စောင်းလျားသီး၏ အံ့ဖွယ်ဆေးဖက်ဝင်မှုများ

မြန်မာနိုင်ငံ၏ ကျေးလက်နေသူအများစုသည် စောင်းလျားသီးကို အကွင်းလိုက် လှီးဖြတ်ကာ ငါးပိရည်၊ ငံပြာရည်တို့နှင့် တွဲဖက်၍ စားလေ့ရှိကြပါသည်။ တစ်ချို့ကတော့ စောင်းလျားသီးအစိမ်းကို အိမ်သုံးဆားနှင့်တို့စားပေးခြင်း၊ ဟင်းလျာအသုပ်တစ်ပွဲအဖြစ် ပုစွန်ခြောက်နှင့် သုပ်စားတတ်ကြပါသည်။ အချို့မှာ ချဉ်ဖတ်ပြုလုပ်၍စားပေးခြင်း အသီးကိုခပ်ပါးပါးလှီးဖြတ်၍ ချဉ်ဟင်းတွင်ထည့်ပြိး လက်ဖက်ရည်ကြမ်းနှင့် တွဲစားပေးလေ့ရှိကြပါသည်။ ဆီစိမ်၍ပါးပါးလှီးဖြတ်၍ သနပ်အဖြစ်၊ လက်သုပ်အဖြစ် စားကြသည်။ အချိုစောင်းလျားသီးတွေက ချဉ်၍ ချိုစေရန်အတွက် အိမ်သုံးသကြားနှင့် တို့စားတတ်ကြပါသည်။ စောင်းလျားသီးယိုများ၊ ဂျယ်လီများအဖြစ်လည်း စားသုံးနိုင်ပေသည်။ အချို့သော ဖွယ်ဖွယ်ရာရာများအဖြစ် ကျေးလက်ဒေသနေ ရွာသူရွာသားများ စားသုံးမှုများလည်းကျန်ရှိနေပါသည်။ အန်တီ ဦးကြီးတို့ စားလေ့ရှိကြတဲ့ပုံစံကိုလည်း ဝင်ရောက်ဆွေးနွေးခဲ့ကြပါဦး။

သရေစာအဖြစ်စားလို့ကောင်းတဲ့ စောင်းလျားသီးသည် ကျန်းမာရေးကိုအထောက်အကူပြုတဲ့အချက်များစွာရှိပါသည်။ ဆေးဖက်ဝင်တဲ့အချက်များကို လေ့လာကြည့်လိုက်ရအောင်။

စောင်းလျားသီးသည် ခံတွင်းမြိန်စေတဲ့အတွက် အစာလမ်းကြောင်းရောဂါငယ်များဖြစ်သည့် မစားချင် မသောက်ချင် ဖြစ်နေသူများ၊ ရင်ပြည့်ရင်ကယ်ဖြစ်ခြင်းတို့ကို သက်သာစေပါသည်။

ဝမ်းပျက်ဝမ်းလျောရောဂါဖြစ်လျှင် စောင်းလျားသီးအစိမ်းကို ငါးကြင်းကျပ်တိုက်ခြောက်နှင့် ကြော်စားပေးလျှင် သက်သာပျောက်ကင်းစေသည်ဟု သိရပါသည်။ ဒီနည်းလမ်းသည် မီးတွင်းဝမ်းသက်ခြင်း၊ သကျည်းကိုက်ခဲခြင်းနှင့် မိခင်နို့နာခြင်းများကို သက်သာစေနိုင်ပါသည်။

စောင်းလျားသီးအစိမ်းနှင့် အမှည့်တို့၏ ဆေးဖက်ဝင်အာနိသင်မှာ အနည်းငယ်ကွာခြားပါသည်။ စောင်းလျားသီးမှည့်ကို အလွတ်စားလျှင်  အိပ်ရေးပျက်သောရောဂါ၊ မအီမသာဖြစ်သောရောဂါ၊ သလိပ်ခဲသောရောဂါ၊ အစားအစာမတင်းတိမ်သောရောဂါ၊ လေထိုးခြင်း၊ အစာဝင်လျှင် အန်ခြင်း၊ လေပွေလေကယ်ခြင်း၊ ရေငတ်အော့အန်ခြင်းတို့ကို သက်သာပျောက်ကင်းစေနိုင်ပါသည်။

ဝမ်းချုပ်ခြင်း၊ ဆီးချုပ်ရောဂါ၊ ဆီးပူရောဂါတို့အတွက် စောင်းလျားသီးချဉ်ရည်ဟင်းတစ်ခွက်သည် ဘဘာဝဆေးတစ်လက်ဖြစ်ပါသည်။ စောင်းလျားသီးဖျော်ရည်ကို နံနက်တစ်ကြိမ်၊ ညတစ်ကြိမ်သောက်ပေးခြင်းဖြင့် ပူလောင်ခြင်း၊ ရေငတ်ခြင်း၊ နှလုံးတုန်ခြင်း၊ ရင်တုန်ခြင်းတို့ကိုသက်သာစေပါသည်။

ဆက်လက်ပြီးစောင်းလျားသီးတွင်ပါဝင်သောအာဟာရဓာတ်များမှာ...

ကာဗိုဟိုက်ဒရိတ်

ဗီတာမင်အေ

ကယ်လ်ဆီယမ်

ဗီတာမင်စီ ဓာတ်များစွာပါဝင်ပါသည်။

ခုလို စောင်းလျားသီးပေါတဲ့အချိန်မှာ ကျန်းမာရေးအတွက် ဆေးတစ်လက်ဖြစ်အောင် စားကြဖို့ မမေ့ပါနဲ့။

“သဘာဝသစ်သီးများ၏ အံ့ဖွယ်ဆေးဖက်ဝင်မှုများ” စာအုပ်မှ ကောက်နုတ်ဖော်ပြပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်