တစ်ပါတ်အတွင်း ကမ္ဘာ့ရော်ဘာဈေးကွက် သုံးသပ်ချက်

တိုကျို ရဲ့ TOCOM ဈေးကွက်မှာ တနင်္လာနေ့က ပြီးခဲ့တဲ့ သောကြာနေ့ကအဆက်နဲ့ ဆက်ကျတာ ၂ လနီးပါးအတွင်း အနိမ့်ဆုံးကိုရောက်သွားတော့တယ်။ အာရှဘက်မှာ အရန်ရော်ဘာတွေ ပိုလျှံနေတဲ့ အတွက်ကြောင့်ပါ။ ရော်ဘာဝယ်ထား ပြီးသားတွေ စုပုံနေတော့ ဘယ်သူမှ ထပ်မဝယ်ချင်ကြဘူးလေ။ ဒီတော့ ဈေးမလိုက်ဘူးပေါ့။

အရှေ့တောင်အာရှရဲ့ ရော်ဘာဈေးကိုထင်ဟပ်တဲ့ TOCOM ရော်ဘာဈေးဟာ ထွက်အားကျတဲ့ ရွက်ကြွေရာသီ ပြီးသွား တဲ့နောက် အရှေ့တောင်အာရှဘက်မှ ရော်ဘာအဓိကထွက်တဲ့ နိုင်ငံတွေမှာ ရော်ဘာပိုထွက်လာနေတဲ့အတွက် ရောင်းလို အား များလာမယ့်သဘောကြောင့် ဈေးကျတာလည်းဖြစ်တယ်။

ဂျပန်ဆိပ်ကမ်းမှ အရန်ရော်ဘာပမာဏဟာ မေ ၁၀ ရက်စာရင်းအရ တန်ချိန် ၁၇၀၀၉ တန်ရှိနေတယ်။ လွန်ခဲ့တဲ့နှစ် ဒီအ ချိန်မှာ ၄၀၇၀ တန်ရှိခဲ့တော့ ၄ ဆကျော်များနေတာပါ။ ဒါက Rubber Trade Association of Japan ရဲ့ စာရင်းအရ သိရတာ။

"များသည်ထက်များလာတဲ့ အရန်ရော်ဘာတွေက ရော်ဘာဈေးကို ထိခိုက်ပါတယ်" လို့ ဂျပန်ကုန်သွယ်ရေးအရင်းအမြစ် ကလည်းဆိုတယ်။

TOCOM ရဲ့ နိုဝင်ဘာကန်ထရိုက်ရော်ဘာဈေးဟာ ၁ ယန်းကျကာ ၁၈၄.၉ ယန်း($၁.၆၈)/ကီလိုဂရမ်ဈေးနဲ့ ဈေးပိတ် သွားတယ်။ စောစောပိုင်းမှာ ၁၈၄.၃ ယန်းထိကျသွားသေးတယ်။ ဒါက ဧပြီ ၁၉ ကတည်းကဆိုရင် တနေ့တာအတွင်း အနိမ့်ဆုံးဈေးပေါ့။

ရှန်ဟိုင်းရဲ့ SHFE မှာ အနုတ်အသိမ်းအများဆုံး ကန်ထရိုက်လ စက်တင်ဘာမှာ ရော်ဘာဈေးဟာ ယွမ် ၁၂၀ ကျပြီး ၁၁၄၀၀ ယွမ်/တန်ဈေးနဲ့ ပိတ်သွားတယ်။

အင်ဒိုနီးရှားရဲ့ မော်တော်ဆိုင်ကယ်ရောင်းအားက မေလမှာ လွန်ခဲ့နှစ်ကထက် ၁၀.၉% တက်သွားတာ ယူနစ်ပေါင်း ၅၈၉၃၀၄ ထိရောက်သွားတယ်လို့ တနင်္လာနေ့မှာ စက်မှုအသင်းရဲ့ ထုတ်ပြန်ချက်အရသိရတယ်။ သဘောတရားအရတော့ မော်တော်ယာဉ်ရောင်းအားတက်ရင် တိုင်ယာတွေလည်း အသုံးများလာတဲ့အတွက်ကြောင့် တိုင်ယာထုတ်လုပ်ရာမှာ အဓိ ကဖြစ်တဲ့ သဘာဝရော်ဘာက အဝယ်လိုက်ပြီ ဈေးလိုက်လာရမယ်။ ခုတော့ အဲလိုမဖြစ်ဘူး။

