ကန်စွန်းရွက်က ကျန်းမာရေးအတွက်ဘာကောင်းလဲ

ကန်စွန်းရွက်ကို အင်္ဂလိပ်လို Water Spinach သို့မဟုတ် Water Convolvulus လို့လည်းခေါ်ပါတယ်။ ကန်စွန်းရွက်သည် ကျွန်တော်တို့မြန်မာနိုင်ငံမှာ လူတန်းစားအားလုံးနီးပါး လက်လှမ်းမှီပြီး အလွယ်တကူဝယ်ယူရရှိနိုင်တဲ့ ဟင်းရွက်ဖြစ်ပါတယ်။

ကန်စွန်းရွက်ဟာ အာဟာရဓာတ်ကြွယ်ဝတဲ့ ဟင်းရွက်ဖြစ်ပါတယ်။ ကန်စွန်းရွက်မှာ ဗီတာမင်အေ၊ ဗီတာမင် B1၊ ဗီတာမင်စီ၊ ဗီတာမင်ကေ၊ ပရိုတင်းဓာတ်၊ ကယ်လ်စီယမ်၊ ဖော့စ်ဖရပ်စ်၊ သံဓာတ်၊ ကယ်ရိုတင်းဓါတ်၊ ဆိုဒီယမ်စတဲ့ အာဟာရဓာတ်တွေ များစွာပါဝင်တာကြောင့် ကျန်းမာရေးအတွက် အကျိူးများစေတဲ့ အရွက်တစ်မျိုး ပဲဖြစ်ပါတယ်။

ကန်စွန်းရွက်ကိုကြော်တာ ချဉ်ရည်ဟင်းချက်တာ အစိမ်းတို့စားတာ ပြုတ်ပြီးတို့စားတာ အစိမ်းသုပ်စားတာ စသဖြင့် အမျိုးမျိုးလုပ်စားနိုင်ပါတယ်။ ကြော်တာ ချက်တာ ပြုတ်တာလုပ်ပါက သတိထားရမည့်အချက်တစ်ခုမှာ ကန်စွန်းရွက်ရဲ့ မူလအစိမ်းရောင် တအားပျက်မသွားရန် သတိထားရပါမယ်။ အချိန်အကြာကြီး အပူနဲ့တွေ့ပါက မူလအရောင်ပျောက်သွားရင် ကန်စွန်းရွက်မှာပါတဲ့ ဗီတာမင်များလည်း ပျောက်ပျက်သွားနိုင်လို့ပါ။

အစိမ်းသုတ်စားတာ အစိမ်းတို့စားတာလုပ်မယ်ဆိုရင်တော့ ရေသေချာဆေးရန် သတိပြုရပါမယ်။ ကန်စွန်းရွက်ကို အသက်ကြီးငယ်မရွေး စားသုံးနိုင်ပါတယ်။ သွေးတိုးရောဂါရှိသူများ၊ လိပ်ခေါင်းရောဂါရှိသူများ၊ ဝမ်းချူပ်တတ်သူများဆို ပိုလို့တောင် စားသင့်ပါတယ်။

ကန်စွန်းရွက်ထဲတွင် ဆဲလူးလို့စ်ဓာတ် ပြည့်ဝစွာပါခြင်းကြောင့် အူလမ်းကြောင်းလှုပ်ရှားမှု (Peristalsis) ကို ကောင်းစွာဖြစ်စေပြီး ဝမ်းသွားရ လွယ်ကူစေပါတယ်။ ကန်စွန်းရွက်ကို စားပြီးချိန်မှာ အူထဲရှိ အက်စစ်ဂုဏ်သတ္တိကို လျော့ကျစေတာကြောင့် အူလမ်းကြောင်း Flora မမျှတမှု မဖြစ်အောင် ကာကွယ်ပေးနိုင်တဲ့အတွက် ဝမ်းပျက်ခြင်း၊ သွေးဝမ်းသွားခြင်း၊ ကင်ဆာတားဆီးပေးခြင်းစတဲ့ အာနိသင် ရှိပါတယ်။

နောက် ဗီတာမင်စီလည်း ပါဝင်တာကြောင့် သွေးထဲက ကိုလက်စထရော (အဆီဓာတ်) ကိုလည်း ကျစေပါတယ်။ ဗီတာမင်စီက နှလုံးသွေးကြောနဲ့ အရေပြားကို ကာကွယ် ထိန်းသိမ်းပေးပါတယ်။

