ယခုတစ်ပတ်အတွင်း စျေးနှုန်းအပြောင်းအလဲဖြစ်ပေါ်ခဲ့သည့်သီးနှံများ

(၁၈.၆.၂၀၁၈ မှ ၂၂.၆.၂၀၁၈)ထိ

ဆန်၊ စပါး

ပုသိမ်ဈေးကွက်မှာ ပထမတန်းစားစပါးဖြစ်တဲ့ ဧရာဝတီပေါ်ဆန်း၊ ပေါ်ဆန်းရင်တို့ကဈေးငြိမ်နေတာ အတော်ကြာပါပြီ။ ဒါပေမယ့် ဖျာပုံပေါ်ဆန်းကတော့ အနည်းငယ်ဈေးတက်လာခဲ့ပါတယ်။ စပါးတွေက ငြိမ်နေပေမယ့် ဆန် တွေကတော့ အသီးသီးဈေးတက်လာပါတယ်။ ဆန်က ပုံမှန်ဝယ်လက်ရှိပြီး ကုန်စည်ဒိုင်တွေကို အဝင်နည်းတဲ့အတွက် ဈေးကတက်လာတာ ဖြစ်တယ်လို့လည်း သိရပါတယ်။ ပထမတန်းစား စပါးတွေက ငြိမ်နေပေမယ့် ဒုတိယတန်းစားဖြစ်တဲ့ ရွှေသွယ်လေး၊ ဧရာမင်း၊ မနောသုခ၊ မီးကောက် နဲ့ သီးထပ်ရင်တို့ကတော့ စပါးဈေးရော ဆန်ဈေးပါတက်နေတာ ဖြစ်ပါတယ်။ လက်ရှိမှာ ရာသီဥတုအခြေအနေရ ဆန်ကအဝင်နည်းခြင်း၊ မိုးတွင်းလုပ်သား ရှားခြင်း၊ ဆန်စက်များ အလုပ်ရပ်နားထားခြင်းတို့ကြောင့် ဈေးတွေ အပြိုင်တက်လာတယ်လို့ ဆိုရပါတယ်။ ရွှေသွယ်လေးစပါးက တင်း ၁၀၀ ကို ၇၈၂၀၀၀ ကျော်ပေါက်ဈေးရှိပြီး တစ်ပတ်အတွင်း ၃ သောင်းကျော်၊ မနောသုခက တင်း ၁၀၀ ကို ၆၂၅၀၀၀ ကျော်ရှိပြီး ၅ ထောင်ကျော်၊ မီးကောက်က တင်း ၁၀၀ ကို ၆၆၂၀၀၀ ကျော်ရှိပြီး ၅သောင်းကျော်၊ အသီးသီးဈေးတက်လာခဲ့ပါတယ်။ စပါးဈေးအပြင် ဆန်ဈေးကလည်း တစ်အိတ်ကို ၁၀၀၀ ကျော်စီဈေးမြင့်လာပြီး အနိမ့်ဆုံးဈေး ၂၅၅၀၀ ကနေ ၃၂၀၀၀ အထိ ပေါက်ဈေးရှိနေပါတယ် ပုသိမ်မှာတော့ ပထမတန်းစား ဆန်တွေက ဈေးငြိမ်နေခဲ့ပေမယ့် ရန်ကုန်ဈေးကွက်မှာတော့ အဝင်နည်းအရောင်းအဝယ်ပုံမှန်ရှိတဲ့အတွက် ပထမတန်းစား ဆန်ရော ဒုတိယတန်းစားဆန်ပါ ဈေးတက်လာပါတယ်။ ရန်ကုန်ဈေးကွက်မှာ ဖျာပုံပေါ်ဆန်းမွှေးက တစ်အိတ်ကို ၃၆၀၀၀ ကနေ ၄၁၀၀၀ ကျပ်၊ ဒေးဒရဲပေါ်ဆန်းက ၃၆၀၀၀ ကနေ ၄၁၀၀၀ ကျပ်၊မြောင်းမြပေါ်ဆန်းသစ်က ၃၉၀၀၀ ကနေ ၄၀၀၀၀ ကျပ် နဲ့ တစ်အိတ်ကို ၁၀၀၀ ကျပ်စီ ဈေးတက်ခဲ့ပြီး၊ မြီးဒုံးဆန်က တစ်အိတ်ကို ၃၂၀၀၀ ကနေ ၃၅၅၀၀ ကျပ်၊ ရက် ၉၀ ဆန်က တစ်အိတ်ကို ၂၃၅၀၀ ကနေ ၂၄၀၀၀ကျပ်၊ သီးထပ်ရှယ်က ၂၂၅၀၀ ကနေ ၂၂၈၀၀ နဲံ့ တစ်အိတ်ကို ၅၀၀ ကနေ ၁၀၀၀ ကျပ် အသီးသီးဈေးတက်လာပါတယ်။ ရန်ကုန်ဈေးကွက်မှာ တစ်လအတွင်း ဆန်ချောရော ဆန်ကြမ်းပါ တစ်အိတ်ကို အနိမ့်ဆုံးဈေး ၂၀၀၀ ကနေ ၃၀၀၀ ကြား ဈေးတက်လာပါတယ်။

