အစာထဲက ဆေးတစ်ခွက်လည်းတဖြစ် သရက်ရွက်

သဘာဝပတ်ဝန်းကျင် ပျက်စီးလာတာနဲ့အမျှ ကျွန်မတို့တွေ ရောဂါအမျိုးမျိုးနဲ့ ရင်ဆိုင်နေကြရပြီလား?

ဆေးတွေအများကြီး သောက်ရလို့ ဘေးထွက်ဆိုးကျိုးတွေ ခံစားရမှာ ကြောက်နေပြီလား။ "အစာလည်းဆေး၊ ဆေးလည်းအစာ" ဆိုသလို ကျွန်မတို့ အနီးအနားပတ်ဝန်းကျင်မှာရှိတဲ့ သဘာဝဆေးတစ်မျိုးကို သတင်းကောင်းလေးပေးပါရစေ။

     "သရက်ရွက်" ပါ ဟုတ်ပါတယ်။ ကျွန်မတို့ နှစ်ခြိုက်စွာစားသုံးလျက်ရှိတဲ့ သရက်သီးပင်က အရွက်ပါ။ ကျွန်မတို့မြန်မာလူမျိုးတွေဟာ သရက်ရွက်နုလေးတွေကို ပြုတ်ပြီး အတို့အမြုပ်အနေနဲ့ စားသုံးလေ့ရှိကြပါတယ်။ ဒါပေမယ့် သရက်ရွက်အရင့်တွေကိုတော့ စားသုံးသူ မရှိသလောက်ပါပဲနော်။

ဒါဆို လျစ်လျူရှုခံထားရတဲ့ သရက်ရွက်အရင့်တွေမှာလည်း ကျန်းမာရေးအတွက်အထောက်အကူပြုတဲ့ ဘယ်လိုကောင်းကျိုးတွေ ရှိနေလဲဆိုတာ ပြောပြပေးပါမယ်။

     သရက်ရွက်ကို လက်ဖက်ခြောက်အစားထိုးပြီး ရေနွေးနဲ့ စိမ်သောက်ပေးရင် ဆီးချိုရောဂါကို သက်သာစေပါတယ်။ သရက်ရွက်မှာပါဝင်တဲ့ အမ်သိုဆိုင်ရမ်နီဒင် (anthocyanidins) ဆိုတဲ့ ဆိုးဆေးဟာ အစောပိုင်း ဆီးချိုရောဂါကို ကုသနိုင်ပါတယ်။ ဒါ့အပြင် သရက်ရွက်ဟာ သွေးပေါင်ချိန်ကိုလည်း လျော့ကျစေနိုင်ပါတယ်တဲ့။ နောက်ပြီး ခန္ဓာကိုယ်တွင်းမှာ ဂလူ့ကို့စ် (Glucose) တွေ ပျံ့နှံ့ခြင်းကို ကူညီပေးတဲ့အတွက် သွေးထဲက သကြားဓာတ်ပါဝင်မှုကို ထိန်းညှိပေးပါတယ်။

     နောက်ထပ် အကျိုးကျေးဇူးကတော့ သရက်ရွက်ဟာ ဝမ်းကိုက်ခြင်းကို ပျောက်ကင်းစေနိုင်ပါတယ်တဲ့။ သူ့မှာပါဝင်တဲ့ အန်တီအောင့်စီဒင့် (antioxidants) နဲ့ အန်တီမိုင်ခရိုဘိုင်ရယ် (antimicrobials) တွေဟာ အစာခြေစနစ်ကို လှုံ့ဆော်ပေးပြီး အစာလမ်းကြောင်းကို ကောင်းမွန်စေလို့ပါတဲ့။ ဝမ်းကိုက်ခြင်းကို ခံစားရတဲ့အခါ သရက်ရွက်အခြောက်ကို အမှုန့်ကြိတ်ပြီး ရေနွေးနဲ့ သောက်ပေးနိုင်ပါတယ်။ အရှေ့တောင်အာရှနိုင်ငံတွေမှာ သရက်ရွက်နုလေးတွေကို ချက်စားလေ့ရှိပါတယ်။ သတိပြုရမှာကတော့ ဆေးဖက်ဆိုင်ရာအတွက်ဆို အရွက်နုတွေကိုပဲ သုံးသင့်ပါတယ်။

ဒါဆို အလှအပအတွက်ရော အသုံးဝင်လား?

     သူက ဆံပင်တွေ ရှည်ဖို့လည်း ကူညီပေးပြန်ပါတယ်။ သွားနဲ့ ခံတွင်း သန့်ရှင်းဖို့လည်း သုံးလို့ရပါတယ်။ အရွက်တွေကို ရေနွေးပွက်ပွက်ထဲမှာထည့်ပြီး ရေတွေအဝါရောင်ရလာတဲ့အခါ ခံတွင်းဆေးပေးရင် မမြင်ရတဲ့ ဘက်တီးရီးယားတွေကို ဖယ်ရှားပေးပါတယ်။သရက်ရွက်မှာ ခန္ဓာကိုယ်အတွက် လိုအပ်တဲ့ pectin၊ အမျှင်ဓာတ်နဲ့ ဗီတာမင် A,B,C တို့ ပါဝင်လို့ စားသုံးပေးသင့်ပါတယ်တဲ့။ 

မှတ်ချက်-သရက်သီးနဲ့ မတည့်တဲ့သူတွေတော့ စားသုံးလို့ မရပါ။

     ဒါဆို သရက်ရွက်ရဲ့ ကောင်းကျိုးတွေကို သိသွားပြီဆိုတော့ ကျန်းမာရေးအတွက် သန့်ရှင်းလတ်ဆတ်တာတွေ စားသုံးပါ။ ကုသခြင်းထက် ကာကွယ်ခြင်းက ပိုကောင်းတာမို့ ရောဂါမဖြစ်အောင် ဂရုစိုက်ပါ။ သဘာဝပတ်ဝန်းကျင်ကို ထိန်းသိမ်းပါ။ ကျွန်မတို့ပတ်ဝန်းကျင်က အရာအားလုံးဟာ သူ့နေရာနဲ့သူ တန်ဖိုးရှိကြပါတယ်။

ကိုးကား- https://stylesatlife.com/articles/health-benefits-of-mango-leaves/

           - https://timesofindia.indiatimes.com/life-style/health-fitness/diet/this-ancient-drink-made-using-mango-leaves-can-manage-your-diabetes/photostory/76418589.cms

           - https://www.healthline.com/nutrition/benefit-of-mango-leaf#_noHeaderPrefixedContent

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်