တရုတ်..တရုတ်နဲ့ နေရာတိုင်း၊ စိုက်ပျိုးရေးကဏ္ဍတိုင်းမှာ လွှမ်းမိုးနေပြီလား?

10/09/2020 12:30 PM တွင် သိင်္ဂီလှိုင် သိင်္ဂီလှိုင် မှ ရေးသား

    ဟုတ်ပါတယ် တရုတ်လို့ပြောလိုက်တာနဲ့ မြန်မာနိုင်ငံရဲ့ စီးပွားရေးကဏ္ဍအတော်အများများကို လွှမ်းမိုးမှုရှိနေတာ အားလုံးအသိပါ။ စိုက်ပျိုးထုတ်လုပ်မှုကဏ္ဍမှာလည်း တရုတ်ရဲ့လွှမ်းမိုးမှုဟာ အတော်များပါတယ်။ စိုက်ပျိုးထုတ်လုပ်သော သီးနှံအများစု၊ ကုန်ကြမ်းများကို တရုတ်ပြည်သို့ တင်ပို့ရောင်းချရာမှာ တစ်နှစ်ထက်တစ်နှစ် အမှောင်ထဲမှာ တိုင်ထောင်ပြီး လေးခွနဲ့ပစ်နေရသလိုပါပဲ...

    ဈေးကောင်းမိဖို့ ရောင်းထွက်ဖို့ကို တောင်သူများမှာ မျှော်လင့်ချက်ကြီးမားတဲ့မှန်းချေနဲ့ သီးနှံများကို ရွေးချယ်စိုက်ပျိုးနေရတဲ့ အခြေအနေပါ။ 

    ဒါတင်ဘယ်ဟုတ်မလဲ.... စက်မှုလယ်ယာစနစ်ကို တဖြည်းဖြည်းပြောင်းလဲလာတဲ့ခေတ်ကြီးမှာ တရုတ်စက်ပစ္စည်းတွေကို အသုံးပြုနေရသော တောင်သူအများစုမှာလည်း "မချစ်သော်လည်း အောင့်ကာနမ်း" ဆိုသလိုပါပဲ။ တောင်သူအများစု လက်လှမ်းမီတဲ့တန်ဖိုးနှုန်းထားအခြေအနေဆိုတဲ့ အခွင့်အရေးလေးတစ်ခုက ရှိနေသေးတာကိုး.....။

    ဒါပေမယ့် တရုတ်စက်လို့ပြောလိုက်ရင် လူများစုဟုထင်ရသော လူနည်းစုအတွက်အကျိုးပြုနေတဲ့ တရုတ်ဆန်စက်တွေတော့ ရှိနေပါတယ်။ လွန်ခဲ့သော ၅ -၁၀ နှစ်ဝန်းကျင်မှ စတင်၍ ပေါပေါများများတည်လာတဲ့ တရုတ်ဆန်စက်တွေဟာ မြန်မာပြည်တွင်းရှိ စပါးထုတ်လုပ်မှုကို  ပြည်ပတင်ပို့ရာ၌ စပါးကုန်ကြမ်းအဖြစ်မှ ဆန်ကုန်ချောအဖြစ်ပြောင်းလဲ ထုတ်လုပ်ပြီး အတော်များများတင်ပို့နိုင်ခဲ့တာကိုး.....။

     သို့သော် ဆန်ကုန်ချောတွေကို  များများပြည်ပတင်ပို့တာတွေ လုပ်ဆောင်လာနိုင်ခြင်းသည် တောင်သူကြီးမှစ၍ တောင်သူငယ်၊ လုပ်ကွက်ငယ်တောင်သူတွေအထိ မျက်ဝါးထင်ထင် တိုးတက်ပြောင်းလဲခြင်းကို မမြင်တွေ့ရသေးတာကတော့.... အမှန်ဖြစ်မယ်ထင်ပါတယ်။ 

ဒါနဲ့ ဘယ်သူတွေ အကျိုးအမြတ်ရရှိနေတာလဲ...?

    လက်ရှိ ဝန်းကျင်မှာမြင်တွေ့နေရတဲ့ တရုတ်ဆန်စက်တွေရဲ့ အကျိုးသက်ရောက်မှုမှာဖြင့်.... တရုတ်စက်တွေ များများပေါ်လာပြီကတည်းက ဗမာဆန်စက်ဟူသော ဆန်စက်အသေးစားလေးတွေ တဖြည်းဖြည်းပိတ်သိမ်းကုန်တာပါပဲ...

    ဒါက တောင်သူငယ်/လုပ်ကွက်ငယ်တောင်သူများအတွက် ထိခိုက်မှုတွေရှိခဲ့ပါတယ်။ တောင်သူများဟာ ဟိုးအရင်က မိမိလယ်မှထွက်တဲ့စပါးကို ဆန်စက်လေးတွေမှာကြိတ်ပြီး စားဖို့ သိုလှောင်ထားတတ်ကြပါတယ်။

    ဒါကို စေ့စပ်သေချာပြီး ငွေကြေးကို စနစ်တကျ တွက်ချက်သုံးစွဲမှရတဲ့အခြေအနေနဲ့တောင်သူငယ်များအတွက် သက်ရောက်မှုတစ်ခုပါပဲ။

    ဗမာဆန်စက်များမှာ လွန်ခဲ့သော ဆယ်စုနှစ်တစ်ခုအတွင်းမှာ တစ်မြို့နယ်ကို ၁၀ စက် နီးပါးထိရှိခဲ့ပေမယ့် ယခုမှာတော့ တစ်မြို့နယ်ကို ၁-၂ စက်မျှသာရှိပါတော့တယ်။ ဒါမြို့တိုင်းမဟုတ်ပါဘူး။ တချို့မြို့နယ်တွေမှာလုံးဝမရှိတော့ပါဘူး။

ခုထက်ထိ ဗမာဆန်စက်လုပ်ငန်းကို လုပ်ကိုင်နေသူတစ်ဦးကို မေးမြန်းကြည့်တဲ့အခါ....

