ဆလပ်ရွက်ကို စားပေးမယ်ဆိုရင်

ဆလပ်ရွက်ကို ပထမဆုံး အီဂျစ်နိုင်နိုင်ငံမှာ ဘီစီ ၂၆၈၀ ခန့်က စတင်စိုက်ပျိုးခဲ့ကြတာဖြစ်ပြီး ဟင်းသီးဟင်းရွက်အဖြစ် စားသုံးကြပါတယ်။

အီဂျစ်ရဲ့ နံရံဆေးရေးပန်းချီတွေနဲ့ အုတ်ဂူတွေမှာ ဆလပ်ရွက်ပုံစံတွေ ရေဆွဲထားတာမျိုးတွေ တွေ့ရပါတယ်။

၁၉၀၀ ပြည့်နှစ်ပိုင်းတွေမှာတော့ အနောက်နိုင်ငံတွေက ဆလပ်ရွက်ကို စီးပွားဖြစ်စိုက်ပျိုးပြီး ပါကင်ထုပ်ကာ ရေလမ်းခရီးနဲ့ တင်ပို့ရောင်းချခဲ့ပါတယ်။

ကျန်းမာရေးအကျိုးကျေးဇူးများ

ဇီဝကမ္မဖြစ်စဉ်ကို မြှင့်တင်ပေးတယ်

ဇီဝကမ္မဖြစ်စဉ်ဆိုတာက စားသုံးလိုက်တဲ့ အစားအစာတွေကို ခန္ဓာကိုယ်အတွက် စွမ်းအင်အဖြစ် ပြောင်းလဲသွားခြင်းနဲ့ တခြား အရေးကြီးတဲ့လုပ်ငန်းစဉ်တွေ လုပ်ဆောင်ပေးပါတယ်။

ဆလပ်ရွက်က ဇီဝကမ္မဖြစ်စဉ်ကို မြှင့်တင်ပေးတဲ့အပြင် မဂ္ဂနီဆီယမ်၊ သံဓာတ်၊ ပိုတက်ဆီယမ်ဓာတ်တွေလည်း ကြွယ်ဝစွာ ပါဝင်နေပါတယ်။

ဇီဝကမ္မဖြစ်စဉ်ကို အားကောင်းစေတဲ့ B-Complex ဓာတ်တွေလည်း အများကြီး ပါဝင်နေပါတယ်။

နှလုံးပြဿနာတွေကို လျော့ချပေးပါတယ်

ဆလပ်ရွက်ထဲမှာ Beta Carotene ဓာတ်နဲ့ ဗီတာမင်စီတွေ ကြွယ်ဝစွာပါဝင်တာကြောင့် မကောင်းတဲ့ ကိုလက်စထရောဓာတ်တွေ သွေးကြောထဲမှာ အနည်ကျမှုကို ကာကွယ်ပေးပါတယ်။ ပိုတက်ဆီယမ်၊ အမျှင်ဓာတ်တွေကလည်း မကောင်းတဲ့ကိုလက်စထရောအဆင့်ကို လျော့ချပေးပါတယ်။

ဆီးချိုကို လျော့ချပေးပါတယ်

ဆလပ်ရွက်က ဆီးချိုဖြစ်နိုင်ချေကို လျော့ချပေးနိုင်ပါတယ်။ သွေးတွင်းသကြားဓာတ်ကို လျော့ချပေးနိုင်တာကြောင့် ဆီးချိုဖြစ်နိုင်ချေကို ကာကွယ်ပေးပါတယ်။

ကင်ဆာကို ကာကွယ်ပေးပါတယ်

ဆလပ်ရွက်က အထူးသဖြင့် သွေးကင်ဆာနဲ့ ရင်သားကင်ဆာကို ကာကွယ်ပေးနိုင်ပါတယ်။

Source - My Food Myanmar

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။