ဆေးဖက်ဝင် ပန်းပင်ပန်းပွင့်များ

သင်၏ နေအိမ်ပတ်ဝန်းကျင်က ပန်းပင်ပန်းပွင့်များရဲ့ ဆေးဖက်ဝင်တဲ့အကြောင်းကို သိပြီးပြီလား?

ဘယ် ပန်းပင်ပန်းပွင့်များက ဘယ်လိုဆေးဖက်ဝင်ကြောင်းကို ရေးသားတင်ပြလိုက်ပါတယ်။

လူကြီးမင်းတို့အတွက် အကျိုးတစ်စုံတစ်ရာရှိစေဖို့ မျှော်လင့်ပါတယ်ရှင်။

ကံကော်ဝတ်ဆံ

ရသာအားဖြင့် အေးသည်။ ဆိမ့်သည်။ ဖန်သည်။ မွှေးသည်။

အကျိုးအားဖြင့် အစာကြေခြင်း၊ ဝမ်းမီးတောက်ခြင်း၊ ရေငတ်နာ၊ ပျို့အန်နာ၊ အိပ်မပျော်နာ၊ ထိတ်လန့်နာ၊ သွေးဖောက်ပြန်နာများကို နိုင်ခြင်း၊ အပူငြိမ်းခြင်း၊ အဖျားပျောက်ခြင်း၊ သည်းခြေနိုင်ခြင်း၊ သလိပ်နိုင်ခြင်း၊ မီးယပ်သွေးထိန်ခြင်း၊ ချွေးနံ့ဆိုးကို ပျောက်စေခြင်း စသည်တို့ဖြစ်သည်။ ထို့ကြောင့် ကံ့ကော်ဝတ်ဆံကို တိုင်းရင်းဆေးအမှတ်(၈) သွေးဒူလာဆေး(၁၄) ဒေဝသြသဓသွေးဆေး၊ (၁၅) အပူနိုင်သည်းခြေဆေး၊ (၁၆) အပူငြိမ်းသွေးဆေး၊ (၁၇) သွေးဆေးနီကြီး၊ (၃၄က) သူငယ်နာမုတ်လေးစင်းဆေးကြီး၊ (၃၅) ဇာတိလဝင်္ဂဆေးကြီး၊ (၃၆က) သောမိသရရောဟိတဆေး၊ (၃၆ခ) မဟာသောမိသရဆေးကြီး၊ (၄၃) အကင်းဆယ်ပါးဆေး၊ (၄၄) ကတိုးလိမ်းဆေး၊ (၆၃) အပူကျဆေး၊ (၆၄) သကြားကဲအစာကြေဆေး၊ (၆၆) သကြားကဲဒူလာမီးယပ်ဆေးနှင့် တိုင်းရင်းဆေးမှတ်(၂၁) မဟာကလျာဏိဆေးစသည်တို့ ဖော်စပ်ရာတွင် ထည့်သွင်းသုံးစွဲသည်။

စံပယ်ပွင့်

တိုင်းရင်းဆေးများအတွက် အထူးအသုံးဝင်သည်ကို တွေ့နိုင်သည်။ တိုင်းရင်းဆေးအမှတ်-၁၅၊ အပူနိုင်သည်းခြေဆေးနှင့် တိုင်းရင်းဆေးအမှတ်-၂၀၊ မဟာကလျာဏိဆေးတို့၌ ပါရှိသည်။ စံပယ်ပွင့်သည် အေးချိုခါးဖန်သည်။ မွှေးသည်။ ရေငတ်ခြင်း၊ အိပ်မပျော်ခြင်း၊ စကားမမှန်ခြင်း၊ မကြာခဏထိတ်လန့်ခြင်း၊ လွန်ကိုယ်ပူခြင်း၊ သလိပ်ခြောက်နာ၊ အဆိပ်သင့်နာ၊ သွေးပူလောင်နာတို့ကို နိုင်နင်းသည်။ ထို့ပြင် နှလုံးကို အားပေးနိုင်သည်။ လေပူကိုငြိမ်းစေသည်။ဦးနှောက်ကို ကြည်လင်စေသည်။ ဓာတ်မီးနှင့် အာကာသကို ရစေသည်။ ဝမ်းမီးကို ငြိမ်းအေးစေသည်။

