မြေလွှာမဲ့စိုက်ပျိုးနည်းစနစ် (Hydroponices) အပိုင်း (၂)

29/04/2020 11:30 AM တွင် Nyan Lynn Htet Nyan Lynn Htet မှ ရေးသား ပြီး Greenovator Greenovator မှ ပေးပို့ထားပါသည်။

မြေလွှာမဲ့စိုက်ပျိုးနည်းစနစ်ကို အရင်တစ်ပတ်က နံပတ် ၃။ ထိ လေ့လာပြီးပြီဆိုတော့ ခုတစ်ပတ် ၄။ ကစလို့ ထပ်လေ့လာကြည့်ရအောင်...........

၄။ စိုက်ပျိုးရမည့် မြေနေရာရွေးချယ်ခြင်း

စိုက်ပျိုးအိမ်အတွက် အကောင်းဆုံးနေရာရွေးချယ်ရန် အောက်ဖော်ပြပါ အချက်အလက်များကို သတိပြုရပါမည်။

    • ပထမဦးစွာ မြေကြီးအနိမ့်အမြင့်စောင်းနေမှု ရှိ/မရှိကြည့်ပြီး လုံးဝရေပြင်ညီဖြစ်အောင် မြေကို ညှိထားရန်မဟုတ်သော်လည်း မြေပြန့်ဖြစ်နေလျှင် ပိုမို၍ကောင်းမွန်ပါသည်။

    • ရေနှင့် အနီးဆုံးနေရာတွင် ဆောက်လုပ်သင့်သည်။

    • ရေကန်ပြုလုပ်ရန်နှင့် မွေးမြူရေးတိရိစ္ဆာန်များ၊ အိမ်မွေးတိရိစ္ဆာန်များ ဝင်ရောက်ခြင်းမှ ကာကွယ်နိုင်အောင် ခြံစည်းရိုးခတ်ရန် နေရာအလုံအလောက်ရှိရပါမည်။။

    • မြေအနေအထားနဲ့ နေရောင်ခြည်ရရှိမှုအပေါ်တွင် မူတည်ပြီး စိုက်ပျိုးအိမ်အနေအထားကို အထူးဂရုပြုရပါမည်။ စိုက်ပျိုးအိမ်၏ အလျားဘက်အခြမ်းသည် တောင်နှင့် မြောက်တန်းနေသင့်ပါသည်။

    • စိုက်ပျိုးအိမ်သည် တစ်နေ့ အနည်းဆုံး (၆) နာရီ နေရောင်ခြည်ရရှိရန် လိုအပ်ပါသည်။ အရိပ်ကျရောက်သည့် နေရာ၊ သစ်ပင်များ၊ အဆောက်အဦးများ၊ အိမ်များနှင့် နီးလွန်းသော နေရာကို ရှောင်သင့်ပါသည်။ သစ်ပင်၊ အဆောက်အဦးများသည် စိုက်ပျိုးအိမ်ကို လေးပြင်းမတိုက်အောင် ကာကွယ်ပေးနိုင်သော်လည်း မနီးလွန်း မဝေးလွန်းသောနေရာတွင် ရှိနေသင့်ပါသည်။

၅။ မြေနေရာပတ်လည် အမှတ်အသားပြုလုပ်ခြင်း

သစ်သားချောင်းနှင့် နိုင်လွန်ကို အသုံးပြုပြီး (၆ မီတာ×၁၂ မီတာ) (၁၉.၈ ပေ× ၃၉.၆ ပေ) စိုက်ပျိုးအိမ် ဆောက်လုပ်နိုင်မည့် နေရာပတ်လည်ကို တိုင်းတာပြီး မှတ်သားပေးရပါမည်။ မြေပြင်ပေါ်မှာ ထောင့်မှန်အတိအကျဆွဲနိုင်ရန် ရိုးရှင်းသော နည်းလမ်းကောင်းတစ်ခုမှာ အနားတစ်ဘက်ပေါ် (၃) ပေ၊ (၄) ပေ၊ (၅)ပေစီရှိသော ထောင့်သည်ထောင့်မှန်ဖြစ်သည်။ (၅) ပေ အနားနှင့် မျက်နှာချင်းဆိုင်ထောင့်သည် ထောင့်မှန်ဖြစ်ပါသည်။ နေရာကျယ်လျှင် အနားတစ်ဖက်စီကို ဆတိုးမြှောက်၍လည်း အသုံးပြုနိုင်ပါသေးသည်။ အနားတစ်ဖက် (၆)ပေ၊ (၈)ပေ၊ (၁၀)ပေစီရှိလျှင် (၁၀) ပေအနားနှင့် မျက်နှာချင်းဆိုင်မှာ ထောင့်မှန်ဖြစ်ပါသည်။

၆။ ဘောင်တည်ဆောက်ခြင်း

(၁) တိုင်အတွက် အသုံးပြုမည့်သစ်သားကို ပိုးမွှားများမစားအောင်နှင့် တာရှည်ခံအောင် (ရေနံချေး (သို့)ကတ္တရာ) အကာအကွယ်သုတ်ထားလျှင် ကောင်းပါသည်။ မြေအောက်တွင်စိုက်မည့် တိုင်၏အပိုင်းကိုသာ သုတ်ရန်လိုပါသည်။ တိုင်နှင့် အခြားသစ်ချောင်းများဆက်၍ အဆင်ပြေစေရန် အင်္ဂလိပ်အက္ခရာ အယ်လ်(L) ပုံစံ ထစ်ပေးရမည်။