တိုကျိုရော်ဘာ ကြိုရောင်း/ကြိုဝယ်ဈေးဟာ ၂ ရက်ကြာကျနေရာမှ အင်္ဂါနေ့ဈေးပိတ်ချိန်မှာ လမ်းကြောင်းပြောင်းသွား တယ်။ ပြန်တက်သွားတယ်ပေါ့။ ယန်းအားပျော့နေတဲ့ နောက်ခံအကြောင်းရင်းကြောင့်ပါပဲ။ ဒါပေမယ့် အရန်ရော်ဘာ များနေတော့ ရော်ဘာဈေးဟာ လွန်ခဲ့တဲ့နေ့က ဖြစ်ခဲ့တဲ့ ၂ ပတ်အတွင်းအနိမ့်ဆုံးဈေးဝန်းကျင်မှာပဲ ရှိနေတယ်။

အင်္ဂါနေ့မှာ ဒေါ်လာဟာ ယန်းနဲ့ယှဉ်ရာမှာ ၃ ပတ်အတွင်း အမြင့်ဆုံးရောက်သွားတယ်။ အနီးကပ်စောင့်ကြည့်နေတဲ့ ယူအက်စ်-မြောက်ကိုးရီးယား ထိပ်သီးဆွေးနွေးပွဲကြောင့် သူတို့ ၂ ဦးအတွက် တင်းမာမှုတွေလျော့သွားမယ်ဆိုတဲ့ မျှော် လင့်ချက်ကြောင့်ပါ။ ဒေါ်လာတက်တော့ ယန်းကျတယ်။ ယန်းငွေကျတော့ ယန်းငွေနဲ့ သတ်မှတ်ထားတဲ့ ကုန်စည်တွေကို ဒေါ်လာနဲ့ ဝယ်တဲ့အခါ ဈေးသက်သာပါတယ်။ ဒီတော့ အဝယ်လိုက်ပြီး ဈေးပါ လိုက်လာပါတယ်။

တိုကျိုရဲ့ TOCOM မှာ နိုဝင်ဘာကန်ထရိုက်ရော်ဘာဈေးဟာ ၁.၆ ယန်းတက်ကာ ၁၈၆.၅ ယန်း($၁.၆၉)/ကီလိုဂရမ်ဈေးနဲ့ ပိတ်သွားတယ်။

သို့ရာတွင် TOCOM ရော်ဘာဈေးဟာ ၁၈၄.၃ ယန်းဆိုတဲ့ ၂ လအတွင်း အနိမ့်ဆုံးဈေးဝန်းကျင်မှာ ရောင်းဝယ်နေကြဆဲ ပါ။ ဂျပန်နဲ့ အခြားရော်ဘာ အသုံးချတိုင်းပြည်တွေမှာ အရန်ရော်ဘာတွေ ပိုလျှံနေတာကြောင့်ပါပဲ။

" အရန်ရော်ဘာတွေက သိပ်များနေတော့ ဒီအခြေဆိုက်မှာ ရှင်းပါတယ်" လို့ ဂျပန်ကုန်သွယ်ရေး သတင်းရင်းမြစ်က ဆို တယ်။

ရှန်ဟိုင်းရဲ့ ShFE မှာ အနုတ်အသိမ်းအများဆုံး ကန်ထရိုက်လ စက်တင်ဘာရော်ဘာဈေးဟာ ၅ ယွမ်ကျပြီး ၁၁၄၀၀ ယွမ် ($၁၇၈၀)/တန်ဈေးနဲ့ ပိတ်သွားတယ်။

တိုကျို ကြိုရောင်း/ကြိုဝယ်ရော်ဘာဈေးဟာ ဗုဒ္ဓဟူးနေ့မှာ ၂ လနီးပါးအတွင်း အနိမ့်ဆုံးကို ရောက်သွားပြန်တယ်။ ရှန်ဟိုင်း အကျနောက် လိုက်ပါသွားတာပါ။ ထုတ်လုပ်မှုများနေသည့်အထဲ ရော်ဘာအသုံးချနိုင်ငံတွေမှာ အရန်ရော်ဘာတွေ များနေ တာကို စိုးရိမ်ကြတဲ့ အတွက်ကြောင့်ပါ။