မတ်ပဲ (FAQ/RC)

မတ်ပဲကတော့ ပြည်ပဝယ်လိုအားလျော့နည်းခဲ့တဲ့အပြင် ဈေးကွက်အတွင်း လက်ကျန်ပဲတွေ ကျန်နေတာဖြစ်တဲ့အတွက် ဈေးက ကျဆင်းသွားခဲ့ပါတယ်။ ထိုြ့ပင်ပဲလှောင်သူအချို့ မတ်ပဲဆက်ပြီး ဈေးတက်နိုင်မလားဆိုတဲ့ မျှော်လင့်ချက်နဲ့ ဆက်ပြီး လှောင်ထားဆဲအခြေအနေလည်း ဖြစ်နေပါတယ်။ လဆန်းပိုင်းကတည်းကစပြီး တစ်ဖြေးဖြေး ဈေးက ကျဆင်းသွားခဲ့တာ ဒီတစ်ပတ်မှာလည်း ပြီးခဲ့တဲ့ အပတ်ကလို တစ်တန်ကို ၄ သိန်း ၇ သောင်းနီးနီးသာ ဈေးရရှိနေပြီး အတက်အကျ အပြောင်းအလဲ မရှိပဲ ဈေးငြိမ်နေပါတယ်။ ရန်ကုန်ကုန်စည်ဒိုင်မှာလည်း ပဲဈေးက ငြိမ်နေသလို နယ်ကုန်စည်ဒိုင်တွေမှာလည်း ပဲဈေးက ငြိမ်နေတာကိုတွေ့ရပါတယ်။ မုံရွာကုန်စည်ဒိုင်မှာတော့ မတ်ပဲက တစ်တင်းကို ၁၅၅၀၀ ကျပ်၊ နေပြည်တော်ကုန်စည်ဒိုင်မှာလည်း တစ်တင်းကို ၁၆၀၀၀ ရှိပြီး အသီးသီး ၅၀၀ ကျပ်အသီးသီးဈေးကျဆင်းသွားပါတယ်။ ပြည်ကုန်စည်ဒိုင်မှာတော့ တစ်တင်းကို ၁၆၀၀၀ နဲ့ဈေးငြိမ်နေပါတယ်။

ပဲစင်းငုံနီ

ပြီးခဲ့တဲ့ အပတ်က ပဲစင်းငုံနီက မတ်ပဲ နဲ့အတူတူ ဈေးကျဆင်းသွားခဲ့ပေမယ့် ဒီတစ်ပတ်မှာတော့ မတ်ပဲက ဈေးမတက်လာပဲ ပဲစင်းငုံနီက ဈေးတက်လာခဲ့ပါတယ်။ ဈေးတက်တယ်ဆိုပေမယ့် ပြီးခဲ့တဲ့ အိန္ဒိယထုတ်ပြန်ချက် အပြီး တက်ခဲ့တဲ့ ဈေးကိုတော့ မမှီသေးပါဘူး။ လက်ရှိမှာ ပဲစင်းငုံနီအဟောင်းက ဈေးကွက်အတွင်း အရောင်းအဝယ်ပိုဖြစ်နေပြီး အသစ်ကတော့ အရည်အသွေးအားနည်းတဲ့အတွက် ဈေးကအေးပြီး တစ်ချို့ရက် တွေမှာ အရောင်းအဝယ်မဖြစ်သလောက် ရှိနေပါတယ်။ ထိုြ့ပင် အသစ်ထွက်ပဲတွေကို တောင်သူတွေက အတက်ဈေးကိုမျှော်ပြီး အရောင်းအဝယ်ကို ထိန်းနေတဲ့အတွက် ပဲအဝင်နည်းပြီး ဈေးကမတ်ပဲလောက် အတက်အကျမကြမ်းပဲ ရှိနေပါတယ်။ သြဂုတ်လအမှီ ပဲစင်းငုံ တန်ချိန် ၂ သိန်းကို အိန္ဒိယကို တင်ပို့ရမှာဖြစ်တဲ့အတွက် ပဲစင်းငုံနီက ထပ်ပြီး ဈေးတက်နိုင်သေးတယ်လို့လည်း ကုန်သည်အချို့ သုံးသပ်ထားပါတယ်။ ပဲစင်းငုံနီက ရန်ကုန်ဈေးကွက်မှာ တစ်တန်ကို ၅ သိန်း ကျော်ပေါက်ဈေးရှိနေသလို နယ်ကုန်စည်ဒိုင်တွေမှာလည်း တစ်ပတ်အတွင်းဈေးတက်လာတာကိုတွေ့ရပါတယ်။ မုံရွာကုန်စည်ဒိုင်မှာတော့ တစ်တင်းကို ၁၃၅၀၀ ကျပ်၊ မြင်းခြံကုန်စည်ဒိုင်မှာ တစ်တင်းကို ၁၅၆၀၀ ကျပ်၊ ပခုက္ကူကုန်စည်ဒိုင်မှာ ၁၅၆၀၀ ကျပ်၊ ပြည်ကုန်စည်ဒိုင်မှာ ၁၄၅၀၀ ကျပ် နဲ့ တစ်တင်းကို ငွေကျပ် ၅၀၀ ကျပ် အသီးသီးဈေးတက်လာပါတယ်။

