ဗေဒါပင်၏ ဆေးဖက်ဝင်ပုံ

06/08/2020 19:00 PM တွင် Sandakue Aung Sandakue Aung မှ ရေးသား ပြီး Greenovator Greenovator မှ ပေးပို့ထားပါသည်။

ဗေဒါသည် မြန်မာနိုင်ငံ၏ မျိုးရင်းမဟုတ်ပေ။ တရုတ်အမျိုးသားတစ်ဦးက အလှစိုက်ရန်ယူလာပြီး ရောက်လာကာမှစ၍ ထိုအပင်ကို ပြည်ကြီးပင်ဟုခေါ်သည်ကို မှတ်သားဖူးပါသည်။ နေရာဒေသမရွေး လျင်မြန်စွာ ပွားများနိုင်သော အပင်ဖြစ်သည်။ ဗေဒါပင်တွင် သတ္ထုဓာတ်များအနေဖြင့် ကယ်လ်ဆီယမ်ဓာတ်၊ မီးစုန်းဓာတ်၊ ပိုတက်ဆီယမ်ဓာတ်၊ မဂ္ဂနီးစ်ဓာတ်၊ ဆိုဒီယမ်ဓာတ်၊ သံဓာတ်၊ ကြေးနီဓာတ်၊ မဂ္ဂနီဆီယမ်ဓာတ်၊ သွပ်ဓာတ် နှင့် ခရိုမီယမ်ဓာတ် စုစုပေါင်းဆယ်မျိုး ပါ၀င်သည်။ ဗေဒါပင်သည် အလွယ်ပွားလွယ်ပြီး အင်အားကောင်းလာကာ ယခုအချိန်တွင် လူတို့၏ အခက်အခဲပင် ဖြစ်လာပါတော့သည်။ ထို့ကြောင့်လူတို့အခက်အခဲဖြစ်သည်အထိ များပြားလာသော ဗေဒါပင်များကို အကျိုးရှိရှိ အသုံးချနိုင်ရန် ဗေဒါပင်၏ ဆေးဘက်၀င်ပုံကို ဆွေးနွေးတင်ပြချင်ပါသည်။ 

အဆိပ်အာနိသင် - ဗေဒါပြုတ်ရည်မှ ထုတ်ယူရရှိသော ရေကို ကြွက်ဖြူများနှင့် စမ်းသပ်ရာ လတ်တလော အဆိပ်အာနိသင်ကို မတွေ့ရှိပါ။

ဗေဒါပင်သည် ရောဂါသုံးမျိုးကို လက်တွေ့ပျောက်ကင်းနိုင်သောကြောင့် ဆေးဘက်၀င်အပင်အဖြစ် သတ်မှတ်ထားကြပါသည်။

အသုံးပြုပုံ

ဆီးကျောက်ရောဂါ - ဗေဒါပင်နုနုကို နုတ်ယူသန့်စင်ပြီး အဆီမပါသော၊ အဆီနည်းသော ၀က်သားနှင့်ချက်စားပါက ဆီးစပ်ကိုက်ခြင်း နှင့် ဆီးကျောက်တည်ခြင်းများကို ပျောက်ကင်းစေပါသည်။ (ဗေဒါအနုသုံးပင်ခန့်ကို ဖြတ်တောက်ပြီး ၀က်သား၂၅ ကျပ်သားဖြင့်ရောချက်ပါ။ အသားနပ်သည်အထိ ချက်ပြီး ကုန်အောင်စားပေးရုံနှင့် ကျောက်များကြေပြီးကျပါသည်။)

အစာအိမ်ရောဂါ - ဗေဒါပင်၏အပွင့်၊ ပင်စည်နှင့် အမြစ်များကို ‌ရေသန့်စင်အောင် ဆေးကြောပြီး ကြော်စား၊ ချက်စား၊ သုပ်စားပါက အစာအိမ်ရောဂါကို သက်သာပျောက်ကင်းစေပါသည်။

ဆီးချိုသွေးချိုရောဂါ - ဗေဒါပွင့်ကို လက်ဖက်ခြောက်ကဲ့သို့ ရေနွေးခတ်ခြင်း၊အပွင့်ကိုသုပ်စားခြင်းဖြင့် ဆီးချို၊ သွေးချိုရောဂါကို ထိန်းချုပ်နိုင်ပါသည်။ ဗေဒါပွင့်လေးများကို အရည်ညှစ်ပြီး နေ့စဉ် လက်ဖက်ရည်ကြမ်းပန်းကန်တစ်လုံးလောက် ပုံမှန်သောက်ပေးခြင်းသည်လည်း ပျောက်ကင်းနိုင်ပါသည်။

မစန္ဒကူးအောင် 

https://m.facebook.com/story.php?story_fbid=2015848892010821&id=100007571890625

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

 

 


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်