လောင်စာသက်သာ မီးဖို ပြုလုပ်နည်း (See also English version)

ပြုလုပ်မည့် အရွယ်အစား
အလျား ၂ ပေခွဲ (၃၀ လက်မ)၊ အနံ ၁ ပေ (၁၂ လက်မ)၊ အမြင့် ၁၀ လက်မ။

လိုအပ်သော ပစ္စည်းများ
(၁) ရွံ့ နှင့် စင်းထားသော ကောက်ရိုး၊ စပါးခွံများ
(၂) ၃ လက်မ ခေါင်းတိုင်
(၃) ဂေါ်ပြား၊ ဓါး၊ ပေတံ
(၄) အချင်း ၇ လက်မ ရှိ မီးခြမ်းပြား
(၅) အချင်း ၇ လက်မ ရှိ မို နှင့် အချင်း ၃ လက်မ ရှိ မို
(၆) ဆား ၁၅ ကျပ်သားခန့်

ပြုလုပ်နည်း
အဆင့် ၁။ ခွဲတောင်းဖြင့် ရွံ့ ၅ တောင်းမှ ၁၀ တောင်းကို စင်းဖြတ်ထားသော ကောက်ရိုး (၅-၁၀ တောင်း)၊ ရေ၊ ဆား တို့နှင့် သမအောင် ရောနယ်ပါ။ (နွားချေး ၁၀% ထည့်လျှင်လည်း ရသည်။)
အဆင့် ၂။ အလျား ၃၀ လက်မ၊ အနံ ၁၂ လက်မ၊ အမြင့် ၁၀ လက်မ ရှိသော သိပ်သည်းသော လေးထောင့် ရွံ့တုံး ရအောင် ပြုလုပ်ပါ။
အဆင့် ၃။ မီးဖိုပေါက်-၁ ပြုလုပ်ခြင်း
ရွံ့တုံး ၏ အပေါ်ဘက် တစ်ဖက် အစွန်းမှ ၃ လက်မ အကွာတွင် ၇လက်မ အချင်းရှိ မိုကို ၈ လက်မ အနက်အထိ ဖိချပါ။ အတွင်းရှိ ရွံ့များကို ထုတ်ပစ်ပါ။ မိုကို ဖယ်ပါ။ ကျန်သော ၂ လက်မအထူ ရွံ့ကို မီးခြမ်းပြား တင်နိုင်ရန် ဓါးဖြင့် ဘေး ၁ လက်မ ချန်၍ ဖယ်ထုတ်ပါ။ မီးခြမ်းပြားကို နေရာကျအောင် ထားပါ။
အဆင့် ၄။ မီးဖိုပေါက် -၂ ပြုလုပ်ခြင်း
မီးဖိုပေါက် - ၁ နှင့် ၃ လက်မအကွာတွင် ၇ လက်မ မိုကို အတွင်းသို့ ၄ လက်မ အနက်ရောက်အောင် ဖိချပါ။ အတွင်းရှိ ရွှံ့များကို ဖယ်ထုတ်ပါ။ မိုကို ဖယ်ထုတ်ပါ။
အဆင့် ၅။ မီးဖိုပေါက်-၁ နှင့် ၂ ကြားရှိ လေလမ်းကြောင်းပေါက်ကို ပုံတွင် ပြထားသည့် အတိုင်း အကျယ် ၄ လက်မခန့် ရရှိအောင် ဓါးသုံး၍ ထွင်းထုတ်ပါ။ မီးညွန့်များကို မီးခိုးခေါင်းတိုင်ဘက် မကူးစက်စေရန် နှင့် မီးခိုးများသာ ခေါင်းတိုင်ပေါက်မှ ထွက်သွားစေရန် မီးတားရွံ့တုံး ကို ထားပေးပါ။
အဆင့် ၆။ မီးခိုးခေါင်းတိုင် ပြုလုပ်ခြင်း
မီးဖိုပေါက်-၂ (၇လက်မ ဒုတိယပေါက်) နှင့် ၃ လက်မ အကွာတွင် အချင်း ၃ လက်မ ရှိ မိုကိုသုံး၍ ၆ လက်မခန့် ဖိချပါ။ မိုကိုဖယ်ပါ။ အတွင်းရှိ ရွံ့များကို ဖယ်ထုတ်ပါ။
အဆင့် ၇။ ထင်းထိုးပေါက် ပြုလုပ်ခြင်း
ရွံ့တုံး၏ ထိပ်ဘက် မျက်နှာဝတွင် ၆ လက်မ ထင်းထိုးပေါက် ရရှိရန် အတွက် အောက်ခြေမှ ၂ လက်မ အကွာ ခွါ၍ ဓါးဖြင့် ဖောက်ပါ။ မီးဖိုပေါက်-၁ (၇ လက်မ ပထမပေါက်) အထိ ရောက်အောင် ထိုးသွင်းပါ။ အတွင်းရှိ ရွံ့များကို ထုတ်ပစ်ပါ။ ပုံတွင် ပြထားသော ထင်းထိုးပေါက် ပုံစံ အတိုင်း ရရှိစေရန် ဓါးသုံး၍ ထွင်းပါ။