တရုတ်စကားပွင့်

ပူ၍ခါးစပ်သည်။ အစာကို ကြေစေသည်။ ဝမ်းမီးကို ကောင်းစေသည်။ ဝမ်းသက်ခြင်း၊ အကြောအားနည်းသောအနာ၊ နားလေထွက်ခြင်း၊ နားကြပ်ရောင်ခြင်း၊ လေကြပ်သောအနာနှင့် နှလုံးကျဉ်းနာတို့ကို ပျောက်စေသည်။ အေဒဖွဲပိတ်သောအရူးရောဂါ စိတ်တဇနာများကို နိုင်သည်။ သုပ်၍စားခြင်းဖြင့် အစာအိမ်ရောဂါ၊ လေငန်းရောဂါ၊ သွချာပါဒရောဂါများကို ကာကွယ်နိုင်သည်။ ခေါင်းမူးရောဂါ၊ လေရောဂါ၊ အကြောတွန့်နာများကိုပျောက်စေသည်။ တရုတ်စကားပွင့်ကို အခြောက်လှန်း၍ ခေါင်းအုံးလုပ်ကာ အိပ်စက်ခြင်းဖြင့် စိတ္တဇနာကိုပင်ပျောက်စေနိုင်သည်။ ထို့ကြောင့် မြန်မာ့တိုင်းရင်းဆေးအမှတ်(၁၅) အပူနိုင်သည်းခြေဆေးတွင် အသုံးပြုသည်။

နှင်းပန်းဥ

ပူ၍ခါးသည်။ ဆီးအမျိုးမျိုးနှင့် ပတ်သတ်သောအနာ၊ အဖုအကြိတ်နာ၊ နှင်းခူနာတို့ကို ပျောက်စေတတ်သည်။ အံစေတတ်သည်။ မူးတောက်စေတတ်သည်။ ဒူလာရောဂါကို ပျောက်စေတတ်သည်။ ထို့ကြောင့် တိုင်းရင်းဆေးအမှတ် (၃၂)နန်းတွင်းလျှာပွတ်ဆေးကြီး ဖော်စပ်ရာတွင် ထည့်သွင်းသည်။

သပြေခေါက်

အေး၍ဖန်သည်။ တိုင်းရင်းဆေးအမှတ်(၁၉) သီရိစန္ဒနာဆေးတွင် ပါရှိသည်။ သပြေခေါက်သည် အပူလွန်နာ၊ ဝမ်းပျက်နာ၊ ဆီးလွန်နာ၊ မီးယပ်သွေးလွန်နာ၊ အပူဝမ်းပျက်နာ၊ ချွေးထွက်လွန်နာ၊ အဆစ်အမြစ်ကြဲသော အနာ၊ လေကြောင့်မူးသောအနာများကို သက်သာပျောက်ကင်းစေသည်။ သွားဖုံးရောင်နာ၊ သွားကိုက်ရေစီးကမ်းပြို ဒန္တစိုနာများကို ကုသပျောက်ကင်းသည်။ အသားအရေပူလျှင် ဆန်ဆေးရည်ဖြင့် သွေး၍ လိမ်းနိုင်သည်။ မကျက်နိုင်သော အနာများကို ကုသရာတွင် ဖန်ရေဆေးအဖြစ် သုံးစွဲနိုင်သည်။

နောက်ထပ်ပြီး ဆေးဖက်ဝင်တဲ့ပန်းပင်ပန်းပွင့်များအကြောင်းကို ဒုတိယအပိုင်းအနေဖြင့် ဖော်ပြပါဦးမည်။

အစိမ်းရောင်လမ်း

ရှေးရိုးစဉ်လာမြန်မာ့တိုင်းရင်းဆေးပညာနှင့် ဆေးဖက်ဝင်အပင်များ

ရဲသိဒ္ဓ စာအုပ်မှ ကောက်နုတ်ဖော်ပြပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...