ခရမ်းချဥ် အဝါရောင်ရွက်တွန့်လိပ်ဗိုင်းရပ်စ်ရောဂါ

ဦးကြီးတို့ရေ မင်္ဂလာပါဗျ။

ခရမ်းချဥ်စိုက်ပျိုးသော တောင်သူများ ကြုံတွေ့နေရသော ပြဿနာများထဲတွင် အဝါရောင်ရွက်တွန့်လိပ်ရောဂါသည်လည်း ဆိုးရွားသောရောဂါ တစ်ခုအပါအဝင် ဖြစ်ပါသည်။ ဤရောဂါ ကျရောက်ပါက ခရမ်းချဥ်အထွက်နှုန်းကို ၉၀-၁၀၀ ရာခိုင်နှုန်းထိ လျော့ကျစေ နိုင်ပါသည်။ ထိုရောဂါသည် အပူပိုင်းနှင့် အပူလျော့ပိုင်းဒေသများတွင် ဖြစ်ပွားမှု ပိုများပါသည်။

အဝါရောင်ရွက်တွန့်လိပ်ရောဂါသည် ဗိုင်းရပ်စ်ကြောင့်ဖြစ်သော ရောဂါဖြစ်ပါသည်။ ထိုဗိုင်းရပ်စ်သည် အပင်တစ်ပင်မှတစ်ပင် ၎င်းကိုယ်တိုင်မကူးစပ်နိုင်ပါ။ ထိုရောဂါဖြစ်စေသော ဗိုင်းရပ်စ်များကို ယင်ဖြူများက အပင်တစ်ပင်မှတစ်ပင် သယ်ဆောင်ပေးသောကြောင့် ရောဂါများ ပျံ့နှံ့သွားပါသည်။

ရောဂါလက္ခဏာများ

အဝါရောင် ရွက်တွန့်လိပ်ရောဂါ လက္ခဏာများသည် သိသာထင်ရှားပါသည်။ ခရမ်းချဥ်စိုက်တောင်သူတိုင်းမြင်ဖူးမယ်လို့ ထင်ပါတယ်။ ရောဂါဖြစ်ပွားနေသော အပင်များ မှာ အပင်အရပ်များပုသွားခြင်း၊ အရွက်များ၊အညွှန့်လောင်းများ သေးငယ်သွားခြင်း၊ အရွက်များအပေါ်ကိုထောင်မတ်နေခြင်း၊ အရွက်အနားသတ်များ အဝါရောင်ပြောင်းသွားပြီး အပေါ်ကိုလိပ်၍ အတွင်းဖက်သို့ ကွေးနေခြင်း၊ ပုံသဏ္ဍာန်မမှန်သော အရွက်များ ထွက်လာခြင်း၊ အရွက်များ စိမ်းဝါရောင်ပြောင်းသွားခြင်း၊ ခရမ်းချဥ်ပင်၏ ဆစ်ကြားများ တိုသွားခြင်း၊ ခရမ်းချဥ်အပွင့်များ ကြွေကျ၍ အသီးများမတင်နိုင်ခြင်း၊ တင်သောအသီး များသည်လည်း ဈေးကွက်မဝင်နိုင်သော အသီးများဖြစ်နေခြင်း စသည့်တို့ဖြစ်ပါသည်။

ကာကွယ်ရန် နည်းလမ်းများ

ခရမ်းချဥ် အဝါရောင် ရွက်တွန့်လိပ် ဗိုင်းရပ်စ်ရောဂါသည် ကြိုတင်ကာကွယ်နိုင်မှသာ ရပါမည်။ ရောဂါဖြစ်မှကာကွယ်လျှင် ကာကွယ်နိုင်ရန်အလွန်ခက်ခဲသော ရောဂါတစ်ခုဖြစ်ပါသည်။ ကာကွယ်ရန် နည်းလမ်းများမှာ-

အဓိကအနေဖြင့် ထိုရောဂါကို ခံနိုင်ရည်ရှိသောမျိုးများ ရွေးချယ်စိုက်ပျိုးခြင်း
ဗိုင်းရပ်စ်နှင့် ယင်ဖြူကျရောက်မှုမရှိသော အပင်များကို ပြောင်းရွှေ့စိုက်ပျိုးခြင်း
ဗိုင်းရပ်စ်ကို သယ်ဆောင်ပေးသော ယင်ဖြူများသည် အပူချိန်မြင့်သောအချိန်တွင် ပေါက်ဖွားမှုများသောကြောင့် စိုက်သောအချိန်ကို အေးသောအချိန်(ဆောင်းတွင်း)နှင့် ကိုက်ညီအောင် စိုက်ပျိုးရပါမည်။
ဤရောဂါဖြစ်ပွားသော နေရာများနှင့် ဝေးကွာသောနေရာများတွင် ခရမ်းချဥ်စိုက်ပျိုး ရပါမည်။
ထိုရောဂါကို အဓိကသယ်ဆောင်ပေးသော ယင်ဖြူများကို ဦးစွာနှိမ်နင်းရပါမည်။
ယင်ဖြူကျရောက်မှုနည်းစေရန် သီးလှည့်စိုက်ပျိုးခြင်းများ၊ သီးညှပ်စိုက်ပျိုးခြင်းများနှင့် စိုက်ပျိုးရပါမည်။
ရောဂါကျရောက်နေသောအပင်များ တွေ့ရှိပါက ချက်ချင်းနှုတ်၍ မီးရှို့ပစ်ရပါမည်။
ခရမ်းချဥ်စိုက်ပျိုးထားသော ယာခင်းအတွင်းအပြင်ရှိ ပေါင်းများကို ရှင်းလင်းပေး ရပါမည်။
ယခင်နှစ်မှ ကျန်နေသော သီးနှံအကြွင်းအကျန်များနှင့် ယင်ဖြူများ ခိုအောင်းနေနိုင်သော နေရာများကို ရှင်းလင်းပေးရပါမည်။

ချမ်းသာဦး

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...