ဗမာဆန်စပ်လုပ်ကိုင်တာ အရင်လိုစီးပွားမဖြစ်တော့ဘူး။ ဒါ့ကြောင့် တခြားဗမာဆန်စက်လုပ်ငန်းတွေ အကုန်ပိတ်ကုန်တာ။ ဒါပေမယ့် ကျွန်တော်က ခုထိမပိတ်သေးတာက မိဘလက်လုပ်လက်ရင်းမို့ ဆက်လုပ်ကိုင်တာကတစ်ကြောင်း၊ စပါးကောက်သင်းကောက် စုဆောင်းပြီး ခုထိ ကြိတ်စားရတဲ့လူတချို့ရှိနေသေးတာတစ်ကြောင်း၊ တောင်သူငယ်တွေက ကိုယ်တိုင်စိုက်တဲ့စပါးကို ကိုယ်တိုင်ကြိတ်စားနေတာတွေ ရှိသေးတာတစ်ကြောင်း၊ တချို့ တိရစ္ဆာန်စာအဖြစ် စပါးအနည်းငယ်ကိုကြိတ်ခွဲတာ ရှိနေသေးတာတစ်ကြောင်း ဒါတွေကြောင့် ကျွန်တော့်ဆန်စက်လေးကိုမပိတ်ပဲ ဆက်လုပ်ကိုင်နေတာ။ စီးပွားလုံးဝမဖြစ်ဘူး။ ဒါမပေမယ့် သူတို့လို လူတစ်စုကို တွေးပေး ပူပေးတဲ့သူတွေမရှိတော့ဘူး။ ဒါကြောင့် ကျွန်တော်လယ်ယာလုပ်ကိုင်ရင်း တဖက်က ဆန်စက်လေးကို ဆက်လည်ပတ်ပေးနေတာ

ဒါနဲ့ တိုးတက်ပြောင်းလဲလာမှုရဲ့နောက်ကွယ်မှာ ဘယ်သူတွေနစ်နာနေခဲ့လဲ..? ဘယ်လိုဆုံးရှုံးမှုတွေရှိနေတတ်လဲ ....?

    ဆုံးရှုံးမှုတစ်ခုအဖြစ် ခေါင်းစဉ်တပ်ပြီး ပြောရရင်ဖြင့်......အဆီအနှစ်ပြည့်ဝတဲ့ဆန်ကိုချက်ပြုတ်စားသုံးရတဲ့ ထမင်းရဲ့ အာဟာရတန်ဖိုးကို သိစေချင်မိတယ်။

    ဒီအာဟာရတန်ဖို့ကို တရုတ်ဆန်စက်နဲ့ ကြိတ်ခွဲပြီးရတဲ့ဆန်တွေမှာ ရရှိမှာမဟုတ်ဘူး။ 

    လူတွေရဲ့ ထမင်းဖြူဖြူလေးမှကြိုက်တဲ့အလိုကိုလိုက်နိုင်တဲ့ တရုတ်ဆန်စက်တွေမှာကြိတ်ခွဲတဲ့ ဆန်ဖြူများမှာတော့ အာဟာရဓာတ်၊ အမျှင်ဓာတ်၊ ဗီတာမင်နှင့် သတ္တုဓာတ်များကို ဆန်လုံးညိုများထက် ပိုလျော့သွားစေပါတယ်။

    ဗမာဆန်စက်များမှာတော့ ဆန်လုံးညိုအဖြစ် ကြိတ်ခွဲစားသုံးနိုင်ပြီး ဆန်လုံးညိုစားသုံးခြင်း၏အကျိုးမှာ 

- ကိုလက်စထရောကို လျော့ကျစေတယ်

- ဦးနှောက်သွေးမလျှောက်၍ လေဖြတ်ခြင်းအန္တရာယ်မှ လျော့နည်းစေတယ်

-  နှလုံးရောဂါဖြစ်မှုကို လျော့နည်းစေတယ်

- ဆီးချို အမျိုးအစား ၂ ဖြစ်မှုကို လျော့နည်းစေတယ် စတဲ့အကျိုးတွေကို ရရှိစေမှာပါ။

    ဒါလေး ထောက်ပြတာနဲ့ တိုးတက်ပြောင်းလဲလာမှုတွေက အပြစ်ဖြစ်သွားပြီလားလို့..မဆိုလိုချင်ပါဘူး။

    သို့သော် တိုးတက်ပြောင်းလဲလာမှုရဲ့ ခေါင်းစဉ်အောက်မှာ နစ်နာနေရတဲ့လူတစ်စု၊ အခြေအနေတစ်ရပ်တို့ကို.... မမေ့လျော့ဖို့၊ သတိပြုမိဖို့ ထောက်ပြပေးချင်တဲ့ ဆန္ဒတစ်ရပ်ပါ။

လေးစားစွာဖြင့်...

သိင်္ဂီလှိုင်(B.Agr.Sc)

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်