အပင်ဟော်မုန်းများနဲ့ ရွက်ဖျန်းဆေးများ

အရည်ပုံစံရွက်ဖျန်းဆေးများကို အားဆေးများ၊ အပင်ကြီးထွားမြန် လှုံ့ဆော်ဆေးများအပြင် ပေါင်းသတ် ဆေးများ အဖြစ်ပါ တီထွင်ထုတ်လုပ် ရောင်းချလာကြပါတယ်။ အပင်ဟော်မုန်းဆိုတာကတော့ အပင်ကနေ သဘာ၀ အတိုင်း ထုတ်လုပ်ပေးတဲ့ ပင်တွင်းဓါတုဒြပ်ပေါင်းများပဲဖြစ်ပါတယ်။ ရွက်ဖျန်းအားဆေးရည်များဟာ အပင်အတွင်းပိုင်းမှာ ဟော်မုန်းများက လုပ်ဆောင်တဲ့လုပ်ငန်းများကိုပါ တထပ်တည်း တူညီအောင် လုပ်ဆောင်နိုင်စွမ်းရှိတာကြောင့် ပင်ပိုင်းဆိုင်ရာနဲ့ သီးပွင့်ပိုင်းဆိုင်ရာကဏ္ဍများကို ထိန်းချုပ်ရာမှာလည်း လွန်စွာ အသုံးဝင်ပါတယ်။ အပင်ဟော် မုန်းများဟာ အပင်အစိတ်အပိုင်းတစ်နေရာရာမှ ပမာဏအနည်းငယ်သာ သဘာဝအတိုင်းထွက်ရှိလာကြပြီး အပင် အနှံ့အပြားကို သွားလာပြန့်နှံ့သွားနိုင်စွမ်း ရှိပါတယ်။ အပင်တစ်သျှူးအမျိုးမျိုးကိုလိုက်ပြီး ဟော်မုန်းအမျိုးအစား ရှိတဲ့အထဲက အောက်ဇင် (Auxin) လို့ခေါ်တဲ့ ဟော်မုန်းဟာ အပင်အတွက် အရေးကြီးကဏ္ဍမှ လုပ်ဆောင်ပါဝင် နေပါတယ်။ အပင်ရဲ့ အညွန့်အမြစ်ကဲ့သို့သော ကြီးထွားရှည်ထွက်တတ်တဲ့ အစိတ်အပိုင်းများမှ အဓိကထုတ်ပေးပါ တယ်။ ရွက်ဖျန်းအားဆေးသုံးခြင်းဖြင့် သဘာဝဟော်မုန်းများနည်းတူပင် အပင်အသီးအပွင့်များ အချိန်မတိုင်မီ ကြွေကျ ဆုံးရှုံးခြင်းကိုလည်း လျော့နည်းစေပါတယ်။ ပင်ပိုင်းမျိုးပွားနည်းနဲ့ အပင်မျိုးပွားရာမှာ အောက်ဇင်လို့ ခေါ်တဲ့ အပင်ဟော်မုန်းတစ်မျိုးကို ကိုင်းများအမြစ်ထွက်မှု မြန်ဆန်စေရန်နဲ့ အမြစ်ဖြစ်ပေါ်နှုန်းများစေရန် အသုံး ပြုလေ့ရှိပါတယ်။ သဘာဝဟော်မုန်းကဲ့သို့တုပကာ 2, 4-dichlorophenoxyacetic acid (2,4-D) ကဲ့သို့ သော လူလုပ်ဟော်မုန်း ရွက်ဖျန်းဆေးများလည်း ရှိပါသေးတယ်။ ၎င်းကို ရွက်ပြန့်ပေါင်းသတ်ဆေးအဖြစ် တွင်ကျယ်စွာ အသုံးပြုလျက်ရှိပါတယ်။

ယေဘုယျအားဖြင့် မြေအတွင်းကို ပက်ကျွေးရလေ့ရှိတဲ့ အများလိုမြေသြဇာများကို အမြစ်များမှ ပမာဏ များများ ကို စုပ်ယူပါတယ်။ ရွက်ဖျန်းအားဆေးများကတော့ အရွက်မှာရှိတဲ့ မမြင်နိုင်အောင် သေးငယ်လွန်းလှတဲ့ အပေါက် ငယ်လေးတွေကနေ အပင်အတွင်း ဝင်ရောက်သွားတာဖြစ်တာမို့ တစ်ကြိမ်ထဲမှာ လိုအပ်တာထက် အများအပြား ကျွေးမိပါက အပင်မှကျွေးသမျှ အကုန်မစုပ်ယူနိုင်ဘဲ အလဟသဆုံးရှုံးမှုများကို ရင်ဆိုင်ရနိုင်တာကြောင့် ကျွေး မယ့်အမျိုးအစား၊ ဖျန်းမယ့်အချိန်နဲ့ အကြိမ်ရေ၊ ရာသီဥတု၊ လေတိုက်နှုန်း၊ အပူချိန် စသည်တို့ကို မိမိဉာဏ် ရှိသလို ချိန်ဆသုံးတတ်ဖို့ အလွန်အရေးကြီးပါတယ်။ ဥပမာအားဖြင့် တချိန်ထဲမှာ ရွဲရွဲစိုအောင် ဖျန်းခြင်းထက် အကြိမ်ရေခွဲကာ မျှတအောင်ဖျန်းခြင်းက ပိုမိုထိရောက်စေခြင်း စတဲ့အချက်များကို ထည့်သွင်းစဉ်းစား သင့်လှ ပါတယ်။

ရွက်ဖျန်းဆေးများရဲ့ အားသာချက်များကို ကျေးဇူးရှင်တောင်သူဦးကြီးများ ကောင်းစွာ နားလည်သဘော ပေါက် သိရှိထားခြင်းဖြင့် သီးနှံပင် အာဟာရချို့တဲ့မှုပြသနာများကို အချိန်အား၊ ငွေအား၊ လုပ်အား စသဖြင့် အဖက်ဖက် မှ လွယ်ကူသက်သာစွာ ဖြေရှင်းနိုင်ကြပြီး အထွက်တိုး/ ဝင်ငွေတိုးကြစေရန် ရည်ရွယ်ရေးသားဝေမျှလိုက်ရပါ တယ်။

မိုးအိမ် (Bag 2008)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