောရပ်စ်၊ မဂ္ဂနီဆီယမ်စတဲ့ ဓာတ်တွေကိုလည်း အပင်တွေက အလွယ်တကူ ရရှိလာနိုင်မှာဖြစ်ပါတယ်။

Ref: https://saskatchewan.ca/business/agriculture-natural-resources-and-industry/agribusiness-farmers-and-ranchers/crops-and-irrigation/soils-fertility-and-nutrients/green-manuring-with-legumes

ဆောင်းပါးများ/သတင်းများပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန်မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...