"အဖွား ဒေါ်လှရှိန်တစ်ယောက် ခုတော့အဆင်ပြေသွားပီပေါ့ရှင်........."

23/01/2018 12:54 PM တွင် အစိမ်းရောင်လမ်း အစိမ်းရောင်လမ်း မှ ရေးသား
မော့ကနင်ကျေးရွာ၊ တောင်သူအတွက်အင်တာနက်နှင့် အစိမ်းရောင်လမ်းစိုက်ပျိုးရေးဖုန်းတော့ဝဲလ် အသုံးပြုနည်း သင်တန်းနှစ်ရက်အတွင်း  အသက် ၆၅ နှစ်အရွယ်ရှိ ရာဘာစိုက်တောင်သူအမျိုးသမီးကြီးဒေါ်လှရှိန်တစ်ယောက် အသက်အရွယ်နှင့်မလိုက်အောင် တက်ကြွနေတာကိုတွေ့ရပါသည်။
 
သင်တန်းမနက်ပိုင်း တက်ရောက် ပြီးချိန် ဒေါ်လှရှိန်တစ်ယောက် − 
 
အမေ − သမီးရေအမေ့ကိုဖုန်းလေးဝယ်ပေးပါအုံး။
 
သမီး − သမီးမအားဘူးလေအမေနောက်မှဝယ်ပေးမယ်။
 
အမေ − သင်တန်းမှာကဖုန်းသုံးတာတွေသင်ပေးနေလို့ဖုန်းသုံးချင်လို့ပါဆို။ 
 
သမီး − အမေကလည်းနောက်ကျဝယ်ပေးမယ်လေခုကမအားသေးလို့။
 
အမေ − သင်တန်းမပြီးခင်ဝယ်ပေးနော်သင်တန်းမှာသင်နေတာကဖုန်းနဲ့သုံးရတာသင်ပေးနေတာ။ အဲ့ဟာလေးသုံးရင် အမေသိချင်တာတွေ ဝင်ကြည့်လို့ရမယ်လို့ဆရာမလေးကပြောလိုက်တယ်။ အမေသိချင်နေတဲ့ရာဘာစျေးနှုန်းတွေ၊ ရာဘာနဲ့ ပတ်သက်တဲ့ရောဂါတွေ ပိုးမွှားတွေ၊ တခြားသိချင်တဲ့ဆောင်းပါးတွေ၊ စိုက်ပျိုးရေးနဲ့ဆိုင်တဲ့စာအုပ်တွေရယ် ရာသီဥတု သတင်းတွေပါဝင်ကြည့်လို့ရတယ်တဲ့။ ဆရာမလေးတွေလာလို့ သင်ပေးတုန်း တခါတည်းလိုက်နားထောင်ပြီး သင်ရအောင် လို့  အရမ်းအသုံးဝင်လို့သုံးချင်နေပြီ မနက်ဖြန်ရအောင်ဝယ်ပေး။
 
နောက်တနေ့ သမီးဖြစ်သူမြို့ပေါ်သွားရောက်ဖုန်းဝယ်ပေးလာ၍ ပြုံးပျော်စွာသင်တန်းသို့လာရောက်ပြီး စိတ်ဝင်တစား တက်တက်ကြွကြွ သင်ယူနေသည်မှာ စိတ်ချမ်းသာစရာမြင်ကွင်းတခု ဖြစ်ပါသည်။
 
ဘာလို့ အဲ့လောက်တောင်တက်ကြွနေသလဲဆိုတာကိုသိချင်လို့ မေးမြန်းစကားပြောကြည့်လိုက်မိတော့……..
 
