ဟင်းခတ်အမွှေးအကြိုင်ပင်များကို တာရှည်ခံပြုလုပ်ခြင်း

24/07/2020 19:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

ဟင်းခတ်အမွှေးအကြိုင်ပင်များကို စိုက်ထားပြီးတာရှည်ခံအောင်ပြုလုပ်ချင်သူများ အရင်ဆုံးစဉ်းစားမိသည်က အခြောက်လှန်းခြင်း ဖြစ်ပါလိမ့်မည်။ သီးနှံပင်များကို အေးခဲ (Frozen) ထား၍လည်းရပါသည်။ မိမိစိုက်ပျိုးသော ဟင်းခတ်အမွှေးအကြိုင်ပင်များသည် မိမိသုံးရန် ပိုလျှံနေသည်ဖြစ်စေ၊ တာရှည်စွာသိုလှောင်လိုသည်ဖြစ်စေ၊ ဈေးကွက်သို့ပို့ရန်ဖြစ်စေ၊ အခြောက်လှန်းခြင်းနှင့် အေးခဲခြင်းဖြင့် တာရှည်ခံသည့်နည်းလမ်းများကို ညွှန်းပေးလိုပါသည်။

(က) အခြောက်လှန်းခြင်း

ဟင်းခတ်အမွှေးအကြိုင်ပင်မှ အရွက်များကို ချိတ်ဆွဲထားပေးခြင်း၊ အခြောက်လှန်းသောစင်ပေါ်မှ ဗန်းတွင်ဖြန့်ချထားခြင်း၊ အခြောက်ခံစက် (Dehydrator) သုံးခြင်းတို့ဖြင့် ခြောက်အောင်ပြုလုပ်နိုင်သည်။ အခြောက်ခံသော အခန်း သို့မဟုတ် ခြောက်ပြီးသိုလှောင်သောအခန်းသည် မှောင်(အလင်းရောင်မရှိ) ရသည်။ ခြောက်သွေ့နေရသည်။ နွေးနေရသည်။ လေဝင်လေထွက် ကောင်းနေရသည်။

(၁) အရွက်နှင့်အပွင့်

ပျက်ဆီးနေသော သို့မဟုတ် အိုဟောင်းသောအရွက်နှင့် အပွင့်များကို ပယ်ပစ်ရသည်။ ရိတ်သိမ်းစဉ်က မြေကြီးပေကျံနေသော အစိတ်အပိုင်းကို ရေအေးနှင့်အနည်းငယ်ဆေးကြောပြီး အခြောက်ခံရသည်။ ရိတ်သိမ်းထားသမျှကို ရေဆေးရန် မဟုတ်ချေ။

ပင်စိမ်း၊ ပူဒီနာပင်ကဲ့သို့ အရွက်ကြီးသော အမွှေးအကြုိင်ပင်မှ အရွက်များကိုခူးယူပြီး အခြောက်လှန်းစင်ပေါ်မှ ဗန်းထဲ သို့ မထပ်ဘဲ ဖြန့်၍ထည့်ရသည်။ ပင်စိမ်းပင်အရွက်ပေါ်၌ သတင်းစာစက္ကူ ဖုံးအုပ်ပေးလျှင် အစိမ်းရောင်မပျောက်တော့ချေ။

အပင်ငယ်များ၊ အကိုင်းများကိုချိန်ဆွဲ၍ အခြောက်လှန်းနိုင်သည်။ အခြောက်လှန်းရန်အတွက် အပင်ငယ်များ၊ အကိုင်းအခက်များ၏အရင်းပိုင်းကို ညီညာအောင်ထားပြီး စု၍စည်းရသည်။ အနေတော်အရွယ်ရှိအစည်းများကို ဇောက်ထိုးချိတ်ဆွဲရသည်။ အကယ်၍ အခြောက်ခံကိရိယာ (Dehydrator) ကိုအသုံးပြုလျှင် ညွှန်ကြားချက် (Instruction) အတိုင်းဆောင်ရွက်ရသည်။ အရွက်များကို အပင်မှခူးဆွတ်၍ အရွက်ချည်း အခြောက်လှန်းလျှင် ပိုမို၍မြန်နိုင်သည်။

ဟင်းခတ်အမွှေးအကြိုင်ပင်တို့၏ အရွက်နှင့်အပွင့်တို့သည် ကြွပ်ရွနေလျှင် ခြောက်ပြီဖြစ်သည်။ အပင်ပေါ်တွင် ခြောက်နေသောအရွက်များကို အသာအယာခူးယူ၍ စက္ကူအခြောက်ပေါ်တင်ထားပြီးမှသာ သိုလှောင်ရသည်။ လာဗင်ဒါရေမွှေးပန်းကဲ့သို့သော အမွှေးအကြိုင်ပင်ကို ပန်းပွင့်များ မခူးဘဲ ထားနိုင်သည်။