(၂) နောက်တစ်ဆင့်အနေဖြင့် ရေပြင်ညီပိုက်ကို အသုံးပြုပြီး မြေနေရာနှင့် အမြင့်ဆုံး အမှတ်ကို ရှာရပါမည်။ ထိုနေရာမှစ၍ စပြီးတိုင်ထူရပါမည်။ တိုင်တစ်တိုင်စီတွင် ရှိသင့်သော အလျားရှိ/မရှိ၊ တည့်မတ်မှုရှိ/မရှိချိန်သီးကြိုးကို အသုံးပြုပြီးစစ်ဆေးရပါမည်။ ရေပြင်ညီဝိုက်ကိုအသုံးပြု၍ တိုင်အမြင့်ကို သေချာစွာတိုင်းရပါမည်။ တစ်တန်းတည်းရှိရမည့်တိုင်အားလုံး အမြင့်တူညီရပါမည်။

၇။ ရေစနစ်

အပေါ်ဘက်တိုင်ကီများကို အပင်အာဟာရပျော်ရည်ဖြင့် ဖြည့်ပေးရမည်။ မြေဆွဲအား အသုံးပြု ရေပေးဝေနေသောစနစ်ဖြင့် အာဟာရပျော်ရည်သည် ပုလင်းများထဲသို့ ရောက်ရှိစေပါမည်။ ထိုနည်းဖြင့် အပင်များကြီးထွားရန် လိုအပ်သော အာဟာရပျော်ရည်ကို စုပ်ယူရရှိနိုင်ပါသည်။ ပိုလျှံနေသော အာဟာရပျော်ရည်များကို နောက်ဆုံးပုလင်းမှ စုဆောင်းရယူပြီး ပိုက်လိုင်းဖြင့် အောက်ဖက်တိုင်ကီများထဲသို့ ပေးပို့ပေးပါသည်။ အာဟာရပျော်ရည် စီးဆင်းနိုင်ရန် သွယ်တန်းထားသော ပိုက်လိုင်းကို (၂% မှ ၃%) လျှောစောက်ရှိရပါမည်။ ရေစနစ်ကို PVC ပိုက်များဖြင့် ဆောက်လုပ်ပြီး လိုအပ်လျှင် PVC ကော်ဖြင့် ကပ်ထားပေးရပါမည်။ စနစ်၏အစပိုင်းတွင် အဝင်ခလုတ်များ တပ်ဆင်ပေးထားရပါမည်။ ၎င်း PVC ပိုက်များမှာ ပုလင်းတွဲ(ရေသန့်ဗူး)များနှင့် အလွယ်တကူဆက်သွယ်နိုင်ရန် အပေါက်ဖောက်ပေးထားရပါမည်။ ထိုအပေါက်များမှ ပိုက်အသေးလေးမှားထည့်ပြီး ပုလင်းတွဲဖြင့် အဝင်အထွက်ဆက်ပေးရပါမည်။ 

ထို့နောက် စိုက်ပျိုးအိမ်အပြင်ဘက်ဘေးတွင် ရေပြင်ညီ PVC ပိုက်ကို တပ်ဆင်ပေးရပါမည်။ ထိုပိုက်သည် ပုလင်းမှ ရေကို မြေပြင်တိုင်ကီများဆီ ပေးပို့မည့်ပိုက်ဖြစ်ပါသည်။ ထို့ကြောင့် ပိုက်များကို လျှောစောက်ဖြစ်စေရန် အထူးလိုအပ်ပါသည်။ သို့မှသာ မြေဆွဲအားသုံးရေပေးစနစ် အောင်မြင်မည်ဖြစ်ပါသည်။ ဆက်လက်ပြီး စင်ပေါ်ရှိတိုင်ကီမှ ပုလင်းများသို့ အပင်အာဟာရဖျော်ရည်ပေးပို့သော ပိုက်ကို တပ်ဆင်ရန် အလားတူလုပ်ဆောင်ပါ။ ပိုက်၏လျှောစောက်မှာ အဝေးဆုံးပုလင်းတွဲစီ ရေစီးဆင်းသွားရန် လုံလောက်သော လျှောစောက်ဖြစ်ရပါမည်။

ပြီးပြည့်စုံသော ရေစနစ်ဖြစ်စေရန် အခြားတပ်ဆင်ရမည့် ပစ္စည်းများ(ဥပမာ-ဒေါင့်ချိုးများ ပိုက်ကြီးများမှ ပိုက်ကလေးသို့ လျှောချပေးသည့် ပလပ်များ၊ ပလတ်စတစ်ပိုက်ပျော့များနှင့် အဝင်ပေါက်များကို တပ်ဆင်ပါ။) 

အောက်တွင် တောင်သူဦးကြီးများနှင့် စာဖတ်သူအပေါင်းနားလည်စေရန် စိုက်ပျိုးရေးဦးစီးဌာနမှ ထုတ်ဝေထားသော စာအုပ်ထဲမှပုံကို ကူးယူ၍ ဖော်ပြလိုက်ပါတယ် ခင်ဗျာ။ 

Agri.Linn.Htet

Reference- စိုက်ပျိုးရေးဦးစီးဌာန

နောက်ဆက်တွဲ(အပိုင်း-၃)--စိုက်ပျိုးအိမ်များကို စီမံခန့်ခွဲခြင်း

           --အသင့်သုံးအာဟာရဖျော်ရည်ဖျော်စပ်ပုံ ဆောင်းပါးများကို ဆက်လက်စောင့်မျှော်ပေးကြပါဦး။

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်