စိန်နားကပ်ပန်းနှင့် ဆေးဖက်ဝင်ပုံ

04/11/2021 19:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား

စိန်နားကပ်ပန်းကို အင်္ဂလိပ်အမည် Blood flower လို့ခေါ်ပါတယ်။ Blood flower လို့ ဘာကြောင့်ခေါ်မှန်းမသိပေမယ့် သွေးလိုရဲရဲနီသော ပွင့်ချပ်များအလယ်ကနေ အဝါရောင်ဝတ်ဆံအုံ ထွက်နေပုံက ထူးခြားသော ပန်းအလှကိုပေးစေတယ်။ သွေးအရောင်ရှိတဲ့ပန်း bloodflower or blood flower ဆိုတဲ့အမည်နဲ့ လိုက်ဖက်လှတယ်၊ လိပ်ပြာလေးတွေ သွေးဆောင်နိုင်တာကြောင့်လည်း Mexican butterfly လို့လည်း ခေါ်သေးတယ်။ မြန်မာအမည်ကတော့ ရွှေတကုန်းပန်း လို့ ခေါ်တယ်။ အပင်ကထွက်တဲ့ အဆိပ် နို့စေး (poisonous milky sap) တွေကြောင့် မျက်စိကို ထိခိုက်နိုင်တယ်။ 

ဒီအပင်လေးတွေက အေးမြသောတောင်တန်းတွေမှာ အလှပင်အနေနဲ့ စိုက်ကြတယ်။ ဒါပေမဲ့ ဒီအပင်လေးဟာ ပူပြင်းခြောက်သွေ့သောရာသီကိုလည်းနှစ်သက်ပါတယ်။ ရာသီဥတုကြောင့်ထင်ပါရဲ့ တောင်ပေါ်က ပန်းတွေက အရောင် သွေးအရောင်နဲ့ ပိုတူတယ်၊ ပိုပြီးကြီးပြီး ပိုလှတယ်။ 

ဆေးဝင်တဲ့အပင်

အပင်ကနွယ်သာကီအပင်နဲ့ဆင်လှပါတယ်။ အပင်ကိုချိုးဖဲ့ရင် ပင်စည် အရွက်က နို့စေးအဖြူတွေထွက်ပါတယ်။ ပန်းခိုင်က ကြားထွက် umbelliform ပုံစံပါ၊ ပန်းပွင့်များက အနီရောင်သန်းပြီး လိင်စုံပွင့်တွေပါ၊ ပန်းပွင့်က လှလွန်းတော့ စိန်နားကပ် ခေါ်သလို ပန်းတိမ်ငိုလည်း ခေါ်ကြတယ်၊ ပွင့်ဖတ် ပွင့်ချပ် ၅ ခုစီပါပြီး  အနီရောင်ပါ ပွင့်ဖတ်တွေက reflex ဖြစ်နေပုံကထူးခြားလှတယ်။ ပွင့်ချပ်ကတော့ လိမ္မော်ရောင် နဲ့ အဝါရောင်ရင့်ရင့်ပါ၊ 

ဒီအပင်လေးဟာ  သာမာန်အလှစိုက်အပင်ဖြစ်သလို တိုင်းရင်းဆေး၀င်ပင်တစ်ပင်လည်းဖြစ်လို့နေပြန်တယ်၊ "ရှင်နာဂသိန်"ဆေးကျမ်းတွင် သူ့ကို "ရွှေတကုန်းပင်" ခေါ်ပြီး အမြစ်နဲ့ အပွင့်ကို ဆေးဖက်၀င်သည်လို့ဖော်ပြထားပါတယ်။ အပင်၏ ဂုဏ်နှင့်စွမ်းရည်တွင် အမြစ်သည်အန်စေတတ်၏ သွေးယိုစီးခြင်းကိုရပ်စေ၏ သုံးဆောင်ခြင်းဖြင့်သွေးကြောကြီးများတွန့်ရှုံ့စေ၏ ပွင့်လင်းစေ၏ နှလုံးကို ကျေးဇူးပြု၏ ။ သင့်ရုံစားလျှင် အစာအိမ်နှင့် အသည်းကို အားပေး၏။ သည်းခြေရည်ကို စီးဆင်းစေ၏။ ချွေးကိုထွက်စေ၏။ သလိပ်ကိုနိုင်နင်းစေ၏ ။ လွန်စွာစားလျှင် အော့အန်စေ၏။ ပိုးများကိုဖျက်စီးတတ်၏။ ဓာတ်သက်စေ၏။ 

ဆေးမြစ်ကို သွေးအန်သွေးကျများရပ်တန့်ရန်အသုံးပြု၏။ အရွက် အပွင့်ကျိတ်ပြီး သွေးစိမ်းထွက်သောနေရာများကို လိမ်းပေးခြင်းဖြင့် သွေးထွက်ရပ်ကာ အသားနု အမြန်တက်၏။ အမြစ်ကိုသွေးလိမ်းသော် သောက်သော် သလိပ်ပျော်စေ၏...ဟု ဖော်ပြထာပြီး ဆေးအသုံးပြုပုံများအသေးစိတ်ဖော်ပြထားသောကြောင့် တိုင်းရင်းဆေးဝါးတွင် လွန်စွာတန်ဖိုးကြီးလှသော အပင်ဖြစ်ပါသည်။

References- Wikipedia

ကိုသက်နိုင်ဦး

ဟုမ္မလင်း


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်