စပါးစိုက်ရန် မြေပြုပြင်ခြင်းနည်းလမ်းများ

ကျွန်တော်တို့တောင်သူဦးကြီးများအနေဖြင့် စပါးစိုက်ပျိုးရာတွင် အခြေခံကျသော နည်းလမ်းတစ်ခုမှာ စိုက်ပျိုးမည့်မြေဆီလွှာကို ပြုပြင်ခြင်းနည်းလမ်းပင်ဖြစ်သည်။ စပါးစိုက်ပျိုးသည့်အခါ တိုက်ရိုက်အခြောက်ကြဲစနစ်ဖြင့် စိုက်ပျိုးသည်ဖြစ်စေ၊ တိုက်ရိုက်အစိုကြဲစနစ်ဖြင့် စိုက်ပျိုးသည်ဖြစ်စေ၊ မျိုးစေ့ချကိရိယာဖြင့် စိုက်ပျိုးသည်ဖြစ်စေ၊ ပျိုးထောင်ရွှေ့ပြောင်းစိုက်ပျိုးသည်ဖြစ်စေ မြေညီမှသာ စပါးအထွက်ကို အထောက်အကူပြုနိုင်မည်ဖြစ်သည်။ ကုန်ကျစရိတ်များပြားခြင်း၊ သီးနှံ ဈေးကွက်မတည်ငြိမ်ခြင်း၊ လုပ်သားရှားပါးခြင်း စသည့်အကြောင်းအရာများကြောင့် တစ်ဧက သီးနှံအထွက်တိုးရန်အတွက် မြေကို စနစ်တကျ ပြုပြင်ပြင်ဆင်ခြင်းသည် အရေးကြီးသောအချက်ဖြစ်သည်။ သို့မှသာ မကုန်သင့်သည့် ကုန်ကျစရိတ်များကို လျော့ချနိုင်ပြီး မိသားစုဝင်ငွေတိုးအောင် ဆောင်ရွက်နိုင်မည်ဖြစ်သည်

စပါးစိုက်မည့်မြေဆီလွှာကို ပြုပြင်ခြင်းနည်းလမ်းများတွင် လိုက်နာဆောင်ရွက်သင့်သည့် အချက်များမှာ.....

၁။ ရေမြေဒေသပေါ်မူတည်၍ မိုးကြိုထယ် (သို့) နွေထယ်ရေးခံခြင်းများ လုပ်ဆောင်သင့်သည်။

၂။ နွေထယ်ရေးခံခြင်းအားဖြင့် မြေဆီလွှာ၏ဖွဲ့စည်းမှုကို ကောင်းမွန်စေပြီး မြေအတွင်းအစိုဓါတ်၊ လေဝင်လေထွက်နှင့် အာဟာရဓါတ်ဆုံးရှုံးမှုကို ထိန်းထားပေးနိုင်သည်။

၃။ လယ်ကွက်အတွင်းရှိ ကောက်ရိုးနှင့် ရိုးပြတ်များကို ဖြစ်နိုင်လျှင် ရောဂါပိုးကျရောက်သည်မှလွဲ၍ မီးရှို့ခြင်းကို ရှောင်ရှားသင့်ပါသည်။

၄။ နွေထယ်ရေးခံသည့်အခါတွင် မိမိလယ်မြေအနေအထား အချဉ်ငံပေါ်မူတည်၍ ထုံး (သို့) ကျောက်မှုန့်မြေဩဇာကို မြေခံအဖြစ် ထည့်ထားသင့်ပါသည်။

၅။ မိုးကြိုထယ်ရေး ခံထားပေးခြင်းအားဖြင့် သီးနှံပင်အကြွင်းအကျန်များကို မြေအတွင်းသို့ နစ်မြုပ်စေပြီး ဆွေးမြေ့စေသဖြင့် သီးနှံပင်များအတွက်လိုအပ်သော အာဟာရဓါတ်များ ရရှိစေသည်။

၆။ ပုံမှန်မိုးရေရချိန်တွင် ထွန်စက်ကြီး (သို့) ကိုယ်ပိုင်ထွန်စက်များဖြင့် ပထမထယ်ရေးခံပေးပြီး လယ်ကန်သင်းများကို ရေလုံအောင် ပေါက်ညှိပေးသင့်ပါသည်။

၇။ ထိုပထမထယ်ရေးခံသည့်အချိန်တွင် မြေခံအဖြစ် သဘာဝမြေဩဇာ မြေဆွေးနှင့် ဓါတုမြေဩဇာအဖြစ် ကွန်ပေါင်းတစ်အိတ် သို့ တီစူပါအိတ်ဝက်နှင့် ပိုတက်အိတ်ဝက်တို့ကို ထည့်သွင်းပေးသင့်သည်။

၈။ မိမိလယ်ထဲသို့ ဓါတုမြေဩဇာမထည့်သွင်းခင် မြေဆီလွှာကို ဓါတ်ခွဲစမ်းသပ်ခြင်းများပြုလုပ်ပေးသင့်သည်။

၉။ သို့မှသာ လိုအပ်သော ဓါတ်မြေဩဇာပမာဏ ချိန်ဆ၍ ထည့်သွင်းပေးခြင်းဖြင့် ကုန်ကျစရိတ်ကိုလည်း လျော့ချနိုင်မည်ဖြစ်ပါသည်။

၁၀။ ကျေးဇူးရှင် တောင်သူဦးကြီးများအနေဖြင့် မြေဆီလွှာကို ဓါတ်ခွဲရာတွင် အခက်ခဲရှိပါက မြို့နယ်စိုက်ပျိုးရေးဦးစီးဌာနနှင့် ပူးပေါင်းဆောင်ရွက်သင့်ပါသည်။

၁၁။ ဒုတိယထယ်ရေးမခံမီ မိမိစိုက်ပျိုးမည့်စပါး မျိုးညှောင့်ပေါက်နှုန်းပေါ်မူတည်ပီး ဆောင်ရွက်ပေးရပါမည်။

၁၂။ ဒုတိယထယ်ရေးခံသည့်အခါတွင် (Roller) ခုတ်စက်ဖြင့် ပထမအကြိမ် ဝင်ကြည့်ပါ။

၁၃။ ပထမအကြိမ် ခုတ်စက်ဖြင့် ဝင်ရုံမျှနှင့် မြက်ခေါင်းများ မကုန်စင်လျှင် နောက်တစ်ကြိမ် ထပ်ဝင်ပေးပါ။

၁၄။ လယ်ကွက်ထဲရှိ မြက်ခေါင်းများနှင့် မလိုအပ်သော အမှိုက်သရိုက်များ ကုန်စင်မှသာ ကြဲခင်းဖြင့် စိုက်လျှင်သော်၎င်း၊ စိုက်ခင်းဖြင့် စိုက်လျှင်သော်၎င်း၊ မျိုးစေ့ချကိရိယာဖြင့် စိုက်လျှင်သော်၎င်း ပေါင်းမြက်များကို နှိမ်နင်းရာတွင် သက်သာပေလိမ့်မည်။

ဉီးပြည့်ဖြိုးသူ (B.Agr.Sc)

ကမ်းရိုးတန်းဒေသ တောင်သူလယ်သမားဖွံ့ဖြိုးရေးအဖွဲ့ (ဘီးလင်းမြို့နယ်၊ မွန်ပြည်နယ်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...