အင်းဆက်စားခြင်းအလေ့အထ

အင်းဆက်များကိုစားခြင်း အလေ့အထက ကမ္ဘာပေါ်တွင် ရှေးယခင်ထဲကရှိခဲ့ပါသည်။ အင်းဆက် မျိုးစိတ်ပေါင်းများစွာထဲမှ စား၍ရသည်ဟုသတ်မှတ်သောမျိုးစိတ်သည် ၁၀၀၀ မှ ၂၀၀၀ ကြားရှိပါသည်။ အင်းဆက်စားခြင်းအလေ့အထကို အာရှတိုက်နှင့် အာဖရိကတိုက်တွင် အများဆုံးတွေ့ရပြီး ဥရောပနိုင်ငံများသည် ယခုအခါ အင်းဆက်ကို စားစရာအမျိုးမျိုးပြုလုပ်၍ စားလာကြပြီဖြစ်ပါသည်။

မြန်မာနိုင်ငံတွင် လူသိများပြီး အများဆုံးစားသောအင်းဆက်မှာ ပုရစ်ဖြစ်ပါသည်။ ယခုကဲ့သို့ မိုးဦးကျတွင်ပေါ်သော မိုးပုရစ်ကြော်သည် စျေးကောင်းပေး၍စားရသော စားစရာဖြစ်ပါသည်။ သို့သော် မြန်မာတို့သည် အင်းဆက်များ၏ အာဟာရတန်ဖိုးကို နားလည်သူရှားသောကြောင့် အချို့မှာ အင်းဆက်စားခြင်းကိုပင် ရွံရှာဖွယ်တစ်ခုအဖြစ် မြင်နေကြပါသေးသည်။ စင်စစ်ဆိုသော် အင်းဆက်များတွင် ပရိုတင်းဓာတ်(Protein)၊ ကယ်လ်စီယမ်(Calcium)၊ မဂ္ဂနီစီယမ် (magnesium)၊ သံဓာတ် (Iron)၊ အမျှင်ဓာတ် (fiber)၊ အကျိုးပြုအဆီဓာတ် (Healthy fat) တို့ပါဝင်ကာ အမဲသားကဲ့သို့ပင် အာဟာရတန်ဖိုးမြင့်မားပါသည်။

ကျွဲ နွားမှ အသားတစ်ကီလိုဂရမ်ရရန် မြေအကျယ် 100-200 m² လိုသောအချိန်တွင် အင်းဆက်မှ တစ်ကီလိုဂရမ်ရရန် မြေအကျယ် 15 m² သာ လိုသောကြောင့် စီးပွားဖြစ်မွေးလျှင်လည်း မြေပမာဏနည်းနည်းတွင်သာ မွေးမြူနိုင်ပါသည်။ အစာနှင့် ရေလိုအပ်ချက်လည်း နည်းသောကြောင့် မွေးမြူသူများအတွက် တွက်ခြေကိုက်နိုင်ပါသည်။ ထို့ပြင် စားမြုံ့ပြန် ကျွဲ နွားများမှထွက်သော ဖန်လုံအိမ်ဓာတ်ငွေ့ထွက်ရှိမှုနှင့်ယှဥ်လျှင် အင်းဆက် များမှထွက်သော ဖန်လုံအိမ်ဓာတ်ငွေ့သည် မပြောပလောက်သဖြင့် ပတ်ဝန်းကျင်အတွက်လည်း ထိခိုက်မှုနည်းစေပါသည်။

မြန်မာပြည်တွင်ရှိပြီး စား၍ရသောအင်းဆက်များမှာ ပုရစ်၊ သင်ပေါင်းပိုး၊ ဝါးပိုး၊ အုန်းပိုး၊ ရေဗီလား၊ ပုစဥ်းရင်ကွဲ၊ အီကုတ် ခေါ် နောက်ချေးပိုး၊ ခါချဥ်နှင့် တွင်းပိုးတို့ဖြစ်ပါသည်။ ဒေသအလိုက် အင်းဆက်များကို အစိမ်းလိုက်သုပ်၍လည်းကောင်း၊ ကြော်၍လည်းကောင်း၊ ဟင်းချက်၍လည်းကောင်း စားကြပါသည်။ ဥရောပနိုင်ငံများတွင် အင်းဆက်ကို အမှုန့်လုပ်၍ ဟင်းထဲတွင်လည်းကောင်း ပေါင်မုန့်ထဲတွင်လည်းကောင်း ထည့်သွင်းစားကြပါသည်။ အာဟာရဓာတ်များစွာပါဝင်သော အင်းဆက်များကို သန့်ရှင်းစွာကိုင်တွယ်ပြီး အမျိုးမျိုးပြုလုပ်စားသောက်ပါလျှင် တစ်ဆထက်တစ်ဆ တိုးတက်လာသော လူဦးရေအတွက် ဖူလုံသော စားနပ်ရိက္ခာကို ဖန်တီးပေးနိုင်သကဲ့သို့ ကမ္ဘာကြီး၏ စားနပ်ရိက္ခာရှားပါးသောပြဿနာကိုပါ ဖြေရှင်းနိုင်မည်ဖြစ်ပါသည်။

သီးနှံများနှင့် ဆက်စပ်သော တန်ဖိုးမြင့်ထုတ်ကုန်လုပ်နည်းများကို စိုက်ပျိုးရေးကဏ္ဍအောက်တွင် လေ့လာနိုင်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