ဆောင်းရာသီစာတည်သီးနှင့် ကျန်းမာရေး

တည်သီးမှာ ရနံ့မွှေးမွှေးလေးနဲ့ အရသာချိုပြီး ဆောင်းဦးပေါက်မှာပေါ်တဲ့ ဆောင်းရာသီစာ ဆေးဖက်ဝင် အသီးအနှံတစ်မျိုး ဖြစ်ပါတယ်။

တည်သီးတွင် Vitamin-A , Beta- carotene , Lutein , Lycopene , Vitamin-b Complex , Copper စတဲ့ ဓာတ်တွေအပြင် အန်တီအောက်စီဒန့်လည်း ကြွယ်ဝစွာ ပါဝင်ပါတယ်။

ထိုကဲ့သို့ အကျိုးပြုဓါတ်တွေများပြားလှတဲ့ တည်သီး၏ ကျန်းမာရေးကောင်းကျိုးများမှာ -

၁။ လိပ်ခေါင်းမဖြစ်အောင် ကာကွယ်ပေးနိုင်တယ်

တည်သီးမှာ လိပ်ခေါင်းကာကွယ်ပေးတဲ့ အာနိသင်ရှိပြီး လိပ်ခေါင်းကြောင့် စအိုမှ သွေးကျတာကိုလည်း သက်သာစေနိုင်ပါတယ်။ ကာကွယ်ဖို့ရော၊ ကုသဖို့ပါ စားပေးသင့်ပါတယ်။

၂။ အစာခြေစနစ်ကို ကျန်းမာစေတယ်

အမျှင်ဓာတ်ကြွယ်ဝမှုက အစာခြေစနစ်ကို အထောက်အကူပြုပေးပါတယ်။ အူနံရံတွေကို အာဟာရစုပ်ယူမှုကောင်းစေသလို ဝမ်းမှန်စေနိုင်ပါတယ်။ အူမကြီးကင်ဆာမဖြစ်အောင်လည်း ကာကွယ်ပေးပြီး ဝမ်းပျက်ဝမ်းလျှောမဖြစ်အောင် အထိရောက်ဆုံး ကာကွယ်ပေးနိုင်ပါတယ်။

၃။ ဆီးချိုအတွက်ကောင်းတယ်

တည်သီးက ချိုတယ်ဆိုပေမယ့် ဆီးချိုရှိသူတွေနဲ့ သင့်တော်ပါတယ်။ အဆာခံနိုင်စေပြီး သွေးတွင်းသကြားဓာတ်မတက်အောင် အထိရောက်ဆုံး ကာကွယ်ပေးနိုင်ပါတယ်။

၄။ သွေးတိုးသက်သာစေတယ်

ဆိုဒီယမ်ပါဝင်မှုများတဲ့ အစားအစာတွေကို စားသုံးတာက သွေးတိုးဖြစ်စေရတဲ့ အဓိကအကြောင်းအရင်းပါ။ တည်သီးမှာတော့ ဆိုဒီယမ်ပါဝင်မှုနည်းသလို ပိုတက်ဆီယမ်ပါဝင်မှုက သွေးပေါင်ချိန်ကို အကောင်းဆုံးထိန်းညှိပေးနိုင်ပါတယ်။

၅။ ကိုယ်ခံအားကောင်းစေတယ်

ဗီတာမင်-စီ ပါဝင်မှုက ကိုယ်ခံအားကို အကောင်းဆုံးမြှင့်တင်ပေးပါတယ်။ အအေးမိဖျားနာ၊ တုပ်ကွေး စတာတွေကနေကာကွယ်ဖို့ဖြစ်ဖြစ် ပန်းနာရင်ကြပ်၊ တီဘီတို့လိုမျိုး ရောဂါတွေကို ခုခံတိုက်ထုတ်ဖို့ပဲဖြစ်ဖြစ် တည်သီးကို စားလို့ရပါတယ်။

၆။ ကင်ဆာသက်သာစေတယ်

ကင်ဆာဝေဒနာခံစားနေရသူတွေအနေနဲ့လည်း ကင်ဆာဆဲလ်တွေကို တိုက်ထုတ်ဖို့နဲ့ ထပ်ပွားမလာစေဖို့အတွက် ဓာတ်တိုးဆန့်ကျင်အာနိသင်ကြွယ်ဝတဲ့ တည်သီးကို စားပေးလို့ရပါတယ်။ ကင်ဆာကာကွယ်ဖို့လည်း စားပေးလို့ရပါတယ်။

၇။ အမြင်အာရုံကောင်းစေတယ်

ဗီတာမင်-အေ ကြွယ်ဝစွာပါဝင်နေတဲ့ တည်သီးက အမြင်အာရုံကို အကောင်းဆုံး အားဖြည့်ပေးနိုင်မှာပါ။