နောက်ပြီး ကန်စွန်းရွက်စားခြင်းဖြင့် အိပ်ရေးဝ၀ အိပ်ပျော်စေပါတယ်။ ကန်စွန်းရွက်ဟာ အိပ်မပျော်တဲ့သူ ဒါမဟုတ် အိပ်ပျော်ဖို့ ခက်ခဲတဲ့သူတွေအတွက် သဘာဝအိပ်ဆေး တစ်လက်လိုမျိုး အသုံးဝင်ပါတယ်။ ကန်စွန်းရွက်ဟာ အိပ်မောကျအောင် လှုံ့ဆော်ပေးနိုင်စွမ်း ရှိလို့ပါ။ ကန်စွန်းရွက်ကို စားရင် အချိန် အကြာကြီး အိပ်ပျော်စေတာမျိုး မဟုတ်ဘဲ အိပ်စက်မှု အရည်အသွေးကို ပြည့်ဝစေတာကြောင့် နိုးထလာတဲ့အခါ လန်းဆန်းစေပါတယ်။

ကန်စွန်းရွက်ထဲတွင်ပါတဲ့ ဗီတာမင်အေကလည်း မျက်လုံးကျန်းမာရေးအတွက် အထောက်အကူပေးပါတယ်။ ဒါကြောင့် အချိန်ကြာမြင့်စွာ မျက်လုံး အသုံးပြုနေရသူများ ကွန်ပျူတာနဲ့ အလုပ်လုပ်နေရသူများဆို အမြဲတမ်း စားသုံးပေးသင့်ပါတယ်။

ဒါ့ပြင် အစားမှားလို့ အဆိပ်အတောက် ဖြစ်ခဲ့ပါကလည်း ကန်စွန်းရွက်ကို သေချာရေဆေးပြီး ထုထောင်းအရည်ညှစ်ကာ အရည်နဲ့အဖတ်ကို သောက်သုံးရင် အဆိပ်အတောက်ကို ပြေစေနိုင်ပါတယ်။ ကန်စွန်းရွက်ထဲမှာ ကယ်လ်စီယမ်ဓာတ်လည်း ပါဝင်တာကြောင့် အရိုးကိုလည်း ကျန်းမာစေပါတယ်။

ကန်စွန်းရွက်ဟာ သွေးဖိအားကို ကျဆင်းစေတဲ့အတွက် သွေးတိုးရှိသူများ ပိုမိုစားသုံးသင့်သော်လည်း သွေးကျတတ်သူတွေမှာ ခေါင်းမူးစေရန် ပိုလွယ်ကူသောကြောင့် သွေးကျတတ်သူတွေ မစားသင့်ပေ။

ကန်စွန်းရွက်သည် ခန္ဓာကိုယ်ထဲက အပူအပုပ်တွေကိုလည်း ရှင်းစေတဲ့အပြင် ဆီးသွားခြင်းကိုလည်း ကောင်းကျိုးပေးသည်။ ကန်စွန်းရွက်မှာပါတဲ့ အင်တီအောက်ဆီးဒင့်ဟာ ခန္ဓာကိုယ်ထဲက မကောင်းတဲ့ ဖရီးရယ်ဒီကယ်တွေကို ကင်းစင်စေတာကြောင့် ကင်ဆာဖြစ်ခြင်းကို လျှော့ချပေးပြီး ကျန်းမာစေပါတယ်။

အမျိုးသမီးများ လစဉ်ရာသီလာချိန်မှာ ခံစားရတဲ့ နာကျင်ကိုက်ခဲမှုကို ကန်စွန်းရွက်စားပေးခြင်းဖြင့် သက်သာလျော့ကျစေပါတယ်။ ဒါတွေကတော့ ကျွန်တော်သိသလောက် ကန်စွန်းရွက်ရဲ့ကောင်းကျိူးတွေပါ။ အဆုံးသတ်အနေနဲ့ အကြံပေးလိုတာကတော့ ကန်စွန်းခင်းမှ ခူးပြီး ကန်စွန်းရွက်ရောင်းသူများ ရှိသကဲ့သို့ အချို့ကလည်း ရေဆိုးမြောင်းဘေးတွင် အလေ့ကျ ပေါက်နေသော ကန်စွန်းရွက်များကို တနိုင်တပိုင်စီးပြီး ရောင်းသူများ ရှိပါတယ်။

ရေဆိုးမြောင်းထဲမှာ စက်ရုံများမှ စွန့်ထုတ်လိုက်သည့် ဓာတုရေဆိုးများ လူနေအိမ်များမှ စွန့်ပြစ်သည့် အညစ်အကြေးများ ရှိပြီး ထိုအနီး အနားတွင်ပေါက်တဲ့ ကန်စွန်းရွက်တွေမှာ လူကို ဥပဒ်ပေးသော ပိုးမွှားများပါသောကြောင့် ရေသေချာမဆေးဘဲ စားသုံးမိပါက ရောဂါဆိုးများ ရရှိနိုင်ပါသည်။ ဒါကြောင့် ကန်စွန်းရွက် ဝယ်လျှင် သတိထားပြီး ဝယ်ယူပါ။ မစားခင်လည်း ရေစင်အောင် သေချာဆေးပါလို့ ပြောချင်ပါတယ်။

Author : Dr. 528

Siurce - On Doctor

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...