ဆေးဘက်ဝင်တဲ့ တမာရွက်သုပ်လေးသုပ်စားကြရအောင်..

တမာဆိုတာနဲ့ “တမာရနံ့လေးသင်းသင်းမွှေးတဲ့ အညာမြေကို ပြန်သတိရနေတယ်” ဆိုတဲ့ သီချင်းစာသားလေးကို အမှတ်ရမိပြန်ပါသေးတယ်။ အညာနဲ့ တမာဆိုတာ ခွဲခြားပြီးမြင်လို့ ကောင်းတဲ့ အရာမျိုးမှ မဟုတ်တာနော်.......

တမာရွက်မှာ ဆေးဘက်ဝင် အာနိသင်တွေရှိတယ်ဆိုတာ လူအများစုက သိထားကြပါတယ်။ တမာရွက်ပြုတ်၊တမာရွက် ချဥ်ဖတ်ဆိုရင် တို့စရာအနေဖြင့်လည်း စားလေ့ရှိကြပါတယ်။ ဒါပေမဲ့ တမာရွက်ကို များများစားရင် အကြောတက်တယ်လို့ ရှေးလူကြီးတွေက ဆိုကြတာကြောင့် အလွန်အကျွံတော့ မစားသင့်ဘူးပေါ့နော်။ တမာရွက်က

(၁) ပိုးသတ်ပေးတဲ့ အာနိသင် ရှိပါတယ်။

(၂) ခန္ဓာကိုယ်မှာ ကပ်ငြိနေတဲ့ ပိုးမွှားတွေကို သေစေနိုင်ပါတယ်။

(၃) ပြတ်ရှရာနဲ့ အနာတွေကို အမြန် သက်သာစေပါတယ်။

(၄) အရေပြားအနာတွေအတွက်လည်း ဆေးစွမ်းကောင်းတစ်လက်ပါ။

(၅) မီးလောင်ဒဏ်ရာကို အမြန်သက်သာစေပါတယ်။

(၆) ဆံပင်သား ကျန်းမာစေပါတယ်။

(၇) ကြွက်သားနဲ့ အဆစ်တွေ နာကျင်မှုကို သက်သာစေပါတယ်။

(၈) အစာခြေစနစ်ကို ကောင်းမွန်စေပါတယ်။

(၉) သန်ကောင်တွေကို ကင်းစင်စေပါတယ်။

(၁၀) သွေးသန့်စင်စေပါတယ်။

(၁၁) သွေးတွင်း သကြားဓာတ်ကို ထိန်းပေးနိုင်ပါတယ်။

(၁၂) ခုခံစွမ်းအားစနစ်ကို ကောင်းမွန်စေတယ် စတဲ့ကောင်းကျိုးတွေများစွာရှိနေပါတယ်။

ကျွန်မတို့တွေက တမာဆိုရင် တမာချဥ်ကိုပဲ အများအားဖြင့်စားကြတာမို့ အပြောင်းအလဲလေးဖြစ်ရအောင် တမာရွက်ချဥ်စပ်သုပ် နည်းလေးကို ပြောပြပေးပါမယ်။

ပါဝင်ပစ္စည်းများ

တမာရွက်..................၃စည်း

ကြက်သွန်နီ................၁လုံး

ခရမ်းချဉ်သီး..............၁လုံး

ကြက်သွန်ဖြူ..............၃တက်

ငရုတ်သီးစိမ်း.. ...........၅တောင့်

ပုစွန်ခြောက်မှုန့်...........၁ဇွန်း

မြေပဲထောင်း..............၁ဇွန်း

နံနံပင်………...................အနည်းငယ် 

ဆား………………….အနည်းငယ်

ဟင်းခတ်မှုန့်……….အနည်းငယ် နှင့်

သံပုရာရည်……………အနည်းငယ်တို့ လိုအပ်ပါတယ် ။

တမာရွက်သုပ်မယ်ဆိုရင် စျေးတွေထဲက အချဉ်သပ်ပြီးသား တမာကို ရွေးပြီးဝယ်ရပါမယ်။ အခုလိုအချိန်မှာ တမာဖူး၊ တမာညွှန့်တွေ လှိုင်လှိုင်ပေါနေပါပြီ။

၁။တမာချဉ်လေးတွေကို ရေစင်အောင် အထပ်ထပ်ဆေးပါ။ နုတဲ့အညွန့်အဖူးလေးတွေကို ရွေးချယ်သန့်စင်ယူပြီး ရေစစ်ထားကာ ခပ်နုပ်နုပ်လေးလှီးထားပါ။

၂။ကြက်သွန်နီ၊ကြက်သွန်ဖြူ ၊ ခရမ်းချဉ်သီး၊ငရုတ်သီးစိမ်း ၊နံနံပင်တွေကို  ပါးပါးလှီးပါ။

၃။ပြီးလျှင် ဇလုံတစ်ခုအတွင်းမှာ ပါဝင်ပစ္စည်းအားလုံးကို ရောထည့်ပါ။

၄။မြေပဲထောင်း၊ ပုစွန်ခြောက်မှုန့် ၊ဆား၊ဟင်းခတ်မှုန့်၊သံပုရာရည်ညှစ်ထည့်ပြီး ခပ်ဖွဖွလေးနယ်ပါ။ နယ်ပြီးပါက ပန်းကန်တစ်ခုထဲထည့်ပြီး သုံးဆောင်လို့ရပါပြီ။ 

တမာရွက်ရဲ့ခါးသက်တဲ့အရသာကို မပျက်စေဘဲ ချို၊ချဉ်၊စိမ့်တဲ့အရသာအသစ်လေးကို ရစေတာမို့ ပြုလုပ်စားကြည့်ကြပါနော်။

မှီငြမ်း-ဟင်းချက်နည်းများ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more