သင်္ဘောဒန့်သလွန်မြစ်

သင်္ဘောဒန့်သလွန်မြစ်အပင်သည် နှစ်ရှည်သီးနှံပင်ဖြစ်ပြီး၊ (ရေခဲအမှတ်အောက်) -၄၀ ဒီဂရီဖာရင်ဟိုက်မှ အပူချိန် ၃၀ ဒီဂရီဖာရင်ဟိုက်အတွင်း အပင်ဖြစ်ထွန်းသည်။ အမြစ်ကိုစားရပြီး အပင်အမြင့်မှာ ၁-၄ ပေနှင့် အကျယ်မှာ ၁-၂ ပေရှိသည်။ အရွက်များမှာ စိမ်းပြီး ပြောင်နေသည်။ သေးငယ်သော အဖြူရောင်ရှိသည့် ပန်းပွင့်များစွာပွင့်သည်။ သင်္ဘောဒန့်သလွန်ပင်သည် အလွန်သက်တမ်းရှည်သောအပင်ဖြစ်သော်လည်း သက်တမ်းတိုအောင် ပြုလုပ်ကြသည်။ အပင်ပြန့်ကားမှုကို ထိန်းသိမ်း၍ စိုက်ပျိုးရသည်။ ပင်ကိုအတိုင်း ပြန့်ကားနေပါက ပေါင်းမြက်သဖွယ်ဖြစ်သွားသည်။

အေးခဲမှု ၃-၄ ကြိမ်ခံရအောင် မြေကြီးတွင်ထားပြီးမှ ရိတ်သိမ်းလျှင် အကောင်းဆုံးအနံ့ကိုရရှိသည်။ အမြစ်များသည် သုံးစွဲသင့်သောအရွယ်ရောက်အောင် ၂-၃ ရာသီခန့်လိုအပ်သည်။ မြေကြီးကို ခက်ရင်းနှင့်ဆွပြီး အမြစ်များကို လက်နှင့်ဆွဲ၍ နှုတ်ယူရသည်။ ၆-၁၂ လက်မရှည်သောအမြစ်များကို စားသုံးပြီး၊ သေးငယ်သောအမြစ်များကို နောင်နှစ်တွင် ပြန်၍စိုက်ပျိုးရသည်။ သို့မဟုတ် အမြစ်များကို မြေကြီးတွင်ချန်ထားပြီး ဆောင်းရာသီဒဏ်ခံနိုင်အောင် ကောက်ရိုးဖြင့် ဖုံးအုပ်ပေးရသည်။

ရိတ်သိမ်းထားသောဥများကို ရေမဆေးဘဲ ပလပ်စတစ်အိတ်တွင်ထည့်၍ ရေခဲသေတ္တာထဲ၌ သိုလှောင်ထားနိုင်သည်။ သင်္ဘောဒန့်သလွန်ဥကိုထောင်းပြီး ငရုတ်ကောင်းကဲ့သို့ အသားနှင့် ရောရသည်။ အသားသည် အနံ့စူးရှပြီး အရသာမြိုးမြိုးမြက်မြက်ဖြစ်လာသည်။ အမြစ်ကိုရေဆေး၍ ပါးပါးလှီးပြီးညက်အောင်ထောင်းကာ လတ်လတ်ဆတ်ဆတ်စားကြသည်။ သို့မဟုတ် ထောင်းထားသောအမြစ်ကို ရှာလကာရည် အနည်းငယ်ဆမ်းပြီး ရေခဲသေတ္တာထဲတွင် သိုလှောင်ပါက ၆ လအထိခံနိုင်သည်။

ဒေါက်တာချစ်၏ စားဖို့ စိုက်စို့ ဈေးကွက်တိုးချဲ့ဗျို့ စာအုပ်အတွဲ (၂) မှ ကောက်နုတ်ဖော်ပြပါသည်။

ယခုဆောင်းပါးသည် လူကြီးမင်းတို့အတွက် အကျိုးတစ်စုံတစ်ရာဖြစ်ထွန်းမှုရှိ/မရှိ "အသုံးဝင်ပါတယ်" အသုံးမဝင်ပါ" ကိုရွေးချယ်နှိပ်ပေးဖို့ တောင်းဆိုပါရစေရှင့်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။