ပင်စိမ်းပင်၏ ကျန်းမာရေးအကျိုးကျေးဇူးများ

ပင်စိမ်းပင်သည် မြန်မာနိုင်ငံအနှံ့အပြားတွင် ပိုမိုပေါက်တတ်ပါတယ်။ ပင်စိမ်းပင်ဟာ သဘာဝအလျောက် ပေါက်ရောက်သောအပင်ဖြစ်သလို ကိုယ်တိုင်စိုက်ပျိုးလို့လည်းရပါတယ်။ မျိုးစေ့ကနေ အလွယ်တကူစိုက်ပျိုးလို့ရပါတယ်။ မြေသြဇာအထူးမလိုအပ်ပေ။ သူ့ရဲ့အပင်ပုံစံကိုတော်တော်များများ မြင်ဖူးကြမယ်ထင်ပါတယ်။ ပင်စိမ်းပင်ဟာ အပင်ငယ်မျိုးဖြစ်ပြီး အရွက်ကသေးပြီးနူးညံ့ပါတယ်။ အပွင့်ဖြူလေးတွေဟာ တပေါင်းတန်ခူးလတွေမှာ ပွင့်လေ့ရှိပါတယ်။ အရသာက ပူစပ်စပ်လေးဖြစ်ပြီး တချို့က ဟင်းချက်တဲ့အခါ ထည့်ချက်ပါတယ်။

ပင်စိမ်းမျိုးအနေဖြင့် ပင်စိမ်းဖြူ၊ ဟင်းစားပင်စိမ်း၊ ပင်စိမ်းနက်၊ ပင်စိမ်းညို၊ ပင်စိမ်းကြီး၊ ဗလရှင်ကင် ဆိုပြီး ပင်စိမ်းအမျိုးမျိုးရှိပါတယ်။ ပင်စိမ်းကိုဆေးဖော်ရာမှာ အရွက်နဲ့ အစေ့ကိုအသုံးပြုပါတယ်။ မြန်မာဆေးကျမ်းထဲတွင် ပင်စိမ်းသည် ပူ၏၊ စပ်၏၊ အနည်းငယ်ခါး၏၊ လေသလိပ်ကိုနိုင်၏၊ ဆီးကိုနိုင်၏၊ လေကိုသက်စေပြီးသွေးကိုတက်စေ၏၊ ရင်ကျပ်နာ၊ အစာမကြေ၊ ချွဲကျပ်နာတို့ကိုနိုင်၏။ လူရဲ့ကျန်းမာရေးကို လွန်စွာအကျိုးပေးပါတယ်။ ပင်စိမ်းအရွက်နဲ့အစေ့ကို မြန်မာဆေးဝါးအဖြစ်အသုံးပြုပုံမှာ အောက်ပါအတိုင်းဖြစ်ပါတယ်။

(၁) ခေါင်းတခြမ်းကိုက်လျှင် ပင်စိမ်းသတ္ထုရည် (လတ်လတ်ဆတ်ဆတ်ညှစ်ရည်) ကိုယူပြီး နားထင်နဲ့ နဖူးကို လိမ်းပေးပါ။

(၂) ပွေးနာ၊ ယားနာ = ပင်စိမ်းရွက်ကို သံပုရာရည်နဲ့ရောပြီး ညက်နေအောင်ထောင်းပါ၊ ထောင်းလို့ရတဲ့အရည်ကို အနာပေါ်ပွတ်တိုက်ပေးပါ အုံပေးပါ။

(၃) အစာမကြေ၊ ဝမ်းကိုက် = ပင်စိမ်းရွက်ပြုတ်ရည်ကို သောက်ပေးပါ။ သတ္ထုရည်သောက်ပေးပါ။

(၄) နားအူနားကိုက်၊ နားပြည်ယို = ပင်စိမ်းရွက်သတ္ထုရည်ကို ဇွန်းဖြင့်ထည့်ပြီး မီးအပူပေးပါ။ ထိုအရည်ကို နွေးနွေးလေးရလာပြီးဆို နှစ်စက်သုံးစက်ခန့် နားထဲထည့်ပေးပါ။

(၅) လေငန်းလေဖြတ်၊ အဆစ်ရောင် = ပင်စိမ်းပဉ္စငါးပါးကို ရေနွေးဖျော၍ အငွေ့ရှူပေးပါ။

(၆) ဆီးအောင့်အမောသက်သာ = ပင်စိမ်းစေ့ကို သကြားရည်နဲ့ ဖျော်ရည်လုပ်သောက်ပေးပါ။

(၇) မစားချင်၊ မသောက်ချင်၊ အစာအိမ်လေနာ၊ ဝမ်းနာ = ပင်စိမ်းရွက်ကိုထောင်းပြီး သောက်ပေးပါ။

(၈) ကင်းမြီးကောက်ကိုက် = ပင်စိမ်းရွက်ကြိတ်၍ အုံပေးပါ။

(၉) အအေးမိ၊ နှာစေး၊ ချောင်းဆိုး = ပင်စိမ်းရွက်အစိုကို သုံးခွက်တစ်ခွက်တင်ကျိုပြီး ပူပူလေးသောက်ပေးပါ။ တုပ်ကွေးပါသက်သာတယ်လို့ တွေ့ရှိရပါတယ်။

ပင်စိမ်း၏ အကျိုးကျေးဇူးအများကြီးထဲကမှ ကောက်နုတ်ထားပါတယ်။ နောက်ထပ်လည်းအကျိုးကျေးဇူးများစွာရှိတာမို့ ပင်စိမ်းဟာ အမှတ်တမဲ့ဆို အဖိုးတန်တယ်မထင်ရပေမယ့် ဒီစာကိုဖတ်ပြီးတဲ့အခါ တန်ဖိုးရှိကြောင်းသိလာမည်လို့ ရည်ရွယ်ချက်ဖြင့် ရေးသားရခြင်းဖြစ်ပါတယ်။

Ref –http://theflashbuiness.com

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။