“တန်ဖိုးမြှင့် ဂျင်းစားသောက်ကုန်များ ထုတ်လုပ်ခြင်းနှင့် ဈေးကွက်ချိတ်ဆက်ခြင်း”

📣 ရှမ်းပြည်နယ်တောင်ပိုင်း၊ တောင်ကြီးမြို့မှာ ပြုလုပ်သွားမဲ့ “တန်ဖိုးမြှင့် ဂျင်းစားသောက်ကုန်များ ထုတ်လုပ်ခြင်းနှင့် ဈေးကွက်ချိတ်ဆက်ခြင်း” အစီအစဉ်မှာပါဝင်လျှောက်ထားရန် ရှမ်းပြည်နယ်တောင်ပိုင်းမှာရှိတဲ့ ဂျင်းတောင်သူများ၊ တန်ဖိုးမြှင့်ဂျင်းစားသောက်ကုန်ထုတ်လုပ်သူများနှင့် စားသောက်ကုန်ထုတ်လုပ်သူများအား ခေါ်ယူလျက်ရှိပါတယ်။ 📣

မြန်မာလူမျိုးများရဲ့ နေ့စဉ်ဘဝမှာ ဂျင်းကို ဟင်းခတ်အမွှေးအကြိုင်အဖြစ်သာမက ဆေးဝါးအနေဖြင့်လည်း အသုံးပြုလေ့ရှိကြပါတယ်။ ဂျင်းကို မြန်မာနိုင်ငံ ရှမ်းပြည်နယ်တောင်ပိုင်းတွင် စိုက်ပျိုးလေ့ရှိကြပြီး မြန်မာနိုင်ငံအနယ်နယ်အရပ်ရပ်ရှိနေရာဒေသအတော်များများမှာလည်း ဂျင်းကို အလွယ်တကူရရှိနိုင်ပါတယ်။ မြန်မာလူမျိုးတို့ရဲ့ နေ့စဉ်ဘဝမှာ ဂျင်းသည် မရှိမဖြစ်ပင်ဖြစ်သော်လည်း ဂျင်းကိုအသုံးပြု၍ တန်ဖိုးမြှင့်စားသောက်ကုန်များ ထုတ်လုပ်ခြင်းမှာ အလွန်ပင်နည်းပါးလျက်ရှိနေပါသေးသည်။ ထိုသို့ဖြစ်ရသည်မှာ နည်းပညာများ မရရှိခြင်းနဲ့ ဈေးကွက်အခွင့်အလမ်းများ နည်းပါးနေခြင်းတို့ကြောင့်ပင် ဖြစ်ပါတယ်။ အကျိုးရလာဒ် အနေဖြင့် တန်ဖိုးမြှင့် ဂျင်းစားသောက်ကုန်များ ဈေးကွက်ထဲတွင်နည်းပါးလျက်ရှိပြီး ဂျင်းတောင်သူများအတွက်လည်း ဈေးကွက် အခွင့်အလမ်း ရှားပါးမှုများကြုံတွေ့နေရပါသည်။

Impact Hub Yangon မှ “တန်ဖိုးမြှင့် ဂျင်းစားသောက်ကုန်များ ထုတ်လုပ်ခြင်းနှင့် ဈေးကွက်ချိတ်ဆက်ခြင်း အစီအစဉ်ကို ဂျင်းတောင်သူများနှင့် တန်ဖိုးမြှင့် ဂျင်းစားသောက်ကုန် ထုတ်လုပ်သူများအား ကျွမ်းကျင်သော ဆရာများမှ လက်တွေ့ ဂျင်းထုတ်ကုန်ထုတ်လုပ်နည်း အဆင့်ဆင့်များ၊ ဈေးကွက်ချိတ်ဆက်မှုများ၊ စားသုံးသူများထံသို့ တိုက်ရိုက်ရောက်ရှိနိုင်မည့် ဈေးကွက်အခွင့်အလမ်းများကို ဆောင်ကြဉ်းပေးနိုင်ရန် ရည်ရွယ်ပြီး အကောင်အထည်ဖော်ထားခြင်း ဖြစ်ပါတယ်။ ထို့အပြင် Impact Hub Yangon (IHY) မှ သင်တန်းသားများအား သင်တန်းပြီးဆုံးသွားပါက ၄င်းတို့၏ တန်ဖိုးမြှင့်ဂျင်းထုတ်ကုန်များအား ကိုယ်တိုင်ဆက်လက်ထုတ်လုပ်နိုင်ရန် နည်းပညာအကူအညီများနှင့် ‌ဈေးကွက်ချိတ်ဆက်မှုများအတွက်လည်း ဆက်လက် ကူညီပံ့ပိုးသွားမည်ဖြစ်ပါသည်။

ယခုအစီအစဉ်ကို အောက်ဖော်ပြပါ သတ်မှတ်ချက်များနှင့် ကိုက်ညီသောသူများမှ လျှောက်ထားနိုင်ပါတယ်။

🌱 ဂျင်းစိုက်ပျိုးသူများ (သို့မဟုတ်) ဂျင်းထုတ်ကုန်ထုတ်လုပ်နေသူများ

🌱 ရှမ်းပြည်နယ်တောင်ပိုင်းမှ ဂျင်းတောင်သူများ

🌱 တောင်ကြီးတွင်ပြုလုပ်သွားမည့် (၃) ရက်ကြာသင်တန်းအား အချိန်ပြည့်တက်ရောက်နိုင်သူများ

🌱 သင်တန်းပြီးဆုံးသွားပါက Impact Hub Yangon ၏အကူအည်ီဖြင့် ဂျင်းတန်ဖိုးမြှင့်စားသောက်ကုန်များထုတ်လုပ်ရန် စိတ်အားထက်သန်သူများ

သင်ဟာ ရှမ်းပြည်နယ် တောင်ပိုင်းမှ ဂျင်းထုတ်လုပ်သူတစ်ယောက် (သို့မဟုတ်) တန်ဖိုးမြှင့် ဂျင်းစားသောက်ကုန်များ ထုတ်လုပ်နေသူတစ်ယောက်ဖြစ်ပါက ကျွမ်းကျင်သော ဆရာများမှပို့ချမဲ့ ဂျင်းထုတ်ကုန်ထုတ်လုပ်ခြင်း နည်းပညာများနဲ့ ဈေးကွက်ချိတ်ဆက်ခြင်း အခွင့်အလမ်းများ ရရှိနိုင်ရန် လျှောက်ထားကြဖို့ တိုက်တွန်းပါတယ်။

🗓 လျှောက်လွှာပိတ်ရက်မှာ ဇွန်လ (၁၅) ရက် ၂၀၂၂ (ဗုဒ္ဓဟူးနေ့) ဖြစ်ပါတယ်။

📌 လျှောက်ထားရန်:https://bit.ly/GingerValueaddedProductProcessingandMarket...

📞 ပရိုဂရမ် (သို့မဟုတ်) လျှောက်လွှာလုပ်ငန်းစဉ်များနဲ့ ပက်သက်ပြီး မေးခွန်းများရှိပါက (၀၉ ၉၇၃၄၇၄၁၄၁၊ ၀၉ ၉၅၁၈၅၁၂၉၈) (သို့မဟုတ်) yangon@impacthub.net သို့ အီးမေးလ်ပေးပို့မေးမြန်းနိုင်ပါတယ်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...