ချိုချိုချဉ်ချဉ် လိမ္မော်ဝိုင်

စာဖတ်သူများအားလုံး မင်္ဂလာပါ။ ကျွန်တော်ရေးတဲ့ ဆောင်းပါးအများစုဟာ တန်ဖိုးမြင့်ထုတ်ကုန်အကြောင်းရေးရင် ဝိုင်ထူးထူးဆန်းဆန်းတွေလုပ်ရတာမျိုးကို အရမ်း သဘောကျတာ ဖြစ်တဲ့အတွက် ကြားဖူးနေကျမဟုတ်တဲ့ လုပ်နည်းလေးတွေ ရေးဖြစ်ပါတယ်။ တကယ်လည်း လုပ်ပြီးစမ်းဖြစ်တယ်။ တကယ်လည်း သောက်လို့ရတာမို့လို့ ထပ်ပြီးမျှဝေလိုက်ပါတယ်။

ပါ၀င်ပစ္စည်း

- လိမ္မော်သီး ခပ်သင့်သင့် ၁၅လုံး

- သကြားဖြူ ၁.၅ ကီလိုဂရမ်

- လိမ္မော်ဖျော်ရည် ပုလင်း၂ဖုံး

- တစေးလုံး ၁ လုံးခွဲ (ရှိတဲ့အမှုန့်ပဲသုံးမယ်ဆို ၅ကျပ်သား ၀န်းကျင်ထည့်ရန်)

ပထမဦးစွာ လိမ္မော်သီးတွေကို အခွံခွာပါ၊ အခွံခွာတဲ့နေရာမှာ အောက်က အဖြူသားတွေပါပြောင်စင်နေအောင်ခွာဖို့ အရေးကြီးပါတယ်၊ ခါးတာကြိုက်ရင်တော့ ထည့်ပေါ့လေ။

ဒုတိယအဆင့်အနေနဲ့ ခွာပြီးသား လိမ္မော်သီးအမြှောင်းတွေကို သေချာဓားနဲ့ခြမ်းလိုက်ပါ။ ထို့နောက် အားလုံးကို အဖုံးပါတဲ့ စတီးဇလုံထဲကိုထည့်ပါ၊ ပွက်ပွက်ဆူထားတဲ့ ရေနွေးကိုမျှတစွာလောင်းပြီး ၁ ရက်ကြာအထိ အဖုံးပိတ်လိုက်ပါ။ ၁ ရက်ပြည့်တဲ့အခါ ဇွန်းသန့်သန့်နဲ့ ကြိတ်ချေပါ။

တတိယအဆင့်အနေနဲ့ သကြားရည် ကျိုလိုက်ပါ။ ကျိုပြီးသားသကြားရည်ကို အချဉ်ဖောက်မဲ့ (Fermentation) လုပ်မယ့် ကာဗွန်ဒိုင်အောက်ဆိုဒ် CO2 ထုတ်နိုင်တဲ့ ထည့်စရာဗူးတစ်ခုမှာ အချဉ်ဖောက်ခြင်းလုပ်ငန်းစတင်ပါ။ အဲ့ထဲကို အရင်ရက်က ကြိတ်ချေပြီးသား လိမ္မော်သီးဖတ်နဲ့ အရည်တွေအပြင် ပြင်ပက လိမ္မော်ဖျော်ရည် ၂ ဇွန်းနဲ့အတူ တစေးအပါအ၀င်‌ ရောနှောထည့်ပါ။ လိ‌မ္မော်အဖတ်တွေကို စစ်ပြီးထည့်ပါ။ မစစ်ဘဲထည့်မယ်ဆိုရင်လည်း အဆင်ပြေပါတယ်။ ရက်သတ္တပတ် ၂ ပတ်ခန့် အကြာမှာ အချဉ်ဖောက်ထားတဲ့ဗူး/ပုလင်းထဲက လေပူပေါင်းတွေထုတ်တာ ရပ်သွားတဲ့အချိန်မှာတော့ Racking လို့ ခေါ်တဲ့ ကဲ့ထုတ်/ခြင်း စတင်လုပ်ရပါမယ်။

အရောင်တွေကြည်လာသည်အထိ စစ်ပါ။ ထို့နောက် ဆွဲဆောင်မှုရှိရှိ ချိုချိုလေးဖြစ်တဲ့ လိမ္မော်ဝိုင်ကို ရက်သတ္တပတ် ၃ ပတ်မြောက်မှာ သောက်သုံးနိုင်ပြီဖြစ်ပါတယ်။

ပြည့်ဖြိုးသော် (B.Agr.Sc ၊Soil and Water Science)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