ကျွန်မ − အဖွားကိုကြည့်ရတာအရမ်းတက်ကြွပြီးစိတ်ဝင်စားတယ်နော်……
 
ဒေါ်လှရှိန်  − စိတ်ဝင်စားတာပေါသမီးရယ်။
 
ကျွန်မ     − ဘာလို့အဲ့လောက်တောင်စိတ်ဝင်စားတာလဲအဖွားရဲ့။
 
ဒေါ်လှရှိန်  − အဖွားတို့က ရာဘာရောင်းရင် ရွာမှာတင် ရောင်းရတာလေ ဘယ်နေရာမှာဘယ်စျေးပေါက်နေလဲမသိရဘူး။ 
 ရာဘာနဲ့ပတ်သက်လို့ ဗဟုသုတကလဲမရှိဘူးလေ။  ရောဂါကျနေတာလား  ပိုးကျနေတာလားကလဲ မခွဲခြားတတ်ဘူး။ ပြီးရင် သင့်တော်တဲ့ဆေးကိုဘယ်ဆေးတွေ ဘယ်လိုသုံးရမှာလဲဆိုတာ မသိဘူးလေ။ သုံးရမဲ့နှုန်းထားတွေ လဲမသိဘူးလေ။  ဆေးဆိုင်တွေသွားရင်လဲ အဖွားတို့က ဘာဆေးဝယ်လို့ဝယ်ရမယ်မှန်းမသိတော့  ဆိုင်ကပေးတာပဲ ယူလာရတာလေ။  ဝဲထည့်တော့လဲဘယ်ဝဲကောင်းလဲ ဘယ်လောက်နှုန်းထားသုံးရမလဲ ဘယ်လိုပုံစံနဲ့ထည့်ရမှာလဲကမသိဘူးလေ။ ဆရာမတို့ အစိမ်းရောင်လမ်းသုံးရင် ဆောင်းပါးတွေလဲ ဖတ်လို့ရတယ်ဆို၊ ရောဂါအကြောင်းတွေပိုးအကြောင်းတွေ၊ ပိုးသတ်ဆေး အကြောင်းတွေ၊ ရာဘာစျေးနှုန်းတွေ၊ ရာသီဥတုအခြေအနေတွေအကုန်ဝင်ကြည့်လို့ရတယ်ဆို။ အဲ့တာတွေကြောင့်အဖွားက သမီးတို့သင်တာတွေကိုအရမ်းစိတ်ဝင်စားပြီး သေချာလိုက်လေ့လာနေတာပေါ့သမီးရယ်။  အဲ့တာတွေကြောင့်အဖွားက သမီးတို့သင်တာတွေကို အရမ်း စိတ်ဝင်စားပြီး သေချာလိုက်လေ့လာနေတာပေါ့သမီးရယ်။ ဒီဖုန်းလေးတစ်လုံးနဲ့ သမီးတို့အစိမ်းရောင်လမ်းလေး ရှိတာနဲ့တင် အဖွားရဲ့အခက်အခဲတွေအကုန် ပြေလည်သွားတယ်လေ။  အဖွားတို့ရာဘာတင်မကဘူး တခြား သီးနှံတွေကိုလဲ ဝင်ကြည့်လို့ရတဲ့အပြင် စာတွေလဲဖတ်လို့ရတယ်၊  အဲ့တာအပြင်ကို အဖွားတို့ကြုံနေရတဲ့အခက်အခဲတွေကို သမီးတို့ အစိမ်းရောင်လမ်းရဲ့  အမေးအဖြေ ကဏ္ဍမှာလဲမေးလို့ရတယ်ဆို။     ကဲအဆင်ပြေတာပေါ့မဟုတ်ဘူးလား။     အဖွား ကတော့ကြိုက်မှကြိုက်ပဲ။ 
 
မိုးလေဝသ  သတင်းတွေလဲသိရမယ်။ စိုက်ပျိုးရေးနဲ့ဆိုင်တဲ့ဆောင်းပါးတွေလဲဖတ်လို့ရမယ်။  လိုအပ်တဲ့သတိပေးချက် တွေလဲသိနိုင်မယ်။   သီးနှံစျေးကွက်တွေလဲသိနိုင်မယ်။    အခက်အခဲကြုံရင်လဲ မေးမြန်းလို့ ရ မယ်။    တောင်သူများ အတွက် လိုအပ်တာတွေ ဖြေရှင်းပေးဖို့ အစိမ်းရောင်လမ်းရှိနေတော့ အဖွားဒေါ်လှရှိန်တစ်ယောက်အတွက် အားလုံးက အဆင်ပြေချောမွေ့သွားပါပြီ။  
 
ဒေါ်လှရှိန်သာမကပဲ အခြားဘယ်တောင်သူမဆို တောင်သူတိုင်းရဲ့အခက်အခဲကိုဖြေရှင်းပေးဖို့ အစိမ်းရောင်လမ်း စိုက်ပျိုးရေးသုံးဖုန်းဆော့ဝဲလ်ကို သုံးကြဖို့ တိုက်တွန်းလိုက်ပါရစေလားရှင်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်