ရှီတာကီမှို စိုက်ပျိုးနည်း

18/06/2019 15:00 PM တွင် စိုက်ပျိုးရေးဦးစီးဌာန စိုက်ပျိုးရေးဦးစီးဌာန မှ ရေးသား ပြီး စိုက်ပျိုးရေးဉီးစီးဌာန စိုက်ပျိုးရေးဉီးစီးဌာန မှ ပေးပို့ထားပါသည်။

၁။ မှိုထုပ်များကို လေဝင်လေထွက်ရရှိ၍ တိုက်ရိုက်နေမပူသောနေရာတွင် ထားပါ။ မှိုစိုက်ပျိုးသော နေရာ၏ အခန်းအပူချိန်မှာ (၈ – ၁၆) ဒီဂရီဆဲလ်စီးရပ် ရှိနေရန် အထူးအရေးကြီးပါသည်။ စိုထိုင်းဆ (၇၅ – ၉၀) ရာခိုင်နှုန်းရှိနေရန်လိုအပ်ပြီး အစိုဓာတ်ရရှိနိုင်စေရန် အောက်ခြေကြမ်းပြင်တွင် စက်ဖွဲပြာ၊ သဲများခင်းထားရန် လိုအပ်ပါသည်။ အစိုဓာတ်မဆုံးရှုံးစေရန် ပလတ်စတစ်ကာရံခြင်းနှင့် ပလပတ်စတစ်မျက်နှာကျက် ပြုလုပ်ပေးရန် လိုအပ်ပါသည်။

၂။ မှိုစိုက်ထုပ်၏ (၂/၃) နီညိုရောင်သန်းလာပါက မှိုထုပ်မှ ပလတ်စတစ်အိတ်ကို ခွာယူဖယ်ရှားရပါမည်။ မှိုထုပ်များကို ကြမ်းပြင်တွင်လည်းကောင်း၊ ဝါးစင်၊ သစ်သားစင်၊ သံစင်တို့ပေါ်တွင်လည်း ဒေါင်လိုက်တင်၍ စိုက်ပျိုးနိုင်သည်။

၃။ နီညိုရောင်သန်းနေသော မှိုထုပ်များကို ရေဖြန်းခရားငယ်ဖြင့် နေ့စဉ် ရေ (၂/၃) ကြိမ် လောင်းပေးရမည်။ (၂) ပတ်ခန့်အကြာတွင် မှိုထုပ်မှ မှိုသန္ဓေခဲများ စတင်ထွက်ရှိလာပြီးနောက် (၂) ပတ်ခန့်အကြားတွင် မှိုများစတင်ခူးဆွတ်နိုင်ပြီဖြစ်ပါသည်။ ဆွတ်ခူးရန် (၃) ရက်ခန့်အလိုတွင် ရေမလောင်းဘဲ ထားရပါမည်။ ရေလောင်းပါက မှိုများ ရိရော်ခြင်း၊ အရောင်အသွေး မပြည့်မီခြင်းများ ဖြစ်တတ်ပါသည်။ မှိုဆွတ်ခူးရမည့် အခြေအနေမှာ မှိုထီးရွက်အနားများ ပြန့်မထွက်မီ နောက်ဆုံးအဆင့်ကို ဆွတ်ခူးရပါမည်။

မှိုဆွတ်ခူးရာတွင် မှိုရိုးတံ၏ အောက်ခြေအရင်းပိုင်းကို ပိုးသန့်စင်ထားသောဓားဖြင့် အခြေမှကပ်၍ လှီးဖြတ်ဆွတ်ခူးရပါမည်။

၄။ မှိုဆွတ်ခူးပြီးသော မှိုထုပ်များကို (၂) ပတ်ခန့် ရေမလောင်းဘဲ ထားရပါမည်။ မှိုမျှင်အင်အား ပြန်လည်ပြည့်တင်းစေရန် ဖြစ်ပါသည်။ ရေဖြတ်ကာလ ကျော်လွန်ပြီးနောက် ပုံမှန် ပြန်လည်ဖြန်းပေးခြင်းအားဖြင့် ဒုတိယအကြိမ် မှိုပြန်လည်ထွက်ရှိလာပါမည်။ ဤနည်းအတိုင်း ရေဖြန်းခြင်း၊ ရေဖြတ်ခြင်း၊ ရေပြန်လည်ဖြန်းခြင်းဖြင့် မှိုထုပ် (၁) ထုပ်မှ မှို (၂-၃) ကြိမ် ဆွတ်ခူးရရှိနိုင်ပြီး မှိုအစို (၁၅ – ၂၀) ကျပ်သားအထိ ထွက်ရှိနိုင်ပါသည်။