အဆင့် ၈။ မီးဖိုပေါက်-၂ (၇ လက်မ ဒုတိယပေါက်) နှင့် ခေါင်းတိုင်ပေါက်ကြားရှိ လေလမ်းကြောင်းပေါက်ကို ဓါးကို အသုံးပြု၍ ပုံပါ အတိုင်း ထွင်းပါ။ အကျယ်သည် ၃ လက်မခန့် ရှိရမည်။
အဆင့် ၉။ မိမိနေအိမ်တွင် အမြဲ အသုံးပြုမည့် အိုးတစ်လုံး ယူ၍ အပေါက်များပေါ်တွင် ဖိပြီး ဘယ်ညာလှည့်ပေးပါ။ သို့မှသာ အိုးနှင့် မီးဖိုကြား အံဝင်ခွင်ကျ ဖြစ်ပြီး ချက်ပြုတ်နေစဉ် မီးခိုးဘေးသို့ မထွက်ဘဲ အပူ ဆုံးရှုံးမှုကို သက်သာစေသည်။
အဆင့် ၁၀။ မီးဖိုကို ၃-၅ ရက်ခန့် ခြောက်အောင်ထားပါ။ မိုးရာသီတွင် ၇-၁၀ ရက်ခန့် ထားရမည်။ ပြီးလျှင် မီးမွှေး၍ မီးဖိုခြောက်အောင် ပြုလုပ်ပါ။ အက်ကြောင်းပေါ်လာပါက ရွံ့အစိုဖြင့် ပြန်ဖာပေးပါ။ ခေါင်းတိုင် တပ်ဆင်ပေးပါ။ မီးဖိုကို ပြာနှင့် ရေတို့ဖြင့် အချောကိုင်ပါ။

သတိပြုရမည့် အချက်များ
၁။ မီးဖိုကို အသုံးပြုစဉ် မိမိ အသုံးမပြုလိုသော အပေါက်ကို ကျောက်ပြား (သို့) အိုးဖြင့် ဖုံးထားပါ။
၂။ မီးဖို အက်လာလျှင် ရွံ့ကို ထမင်းရည်ဖြင့် ဖျော်၍ သုတ်ပေးပါ။
၃။ ပြာများကို မကြာခဏ ဖယ်ရှားပေးပါ။
၄။ အပေါက်ထက် သေးငယ်သော အိုးကို သုံးလိုပါက မိမိသုံးမည့် အိုးနှင့် သင့်တော်သော အပေါက်ပါရှိ၍ ၇ လက်မ အပေါက်ကို ဖုံးအုပ်နိုင်သော သံပြား (သို့) ဒန်ပြားဖြင့် သုံးသင့်သည်။
၅။ အကောင်းဆုံး မီးဖိုခေါင်းတိုင် အမြင့်မှာ ၃ ပေ ဖြစ်ပါသည်။

လောင်စာသက်သာ ထင်းမီးဖိုပြုလုပ်သုံးစွဲခြင်း၏အကျိုးကျေးဇူး

ထင်းလောင်စာကို ထက်ဝက်မှ သုံးပုံနှစ်ပုံအထိ လျှော့ချနိုင်သည်။
အချိန်ကုန်သက်သာစေသည်။
ကျန်းမာရေးအတွက် ပိုမိုသင့်တော်သည်။
မီးဘေးအန္တရယ် ပိုမိုစိတ်ချရသည်။
သန့်ရှင်းမှုရှိပြီး ပြုပြင်ထိန်းသိမ်းရလွယ်ကူစေသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...