ရေသတ္တဝါမျိုးစိတ်အချို့ကိုထိန်းသိမ်းပေးတဲ့ ပင်လယ်မြက်

14/12/2021 12:00 PM တွင် ဦးဇော်(dof) ဦးဇော်(dof) မှ ရေးသား

    ပင်လယ်မြက် (seagrass) တွေဟာ လွန်ခဲ့တဲ့ နှစ်သန်းပေါင်း (၁၀၀) ခန့်အချိန်တည်းက ကုန်းမြေပေါ်မှမြက်တွေကနေ ဆင်းသက်လာတာဖြစ်ပါတယ်။ အရွက်၊ အမြစ်နဲ့ အပွင့်ရှိတဲ့အပင်ဖြစ်ပြီး အပူပိုင်းဒေသမှာ ပေါက်ရောက်ကြပါတယ်။

    Marine Flowering Plants လို့ခေါ်တဲ့ ပင်လယ်မြက်ဟာ သက်ရှိ၀န်းကျင်အတွက် လိုအပ်တဲ့အထောက်အပံ့အချို့ကို ပေးပါတယ်။

    ပင်လယ်​​​​မြက်တွေဟာ သဘာ၀ဖြစ်စဉ်ရဲ့အချို့အစိတ်အပိုင်းတွေမှာ လူတွေရဲ့လိုအပ်ချက်ကို တိုက်ရိုက် သို့မဟုတ် သွယ်ဝိုက်ပြီး အကျိုးပြုပါတယ်။ ပင်လယ်ပြင်မှာ အချို့သော coral reef fish မျိုးစိတ်တွေရဲ့ အရွယ်ရောက်မှုဖြစ်စဉ်အတွက် ပင်လယ်မြက်ကို မှီခိုကြရပါတယ်။

     ပင်လယ်မြက်တွေဟာ ကမ်းရိုးတန်းဒေသ အကာအကွယ်ရှိတဲ့ အော်၊ ရေငန်အိုင်၊ မြစ်ဝတွေမှာ ပေါက်ရောက်လေ့ရှိပြီး ၄င်းတို့ရှင်သန်ဖို့ နေရောင်ခြည်နဲ့ ရှင်သန်နိုင်မည့်အပူချိန် လိုအပ်ပါတယ်။ ပင်လယ်မြက်ရှိတဲ့နေရာမှာ ပင်လယ်မျှော့၊ ပင်လယ်လိပ်၊ ပုစွန်ဆိတ်၊ ပုစွန်ထုပ်၊ ရေ၀က်၊ လင်းပိုင်နဲ့ ပင်လယ်ငှက်အချို့ ကျက်စားလေ့ရှိတဲ့အတွက် ငါးမျိုးစိတ်အချို့ကိုထိန်းသိမ်းတဲ့ ပတ်၀န်းကျင်မြေပြင်အဖြစ် တာ၀န်ထမ်းဆောင်ကြပါတယ်။

    ပင်လယ်မြက်တွေကို ပျက်စီးစေတာကတော့ မုန်တိုင်းများ၊ ရာသီဥတုအပြောင်းအလဲနဲ့ ရေထုညစ်ညမ်းမှုတို့ဖြစ်ပါတယ်။ မြိတ်ကျွန်းစုမှာတော့ လန်ပိကျွန်းနှင့် အနီးအနားကျွန်းတစ်ချို့မှာပင်လယ်မြက်များ ပေါက်ရောက်လျက်ရှိပါတယ်။ ကမ္ဘာပေါ်မှာ ပင်လယ်မြက်အမျိုးအစား ၆၀ ခန့်ရှိပြီး လန်ပိနားတဝိုက်မှာ ပင်လယ်မြက်အမျိုးအစား ၇ မျိုးနဲ့ ပင်လယ်မြက်ဧရိယာဟာ ၅.၂ square km ရှိတယ်လို့ လေ့လာမှတ်သားဖူးပါတယ်။ ပင်လယ်မြက်အမျိုးအစားအချို့ကို ကော့သောင်းခရိုင်၊ သူရဲကောင်းကျွန်းစုမှာရှိတဲ့ ကျွန်းအချို့မှာ တွေ့ရှိနိုင်ပြီး ထား၀ယ်ကျွန်းဆွယ်၊လောင်းလုံးမြို့နယ်ထဲက ကမ်းခြေတစ်ခုမှာလည်း ပင်လယ်မြက်များကို မြင်တွေ့နိုင်ပါတယ်။

Ref:Tourism MerguiArchipelago _seagrass


Natural Cure Co.,Ltd ကြော်ငြာ

ရာသီဥတုဒဏ်၊ ပိုးမွှားက ဖျက်တဲ့ဒဏ်ကိုခံနေရတဲ့ စိုက်ခင်းထဲကသီးနှံများ” တောင်သူဦးကြီးများရဲ့ စိုက်ခင်းထဲက ရတနာလေးလိုတန်ဖိုးထားအဖိုးတန်သော သီးနှံတွေဟာ ရာသီဥတုဒဏ်၊ ပိုးမွှားများဒဏ်ခံနေရပြီဆိုပါက NPK ကိုအချိုးကျကျပေါင်းစပ်ထားသော NC ကွန်ပေါင်းဓာတ်မြေသြဇာ 15:15:15 က တောင်သူကြီးတို့ရဲ့ သီးနှံများကိုရောဂါကင်းပြီး ရွှေလိုဝင်းစေမှာပါ အပင်တွေကြီးထွားဖို့အတွက် လိုအပ်တဲ့ ပရိုတင်း နှင့် အင်(မ်)ဇိုင်းဓာတ်တွေကို အပြည့်အဝ အထောက်အကူပြုပေးတဲ့ နိုက်ထရိုဂျင် ( N ) အသီးအပင်တွေကို အာဟာရကြွယ်ဝစေပြီး၊ မြေဆီလွှာဆဲလ်တွေ ပျက်စီး မှုကို ထိန်းသိမ်းပေးတဲ့ ဖော့စ်ဖရပ် (P2 O5) အရည်ဓာတ်ကို ပြည့်ဝစေပြီး အသီးအပင်တွေကို သန်မာလာစေတဲ့ ပိုတက်ဆီယမ် ( K2 O ) အပင်တွေကို ကြီးထွားဖို့ရန်အတွက် လိုအပ်တဲ့ ပရိုတင်း ၊ အင်(မ်)ဇိုင်း ၊ ဗီတာမင် နဲ့ အစိမ်းရောင် အပင်တွေအတွက် များစွာအကျိုးပြုတဲ့ ဓာတ်တွေများစွာပါဝင်သော ဆာလဖာ ( S ) တို့ကို အချိုးကျကျပေါင်းစပ်ထားလို့ တောင်သူဦးကြီးတို့ရဲ့ ပြဿနာများကို ဖြေရှင်းပေးဖို့ NC(အန်စီ) ကွန်ပေါင်း ဓာတ်မြေသြဇာ 15:15:15 ‌ရောက်ရှိလို့ လာပါပြီ ကျွန်တော်တို့ရဲ့ ကုန်ပစ္စည်းများကို အမြို့မြို့အနယ်နယ်ရှိ သက်ဆိုင်ရာ ကိုယ်စားလှယ်ကြီးများထံတွင်လည်း ဝယ်ယူရရှိနိုင်ပါသည်။ ထုတ်ကုန်များအကြောင်းအသေးစိတ်သိရှိလိုပါက 09 255 361 088 သို့ ဆက်သွယ်စုံစမ်းမေးမြန်းနိုင်ပါတယ်ခင်ဗျာ။
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်