(၂) အစေ့များ

အစေ့ခိုင်များကိုစုစည်း၍ မလျော့မတင်းချည်နှောင်ရသည်။ ထိုအစေ့ခိုင်များကို ဇောက်ထိုးကိုင်၍ ခေါင်းများကို သေတ္တာပေါ် သို့မဟုတ် စက္ကူအိတ်ထဲသို့ မျက်နှာမူရသည်။ ခြောက်သွေ့နေလျှင် အစေ့များ ထွက်ကျလာမည်ဖြစ်သည်။ ကျန်ရှိနေသော အစေ့များပါ ထွက်ကျစေရန် အသာအယာအစေ့ခေါင်းကို ပွတ်ပေးရသည်။ အစေ့မဟုတ်သော အခြားအစိတ်အပိုင်းများပါရှိပါက ဆန်ကာနှင့်ချ၍ဖြစ်စေ၊ လေနှင့်အသာမှုတ်၍ဖြစ်စေ သန့်စင်ရသည်။

(ခ) အေးခဲခြင်း

အချို့ဟင်းခတ်အမွှေးအကြိုင်ပင်သည် ခြောက်သွေ့သွားသောအခါ အနံ့လျော့သွားတတ်သည်။ ထိုသို့သောအပင်မျိုးနှင့် အရွက်နုနယ်သောအပင်မျိုးများကို အေးခဲစေသောနည်းလမ်းဖြင့် တာရှည်ခံအောင်လုပ်ရသည်။ အေးခဲသောနည်းလမ်းဖြင့် တာရှည်ခံအောင်ပြုလုပ်သင့်သော သီးနှံများမှာ ချိုက် (Chives)၊ ရှာဗီလ် (Chervil)၊ တာရာဂွန် (Tarragon)၊ ပင်စိမ်း (Basil)၊ တရုတ်နံနံ (Parsley)၊ စမြိတ် (Dill)၊ စမုန်နက် (Fennel) နှင့် ပူဒီနာပင် (Mint) တို့ဖြစ်သည်။

အမွှေးအကြိုင်ပင်ကို အေးခဲမည်ဆိုလျှင် သန့်ရှင်းပြီးခြောက်သွေ့နေသောအရွက် တစ်ရွက်ချင်းဖြစ်စေ၊ တစ်ခိုင်(တစ်အုံ) ချင်းဖြစ်စေ ရေခဲသေတ္တာသုံး ပလပ်စတစ်အိတ်ထဲသို့ ထည့်ရသည်။ အိတ်ကိုလေလုံအောင်ပိတ်ပြီးလျှင် အမည်နှင့်ရက်စွဲတပ်ရသည်။ အိတ်နှစ်ထပ်ထည့်ပေးလျှင် ထပ်မံခြောက်သွေ့ခြင်းနှင့် အနံ့လျော့နည်းခြင်းတို့မဖြစ်တော့ချေ။

အေးခဲသောအခြားနည်းလမ်းတစ်နည်းမှာ သစ်သီးဖျော်စက်တွင် အမွှေးအကြိုင်သီးနှံထည့်ပြီး ရေနည်းနည်းနှင့်မွှေ၍ သီးနှံအနှစ်(Puree) လုပ်ရသည်။ ထိုအနှစ်ကိုရေခဲသောခွက်များတွင်ထည့်၍ ခဲရသည်။ အနှစ်များအတုံးအခဲဖြစ်သွားသောအခါ ပလပ်စတစ်အိတ်ကြီးတွင်ထည့်ပြီး အေးခဲသေတ္တာ (Freezer) ထဲ၌ သိုလှောင်နိုင်သည်။ လိုအပ်သောအခါ အတုံးငယ်လေးတစ်တုံးဖြစ်စေ၊ နှစ်တုံးဖြစ်စေ သုံးစွဲခြင်းဖြင့် အမွှေးအကြိုင်နံ့ကိုရရှိသည်။

ဒေါက်တာချစ်၏ စားဖို့ စိုက်စို့ ဈေးကွက်တိုးချဲ့ဗျို့ အတွဲ(၂) စာအုပ်မှ ကောက်နုတ်ဖော်ပြပါသည်။

ဆောင်းပါးများ/သတင်းများကို ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်