နီမတုတ်တွေ ဘယ်လိုကာကွယ်မလဲ

ဓာတုနည်းအားဖြင့်

ဓာတုဆေးသုံးတာက နီမတုတ်အကောင်ရေကို လျော့ကျအောင်ပဲ လုပ်ပေးနိုင်တာဖြစ်ပြီးတော့မှ အကုန်လုံးကိုတော့ သေသွားစေတာမဟုတ်ပါဘူး။ ဒါပေမဲ့ သုံးရင်တော့ ပွားများလာတာကိုမလိုချင်ဘူး အချိန်တစ်ခုအထိ ဒီအကောင်ရေကိုပဲ ထိန်းထားချင်တယ်ဆိုရင်တော့ နီမတုတ်သတ်ဆေးတွေကို သုံးကြပါတယ်။ ဒါပေမဲ့ ဓာတုနည်းကတော့ ကောင်းကျိုးနဲ့အတူ ဘေးထွက်ဆိုးကျိုးတွေလည်းရှိပါတယ်။

စိုက်ပျိုးတဲ့နည်းလမ်း

သီးလှည့်စိုက်ခြင်း

နီမတုတ်ကလည်း ရှိနေတယ်။ ကိုယ်စိုက်ချင်တာကလည်း သူတို့ကြိုက်တဲ့ အပင်တွေချည်းပဲဖြစ်နေတယ်ဆိုရင် သီးလှည့်စိုက်ပါ။ ထိခိုက်မှုများတဲ့ သီးနှံတွေဖြစ်တဲ့ ခရမ်းပင်လိုမျိုး၊ ခါကျက်ဥလိုအပင်တွေ စိုက်ပြီးရင် နည်းနည်းခံနိုင်ရည်ရှိတဲ့ ဟင်းနုနွယ်လိုအပင်မျိုး၊ ပြောင်းချိုလိုမျိုး၊ မုန်ညှင်းပင်လိုမျိုး အပင်တွေကို တစ်လှည့်စိုက်ပါ။ အဲ့လို စိုက်ပေးခြင်းအားဖြင့် နီမတုတ်ကောင်ရေတွေကို လျော့ချပေးနိုင်ပါတယ်။ အပင်တွေကို တိုက်ခိုက်မှုကိုလျော့ကျစေပါတယ်။ ဒါပေမဲ့ အုပ်စုတူသီးနှံတွေကိုပဲ သီးလှည့်စိုက်နေတယ်ဆိုရင်တော့ အဆင်သိပ်ပြေမှာမဟုတ်ပါဘူး။ ခုချိန်မှာတော့ နီမတုတ်သီးနှံတွေကို ခံနိုင်ရည်ရှိတဲ့ မျိုးတွေ ထွက်နေပါပြီ။ အဲ့လိုတွေကို သုံးပြီးတော့ စိုက်ပျိုးလို့ရပါတယ်။

နေရာပြောင်းရွေ့ခြင်း

အိမ်မှာစိုက်တဲ့ ဥယျာဉ်တွေလိုဆိုရင်တော့ လွယ်မှာပါ။ နေရာပြောင်းစိုက်လိုက်တယ် ဆိုတာပါပဲ။ အိုးပြောင်းစိုက်လိုက်တယ်ဆိုတာမျိုး၊ မြေဆွေးအသစ်ပြန်စပ်ပြီးတော့ လဲလိုက်တာမျိုးနဲ့ နီမတုတ်ကိုထိန်းချုပ်တာမျိုးတွေ လုပ်ကြပါတယ်။ အဲ့လိုလုပ်ကြတာမျိုးတွေလည်း လုပ်ပေးနိုင်ပါတယ်။

အချိန်ပြောင်းစိုက်ပျိုးခြင်း

ကိုယ့်စိုက်ခင်းမှာ နီမတုတ်တွေက ကျတဲ့အချိန်ကို သိပြီးသားဖြစ်တဲ့အတွက် အဲ့အချိန်ကိုရှောင်ပြီးတော့ ရိတ်သိမ်းလို့ရတဲ့ သီးနှံတွေကိုစိုက်ပါ။ အမြစ်ကြာရှည်ရှိနေတဲ့ အခင်းတွေဆိုရင် နီမတုတ်တွေက ပိုကြိုက်တာကြောင့် နီမတုတ်တွေ တိုက်ခိုက်နိုင်တဲ့ အမြင့်ဆုံး အချိန်မရောက်ခင်မှာ ရိတ်လို့ရတဲ့ (ဆလပ်၊ ကြက်သွန်နီ၊ မုန်လာဥနီ၊ ပဲ စတဲ့) သီးနှံတွေလို ကို စိုက်ပေးပါ။ အဲ့လိုဆိုရင် နီမတုတ်တွေကို လျော့ချပေးနိုင်ပါတယ်။

အမြစ်ကျန်တွေ

နီမတုတ်တွေက မြေထဲမှာကျန်တဲ့ အမြစ်တွေမှာ မှီခိုနေထိုင်ပြီးတော့ ရှင်ကျန်နေနိုင်ပါတယ်။ အဲ့လိုဆိုတော့ ကျန်နေတဲ့အမြစ်မျိုးတွေကို ဖျက်ဆီးတာက နီမတုတ်တွေကို လျော့ချနိုင်တဲ့ နည်းလမ်းတစ်ခုပဲဖြစ်ပါတယ်။