သိုလှောင်သိမ်းဆည်းနည်း

- အပူချိန် (၀) ဒီဂရီ ဆဲလ်စီးရပ်ရှိ ရေခဲသေတ္တာတွင် သိုလှောင်ပါက (၂ -၃) ပတ်အထိ ထားနိုင်ပါသည်။

- အပူချိန် (၅ - ၁၀) ဒီဂရီ ဆဲလ်စီးရပ်ရှိ ရေခဲသေတ္တာတွင် သိုလှောင်ပါက (၅ – ၇) ရက် အထိ ထားနိုင်ပါသည်။

- အပူချိန် (၂၀ - ၂၅) ဒီဂရီ ဆဲလ်စီးရပ်ရှိ အအေးခန်းတွင် သိုလှောင်ပါက ၁၂ နာရီ အထိ ထားနိုင်ပါသည်။

- ခြောက်သွေ့သော ဗူးတွင် သိုလှောင်ပါက (၁၂) နာရီ အထိ ထားနိုင်ပါသည်။

- အေး၍ စွတ်စိုသော နေရာတွင် ထားမည်ဆိုပါက (၆) နာရီ အထိ ထားနိုင်ပါသည်။

အခြောက်အခြေအနေ

သဘာဝ နေရောင်ခြည်တွင် (၂၁) နာရီကြာမျှ နေလှမ်းခြင်းဖြင့် အခြောက်ခံနိုင်သော်လည်း မှို၏ မှုလအရောင်အဆင်း ပျက်ဆီးနိုင်ခြင်း၊ မှိုတွင်ရှိရမည် အစိုဓာတ်ရာခိုင်နူန်းကို ထိန်းချုပ်နိုင်စွမ်းအားမရှိခြင်း၊ မှို၏ပုံသဏ္ဍာန် ပြောင်းလဲသွားနိုင်ခြင်းတို့ကြောင့် ကမ္ဘာ့စျေးကွက်တွင် မှို၏ အရည်အ သွေးကို ထိခိုက်စေနိုင်သဖြင့် လေဝင်လေထွက်ရှိသော မှိုအခြောက်ခံစက်တွင် ( ၄၅ – ၆၀) ဒီဂရီ ဆဲလ်စီးရပ်ကို နာရီပိုင်းခြားအလိုက် ထိန်းချုပ်အခြောက်ခံရပါမည်။ အခြောက်ခံချိန်ကာလမှာ (၁၈) နာရီခန့်ဖြစ်ပြီး မှိုတွင်ရှိရမည့် အစိုဓာတ်မှာ (၁၀ – ၁၂) ရာခိုင်နှုန်း ဖြစ်ရပါမည်။

အာဟာရဓာတ်ပါဝင်မှု

ပရိုတိန်း Protein – ၂၈.၇ %

အမျှင်ဓာတ် Fiber – ၁၇.၁ %

အဆီဓာတ် Fat – ၂.၆ %

ပြာဓာတ် Ash – ၈.၀ %

နိုက်ထရိုဂျင် N - ၄.၆ %

ဖော့စဖောရပ် P - ၀.၈ %

ပိုတက်ဆီယမ် K - ၁.၄ %

ကယ်ဆီယမ် Ca - ၀.၀၃ %

မဂ္ဂနီဆီယမ် Mg - ၀.၁ %

ကော့ပါး Cu - ၇.၁ (ppm)

ဇင့် Zn - ၇၄.၆ (ppm)

မဂ္ဂနီစ် Mn - ၁၃.၄ (ppm)

အိုင်းယွန်းဓာတ် Fe - ၇၅.၁ (ppm)

စားသုံးနည်း

သက်သက်လွတ် ကြော်ချက်၍လည်းကောင်း အသားများနှင့် ပေါင်း၍လည်းကောင်း၊ မှိုကုန်းဘောင်ဟင်းအဖြစ်လည်းကောင်း၊ ဟင်းသီးဟင်းရွက်တို့ဖြင့် ကြော်ချက်၍လည်းကောင်း စားသုံးနိုင်ပါသည်။

ဆေးဖက်ဝင်အာနိသင်

- သွေးအတွင်းရှိ အဆီပါဝင်မှုကို လျှော့နည်းစေခြင်း၊ ( Lowering serum cholesterol level)

- အကြိတ်အခဲပျောက်ဆေး ( anti tumor)

- ဗိုင်းရပ် (စ်) ပိုးမွှားပိုးသတ်ဆေး (anti Viral) များအဖြစ် အသုံးပြုနိုင်ပါသည်။

စိုက်ပျိုးရေးဦးစီးဌာန၊ ကော်ဖီ-ရာသီသီးနှံ ဌာနခွဲ


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်