၈။ သွေးအားကောင်းစေတယ်

ကော့ပါးပါဝင်နေတာကြောင့် သံဓာတ်စုပ်ယူမှု အားကောင်းစေပြီး သွေးနီဥဆဲလ်တွေကိုဖြစ်ပေါ်စေပါတယ်။ သွေးအားနည်းရောဂါမဖြစ်အောင် အထိရောက်ဆုံး ကာကွယ်ပေးပါတယ်။

၉။ ကြို့ထိုးတာကို သက်သာစေနိုင်ပါတယ်

ကြို့ထိုးသက်သာချင်သူတွေအနေနဲ့လည်း တည်သီးစားပေးလို့ရပါတယ်။

၁၀။ အသည်းကျန်းမာစေနိုင်တယ်

ဓာတ်တိုးဆန့်ကျင်အာနိသင် ကြွယ်ဝနေတာကြောင့် ကိုယ်တွင်းကအဆိပ်အတောက်တွေကို အထိရောက်ဆုံးဖယ်ရှားပေးပြီး ဆဲလ်တွေထိခိုက်ပျက်စီးမှုမဖြစ်အောင် ကာကွယ်ပေးနိုင်ပါတယ်။ အသည်းကိုထိခိုက်စေတဲ့ အဆိပ်အတောက်တွေကိုလည်း အကောင်းဆုံး ဖယ်ရှားပေးနိုင်ပါတယ်။

၁၁။ ကိုယ်တွင်းက ပိုလျှံနေတဲ့ရေတွေကို ဖယ်ရှားပေးနိုင်ပါတယ်

တည်သီးက ဆီးရွှင်စေနိုင်ပြီး ကျောက်ကပ်မှာပိုနေတဲ့အရည်တွေနဲ့ အရေပြားအောက်မှာ ခိုအောင်းနေတဲ့ ရေပိုတွေကို အထိရောက်ဆုံးဖယ်ရှားပေးနိုင်ပါတယ်။ ပိုလျှံနေတဲ့ရေတွေကိုသာ ဆီးကနေတဆင့် ဖယ်ရှားပေးတာဖြစ်ပြီး ကိုယ်တွင်းကသတ္တုဓာတ်တွေကို လျော့ကျစေတာမျိုးတော့ မရှိပါဘူး။

၁၂။ အင်အားပြည့်စေတယ်

ပိုတက်ဆီယမ်နဲ့ သကြားဓာတ်ပါဝင်နေမှုက ခန္ဓာကိုယ်ကိုအကောင်းဆုံး အားဖြည့်ပေးနိုင်ပါတယ်။ ခြေကုန်လက်ပမ်းကျတာ၊ ပင်ပန်းနွမ်းနယ်တာမျိုးမဖြစ်အောင် အထိရောက်ဆုံး ကာကွယ်ပေးနိုင်ပါတယ်။

ဘေးထွက်ဆိုးကျိုးအနေဖြင့်-

- ဆိုဒီယမ်ဓာတ်နည်းလို့ သွေးပေါင်ကိုကျစေပါတယ်။ ဒါ့ကြောင့် သွေးပေါင်ကျနေချိန် တည်သီးကို ရှောင်သင့်ပါတယ်။

- တည်သီးမှာ ဖရူးတို့စ်ဓာတ်များပါဝင်ပါတယ်။ တည်သီးကို အလွန်အကျွံစားခြင်းဖြင့် အသည်းအဆီဖုံးခြင်းဖြစ်နိုင်လို့ ချင့်ချိန်ပြီး စားသင့်ပါတယ်။

သတိပြုရန်အနေဖြင့်

- တည်သီးကို ၃ နှစ်အောက်ကလေးများကို မကျွေးသင့်ပါ။ ကလေးအစာအိမ်မှာ ကျောက်တည်စေနိုင်လို့ ဖြစ်ပါတယ်။

- ရာသီဥတုအခြေအနေနဲ့ မကိုက်ညီပါက ကလေးအသက်ရှူမဝဖြစ်ကာ (ကိုယ်ခံအားမကောင်းချိန်) တွင် သတိလစ်ခြင်း၊ သတိပြန်လည်မလာခြင်းများဖြစ်ပွားကာ အသက်ဆုံးရှုံးနိုင်ပါတယ်။

- ကလေးဖြစ်စေ၊ လူကြီးဖြစ်စေ တည်သီးစားပြီးပါက နွားနို့၊ ကဏန်း၊ စိမ်းစားဥ၊ ပဲနို့၊ ပဲပြားတို့ကို စားပါက ဝမ်းတွင်းရှိကလီစာများ ပျက်စီးတတ်ကြောင်း ဖတ်မှတ်လေ့လာခဲ့ရဖူးပါတယ်။

ပင်လယ်ပြာ(ငါးဦးစီး)

မှီငြမ်း-ကျန်းမာရေးဗဟုသုတစာစောင်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...