အာတာလွတ်ဥ ရဲ့ကျန်းမာရေးအကျိုးကျေးဇူး(၇)ချက်

အာတာလွတ်ဥသည် အပူပိုင်းဒေသပင်များမှထွက်သော သစ်ဥသစ်ဖုတစ်မျိုးဖြစ်ပြီး အာတာလွတ်ဥ ကို စိုက်ပျိုးလို့ရပါသည်။ ယခုကာလသည် အာတာလွတ်ပေါများသောအချိန် ရာသီဖြစ်၍ အရသာ ဆိမ့်ဆိမ့်လေးရှိသော အာတာလွတ်ဥကို ဆီ၊ ဆားလေးနှင့် နှမ်းထောင်းဖြူးပြီး တို့စားကြသလို အာတာလွတ်ဥပြုတ်ကို ပါးပါးလှီးပြီး အုန်းသီး၊ သကြားတို့ဖြင့်လည်း နယ်စားကြပါသည်။ ထို့ပြင် အာတာလွတ်ဥကို မုန့်နှစ်ဖြင့်လည်း အကြွပ်ကြော် စားလေ့ရှိကြပါသည်။

စျေးချိုချိုနှင့် အရသာဆိမ့်ဆိမ့်လေးရှိသော အာတာလွတ်ဥမှာ ကျန်းမာရေးအတွက် ဘယ်လိုကောင်းကျိုးတွေရှိလဲဆ်ိုတာ ဖော်ပြပေးလိုက်ပါသည်။

၁။ အစာအိမ်ရောဂါကို ကာကွယ်ပေးတယ်

အာတာလွတ်ဥမှာ Gluten ဓါတ် မပါဝင်လို့ အစာအိမ်နာတာ၊ အစာအိမ်နဲ့ အူလမ်းကြောင်း မအီမသာဖြစ်တာတွေကို ကာကွယ်ပေးနိုင်ပါတယ်။

၂။ အရိုးကို သန်မာစေတယ်

အာတာလွတ်ဥမှာ ပရိုတင်းဓါတ်နဲ့ သံဓါတ်ကြွယ်ဝစွာပါဝင်လို့ အရိုးတွေကို သန်မာစေပါတယ်။

၃။ အစာချေစနစ်ကို ကောင်းမွန်စေတယ်

အာတာလွတ်ဥမှာ အမျှင်ဓါတ်တွေ ကြွယ်ဝစွာပါဝင်လို့ အစာချေစနစ်ကို ကောင်းမွန်စေပါတယ်။ ဒါ့အပြင် ဝမ်းချုပ်တာ၊ ဝမ်းလျှောတာတွေကိုလည်း ကာကွယ်ပေးပါတယ်။ သွေးတွင်းသကြားဓါတ်ကိုလည်း ထိန်းထားပေးနိုင်ပါတယ်။ အမျှင်ဓါတ်ကြောင့် ကိုလက်စထရောများတာတွေကိုလည်း မဖြစ်စေပါဘူး။

၄။ သွေးလည်ပတ်မှုကို ကောင်းမွန်စေတယ်

အာတာလွတ်ဥတွင် ကြေးနီဓါတ်နဲ့ သံဓါတ်ပါဝင်လို့ သွေးနီဆဲလ်တွေကို တိုးပွားစေပြီး ပင်းပန်းနွမ်းနယ်ခြင်း၊ အားနည်းခြင်းတွေကနေ ကာကွယ်ပေးပါတယ်။ သွေးလည်ပတ်မှုကို ကောင်းမွန်စေလို့ ခန္ဓာကိုယ်ကျန်းမာရေးအတွက် အထူးကောင်းမွန်ပါတယ်။

၅။ နှလုံးကျန်းမာရေး ကောင်းမွန်စေတယ်

အာတာလွတ်ဥမှာ ပိုတက်ဆီယမ်ဓါတ် ကြွယ်ဝစွာပါဝင်ပြီးတော့ နှလုံးနဲ့ပတ်သက်တဲ့ ပြဿနာတွေဖြစ်ပွားခြင်းကနေ ကာကွယ်ပေးပါတယ်။ ပိုတက်ဆီယမ်ဓါတ်ကြောင့် သွေးဖိအားကျစေပြီး လေဖြတ်တာ၊နှလုံးရောဂါဖြစ်ပွားမှုကိုလျှော့ချပေးနိုင်ပါတယ်။

၆။ ကိုယ်ဝန်ဆောင်မိခင်တွေကို ကျန်းမာစေတယ်

အာတာလွတ်ဥမှာ ဖောလိတ်အက်ဆစ်ပါဝင်လို့ ကိုယ်ဝန်ဆောင်မိခင်တွေကို ကျန်းမာစေပြီး ရင်သွေးလေးကိုလည်း ကျန်းကျန်းမာမာနဲ့ မွေးဖွားစေနိုင်မှာပါ။

၇။ ခန္ဓာကိုယ်တစ်ခုလုံးရဲ့ လုပ်ငန်းဆောင်တာတွေကို ထိန်းချုပ်ပေးနိုင်တယ်

အာတာလွတ်ဥမှာ ဗီတာမင်-B အုပ်စုပါဝင်ပြီး သံဓါတ်၊ မဂ္ဂနီဆီယမ်၊ ဖော့စဖောလ်ရက်စ် စတာတွေအပြင် တခြား သတ္တုဓါတ်တွေလည်း ကြွယ်ဝစွာပါဝင်ပါတယ်။ အခုလို ဗီတာမင်- B အုပ်စုကြွယ်ဝစွာပါဝင်လို့ ခန္ဓာကိုယ်တစ်ခုလုံးရဲ့ လုပ်ငန်းလုပ်ဆောင်ချက်တွေကို ထိန်းချုပ်ပေးနိုင်ပါတယ်။

အခုဆိုရင် အာတာလွတ်ဥ ရဲ့ ကျန်းမာရေးကောင်းကျိုးတွေကို သိပြီးပြီမို့ ယခုလို ဆောင်းတွင်းအေးအေးလေးမှာ အာတာလွတ်ဥပြုတ် ပူပူနွေးနွေးလေးကို စားဖို့ မမေ့ကြနဲ့နော်။

သတိပြုရမှာက အာတာလွတ်ဥနဲ့ ချောကလက်၊ နို့အေးချောင်း(ရေခဲချောင်း)၊ ဂွေးသီးတို့နဲ့မတည့်ပါဘူး။ ဂေါက်ရောဂါရှိသူများလည်း မစားသင့်ပါဘူး ခြေဆစ် လက်ဆစ်များ နာတတ်ပါတယ်။

Ref: Wikipedia.

ဆောင်ပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...