အော်ဂဲနစ်ပစ္စည်းတွေ

သန်စွမ်းကျန်းမာတဲ့အပင်တွေမှာ ခံနိုင်ရည်ဆိုတာ ရှိပြီးသားဖြစ်ပါတယ်။ အဲ့တော့ အပင်တစ်ပင်သန်စွမ်းကျန်းမာအောင်လို့ အော်ဂဲနစ်ပစ္စည်းတွေ ထည့်ပေးတာမျိုးက တကယ်ကိုအဆင်ပြေတဲ့နည်းလမ်း ဖြစ်ပါတယ်။ သဘာဝကဖြစ်တဲ့ အော်ဂဲနစ်မြေဆွေးတွေထဲမှာ အကျိုးပြုအဏုဇီဝသက်ရှိတွေပါပါတယ်။ နီမတုတ်တွေကိုသတ်နိုင်တဲ့ အကျိုးပြုအဏုဇီဝသက်ရှိတွေလည်း ပါတဲ့အပြင်ကို အပင်တွေအတွက် အာဟာရတွေကို ထောက်ပံ့ပေးနိုင်တာကြောင့်မို့ အပင်တွေအတွက် ကောင်းကျိုးတွေများစေပါတယ်။ ဒါပေမဲ့ ကောင်းကောင်းဆွေးတဲ့ မြေဆွေးတွေကိုသုံးဖို့ ဖြစ်ပါတယ်။ ကောင်းကောင်းမဆွေးတဲ့ မြေဆွေးတွေကိုသုံးရင် ရောဂါဖြစ်စေနိုင်တဲ့ သက်ရှိတွေလည်း ပါနိုင်တာကြောင့်ဖြစ်ပါတယ်။

မြေသန့်စင်ခြင်း

အပူချိန်မြင့်မြင့်က မြေသားထဲက နီမတုတ်နဲ့ တစ်ချို့ အပင်ရောဂါဖြစ်စေနိုင်တဲ့ သက်ရှိတွေကို ထိန်းချုပ်နိုင်ပါတယ်။ မြေကြီးပေါ် ကောက်ရိုးလိုမျိုး မြေဖုံးသီးနှံတွေထည့်ပြီးတော့ အပေါ်ကနေ ပလတ်စတစ်အုပ်လိုက်တာမျိုး နည်းလမ်းတွေက မြေသားကို အပူချိန်တွေမြင့်တက်စေပါတယ်။ ပေါင်းပင်တွေကို သေစေဖို့ လုပ်တဲ့နည်းလမ်းနဲ့ တူတူပါပဲ။ နီမတုတ်တွေအတွက်ဆိုရင်တော့ အပူချိန် ၃၇ ကနေ ၅၂ ဒီဂရီစင်တီဂရိတ်နဲ့ လချီပြီးတော့ ပေးထားရမှာဖြစ်ပါတယ်။ အဲ့လိုလုပ်ပေးနိုင်ရင်တော့ အကောင်းဆုံး ရလဒ်ကိုရမှာပါ

မြေကိုမှိုင်းတိုက်ခြင်း

ချစ်တီးပန်းလိုမျိုး၊ မုန်ညှင်းလိုမျိုးအပင်တွေကို စိုက်ထားပေးမယ်ဆိုရင် မြစ်ဖုနီမတုတ်တွေကို လျော့ချနိုင်ပါတယ်။ မုန်ညှင်းစေ့တွေကို သိပ်သိပ်သည်းသည်းစိုက်မယ်။ ပန်းပွင့်ချိန်ကျတော့မှ မြေထဲကို ထည့်ပေးပါ။ မြေကို အစိုဓာတ်ရှိအောင်ထားပြီးတော့ မုန်ညှင်းကနေ ဆွေးတဲ့အချိန်မှာထုတ်လွှတ်တဲ့ ဓာတ်တွေကြောင့်မို့ နီမတုတ်တွေကို လျော့ချနိုင်သွားမှာပါ။

ချစ်တီးပန်းပင်တွေကိုလည်း အနည်းဆုံး (၂) လလောက်ကြာအောင်စိုက်မယ်။ (၃)လနဲ့ (၄)လကြာ အချိန်ရတယ်ဆိုရင်တော့ ကောင်းပါတယ်။ ပေါင်းပင်တွေထွက်လာရင် ပေါင်းပင်တွေက နီမတုတ်တွေရဲ့ လက်ခံအစာတွေဖြစ်နိုင်တာကြောင့် ပေါင်းပင်တွေ မထွက်အောင်လို့ မျိုးစေ့ကို ခပ်စိပ်စိပ်စိုက်ခိုင်းတာပါ။ သူတို့ရဲ့ အမြစ်တွေက နီမတုတ်တွေရဲ့ ဥ ဥတာကို နှောက်ယှက်နိုင်တဲ့ ဓာတုထုတ်လွှင့်မှုတွေ လုပ်ပါတယ်။

ခုတော့ နီမတုတ်တွေကို ဘယ်လိုကာကွယ် တားဆီးနှိမ်နင်းနိုင်မလဲဆိုတာကို သိလောက်ပြီထင်ပါတယ်။ တောင်သူဦးကြီးတွေ အကျိုးများကြပါစေ။

ထွန်းဝင်းကျော်

https://www.agric.wa.gov.au/nematodes/nematodes?page=0%2C1

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...