တိုကျိုရဲ့ TOCOM ရော်ဘာဈေးကွက်ဟာ စောစောပိုင်းမှာ ယန်း ၁၈၀ ဈေးကိုရောက်ကာ ဧပြီ ၁၈ ကစတွက်ရင် နေ့ တွင်း အနိမ့်ဆုံးဈေးကို ရောက်သွားတယ်။ ရှန်ဟိုင်းရဲ့ ShFE မှာ အနုတ်အသိမ်းအများဆုံး စက်တင်ဘာကန်ထရိုက် ဈေး မှာ ယွမ် ၁၀၆၀၀ ($၁၆၅၅) ထိကျသွားပြီး ၂၀၁၆ ဇူလိုင်မှစလို့ နေ့တွင်းချင်း အနိမ့်ဆုံးဈေးကို ရောက်သွားတယ်။ ဈေးပိတ်တော့ ၁၀၈၃၅ ယွမ်/တန်ဈေးနဲ့ ပိတ်သွားတယ်။

" ဈေးကွက်တခုလုံးဟာ အင်ဒိုနီးရှား၊ မလေးရှားနဲ့ အခြားဆီက ရော်ဘာတွေနဲ့ လွှမ်းနေတယ်" လို့ ဂျပန် ကုန်သွယ်ရေး အရင်းအမြစ်က ဆိုတယ်။

တိုကျိုရဲ့ TOCOM မှာ နိုဝင်ဘာကန်ထရိုက်ဈေးဟာ ၅.၂ ယန်းကျပြီး ၁၈၁.၃ ယန်း($၁.၆၄)/ကီလိုဂရမ်နဲ့ ပိတ်သွားတယ်။ စောစောပိုင်းမှာ ဧပြီ ၁၈ ကစတွက်ရင် အနိမ့်ဆုံးဈေးဖြစ်တဲ့ ယန်း ၁၈၀ ဈေးကို ရောက်သွားသေးတယ်။ ဗုဒ္ဓဟူးနေ့ ကတော့ အကျကြမ်းတဲ့နေ့ပါပဲ။

ကြာသပတေးနေ့မှာလည်း ဆက်ကျပေမယ့် ဗုဒ္ဓဟူးနေ့ကလောက်တော့ မများတော့ပါ။

သောကြာနေ့ ဈေးပိတ်ချိန်မှာတော့ TOCOM မှာ အနည်းငယ်တက်ပြီး ShFE မှာ အနည်းငယ်ကျပါတယ်။

သတင်းအရ ShFE ကို ကိုင်တွယ်ဆောင်ရွက်နေသူတွေက Technically Specified Rubber (TSR)20 ကြိုရောင်း/ ကြိုဝယ် Future ကို သူတို့၏ Exchange မှာ စတင်ဆောင်ရွက်ပေးဘို့ သဘောတူလိုက်ပြီဖြစ်တယ်။ ကန်ထရိုက်ရဲ့ ပေါ်လစီတွေက TSR 20 လိုပဲ အသစ်စတင်တဲ့ ရှန်ဟိုင်း ရေနံစိမ်းရဲ့ ကြိုရောင်း/ကြိုဝယ် စည်းမျဉ်းစည်းကမ်းတွေ အတိုင်းပါပဲတဲ့။ ဆိုလိုတာက နိုင်ငံခြားမှ ရင်းနှီးမြှုပ်နှံသူတွေပါ ရောင်းဝယ်ခွင့်ပြုမှာဖြစ်တယ်လို့ ShFE ကပြောပါတယ်။ ဒါပေမယ့် စတင်မယ့် နေ့ကိုတော့ မကြေညာရသေးပါဘူး။ ရှန်ဟိုင်းရဲ့ ShFE မှာ လက်ရှိရောင်းဝယ်နေတဲ့ ရော်ဘာ အတန်းအစားတွေက ပြည်တွင်းမှ Sinochem Rubber (SCR WF ) နဲ့ ပြည်ပမှတင်သွင်းတဲ့ Ribbed Smoked Sheet (RSS 3) တို့ပါ။ အခု TSR 20 ကိုထပ်တိုးကုန်သွယ်ကြမယ်။

RSS 3 ကို တိုကျိုရဲ့ Tokyo Commodity Exchange (TOCOM) မှာလည်း ရောင်းဝယ်တယ်။ TSR 20 ကို အဓိက ရောင်းဝယ်နေတာက စင်္ကာပူ Exchange မှာပါ။

ညီသွေး

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...