မြေပဲဆံ(ဆီဆန်)(လုံးဆန်)

ပြီးခဲ့တဲ့အပတ်က မြေပဲဆံ(ဆီဆန်)က ဈေးငြိမ်နေခဲ့ပေမယ့် ဒီတစ်ပတ်မှာတော့ ဈေးတက်လာခဲ့ပါတယ်။ (လုံးဆန်)ကတော့ ပြီးခဲ့တဲ့အပတ်က ဈေးကျဆင်းခဲ့ပြီး ဒီတစ်ပတ်မှာတော့ ဈေးငြိမ်သွားပါတယ်။ လက်ရှိမှာက ရာသီဥတုကြောင့် မြေပဲကြိတ်ခသယ်ယူပို့ဆောင်စရိတ်တွေက ကြီးမြင့်နေပြီး ကုန်သည်တွေကလည်း အတက်ဈေးကို မျှော်နေကြတဲ့အတွက် ထင်သလောက်အရောင်းအဝယ်မဖြစ်ပဲ ရှိနေပါတယ်။ တောင်သူတွေကလည်း လက်ရှိမှာ ထုတ်ရောင်းချင်နေတဲ့အနေအထားရှိတဲ့အတွက် ဈေးကအနည်းငယ်သာ မြင့်တက်နေပါတယ်။ မုံရွာကုန်စည်ဒိုင်မှာ မြေပဲဆံ(ဆီဆန်)က တစ်ပိဿာကို ၂၄၅၀ ရှိပြီး ၁၀၀ ကျော်ဈေးတက်လာပါတယ်။ (လုံးဆန်)ကတော့ တစ်ပိဿာကို ၂၀၅၀ နဲ့ဈေးငြိမ်နေပါတယ်။ မြင်းခြံကုန်စည်ဒိုင်မှာလည်း (ဆီဆန် )ကတစ်ပိဿာကို ၂၂၀၀ ရှိပြီး ၂၅ ကျပ်ဈေးတက်လာကာ (လုံးဆန်) ကတော့ တစ်ပိဿာကို ၂၃၅၀ ကျပ်နဲ့ ၂၅ ကျပ် ဈေးကျဆင်းသွားပါတယ်။ ပခုက္ကူကုန်စည်ဒိုင်မှာလည်း ဆီဆန်က တစ်ပိဿာကို ၂၂၅၀ ကျပ်နဲ့ ၅၀ ကျပ်ဈေးတက်လာပြီး လုံးဆန်ကတော့ တစ်ပိဿာကို ၂၄၀၀ နဲ့ဈေးငြိမ်နေပါတယ်။ ပြည်ကုန်စည်ဒိုင်မှာတော့ လုံးဆန်ရော ဆီဆန်ပါ တစ်ပိဿာကို ၁၀၀ ကျပ် နီး ပါးဈေးတက်လာပြီး တစ်ပိဿာကို ၂၁၀၀ ကနေ ၂၃၅၀ ကျပ် ရှိပါတယ်။

မဝတ်ရည်မွန်(AMIA)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...