ကိုယ်အလေးချိန်ထိန်းပေးပြီး နုပျိုလှပစေမယ့် ပင်မှည့်သီး

22/02/2022 12:00 PM တွင် နှင်းဖြူဖြူ နှင်းဖြူဖြူ မှ ရေးသား

နွေရာသီရောက်ခါနီးပြီဆိုတော့ ချိုချိုချဉ်ချဉ်အရသာရှိတဲ့ ပင်မှည့်သီးဖျော်ရည်လေးတွေကို တောင့်တရ မယ့်အချိန် ရောက်လာတော့မှာပါ..။ 

ပင်မှည့်သီးကို ဒီအတိုင်းလည်းစားကြသလို အများအားဖြင့်တော့ ဖျော်ရည်ဖျော်သောက်လေ့ ရှိကြ ပါတယ်။ သူ့အရသာက ချိုချိုချဉ်ချဉ်မွှေးမွှေးလေးနဲ့မို့ ခံတွင်းရှင်းပြီး အမောပြေစေတာ အမှန်ပါ။ 

ပင်မှည့်သီးတစ်ခွက်မှာ အဆီ ၁.၆ ဂရမ်၊ ပရိုတင်း ၅.၂ ဂရမ်၊ ကာဗိုဟိုက်ဒြိတ် ၅၅ ဂရမ်၊ ဗီတာမင်စီ၊ ဗီတာမင်အေ၊ ပိုတက်စီယမ်၊ သံဓာတ်နဲ့ အမျှင်ဓာတ် အများအပြား ပါဝင်ကြပါတယ်။

 ဆိုတော့ ပင်မှည့်သီးပင်ရဲ့ ကျန်းမာရေးကောင်းကျိုးတွေကို လေ့လာကြည့်ကြရအောင်.....

၁။ သွေးတိုးကျစေပါတယ်

ပင်မှည့်သီး ဖျော်ရည်၊ အဓိကအားဖြင့် ပင်မှည့်ရွက်မှာ အယ်လ်ကာလွိုက်(Alkaloid)တွေ ပါဝင်ပြီး သွေးတိုးကျတာအပြင် စိတ်ငြိမ်သက်တာ၊ ကြွက်တက်မှု လျော့ကျတာ စတဲ့ အာနိသင်တွေ ရှိပါ တယ်။ ဒါကြောင့် ပင်မှည့်ရွက်ကို တိုင်းပြည်အများစုမှာ ဆေးဝါးအဖြစ် အသုံးပြုကြပါတယ်။

၂။ စိတ်တည်ငြိမ်စေတယ်

ပင်မှည့်ပင်က ပွင့်တဲ့ပန်းဟာ စိတ်ငြိမ်စေတဲ့ အာနိသင် အနည်းငယ်ရှိပြီး အိပ်မောကျစေပါတယ်။ ပင်မှည့်ပန်းဟာ နာ့ဗ်ကြော အလုပ်လုပ်လွန်တဲ့ ရောဂါကုသမှုမှာ အသုံးဝင်ပြီး အလွယ်တကူ စိတ်လှုပ်ရှားလွယ်တဲ့ ကလေးတွေကို ကုသရာမှာ သုံးလေ့ ရှိပါတယ်။ဒါ့အပြင် အစာအိမ်အူလမ်းကြောင်း ဝေဒနာနဲ့ သွေးဆုံးဝေဒနာတွေကို ကုသရာမှာ အသုံးဝင်သလို စိတ်အာရုံ ခြောက်ခြားမှုကိုလည်း အတန်အသင့် သက်သာစေတယ်လို့ ယုံကြည်ကြပါတယ်။

၃။ကင်ဆာဆဲလ်တွေကို သေစေနိုင်တယ်

ပင်မှည့်သီး အဝါရောင်က ထုတ်ထားတဲ့ အနှစ်ဟာ ကင်ဆာ ဆဲလ်တွေကို သေစေ နိုင်တယ်လို့ ဖလော်ရီဒါတက္ကသိုလ်မှ လေ့လာသူတွေက တွေ့ရှိခဲ့ပါတယ်။ ပင်မှည့်သီးမှာ ပါတဲ့ ဖိုင်တိုကမ်မီကယ်လ် တွေက ကာရိုတီးနွိုက်နဲ့ ပိုလီဖီနောတို့ ဖြစ်ကြပြီး ကင်ဆာဆန့်ကျင်တဲ့ အာနိသင်တွေရှိကြပါတယ်။

၄။ပန်းနာရင်ကျပ်ရောဂါကို သက်သာစေတယ်

ပညာရှင်များ၏ သုတေသနပြုချက်အရ ခရမ်းရောင်ပင်မှည့်သီးအနှစ်ကို စားပေးတာဟာ ပန်းနာ ရင်ကျပ် လက္ခဏာတွေကို လျော့ကျစေတယ်လို့ သိရပါတယ်။ခရမ်းရောင်ပင်မှည့်သီး အနှစ်ကိုစားတဲ့ ပန်းနာရင်ကျပ်လူနာ ၄၂ ဦးကို လေ့လာခဲ့ရာ ချွဲသလိပ်သံနဲ့ အသက်ရှူရာနှုန်း ၇၅ ရာခိုင်နှုန်း လျော့ကျ ခဲ့တာကို တွေ့ရပါတယ်။

၅။ နှလုံးရောဂါကို ကာကွယ်ပေးတယ်

ပင်မှည့်သီးမှာပါတဲ့ အင်တီအောက်ဆီးဒင့်(Antioxidants) ဟာ ကျွန်မတို့ရဲ့ခန္ဓာကိုယ်ကို နှလုံး ရောဂါနဲ့ ကင်ဆာတို့မှ ကာကွယ်ပေးနိုင်ပါတယ်။

၆။ ကိုယ်ခံစွမ်းအားစနစ်ကို ကောင်းမွန်စေတယ် 

ပင်မှည့်သီးမှာပါဝင်တဲ့ ဗီတာမင်စီက ကိုယ်ခံစွမ်းအားစနစ်ကို ကောင်းမွန်စေပြီး ထိခိုက်ဒဏ်ရာ တွေ ရခဲ့ရင် အနာကျက်နှုန်း ကောင်းအောင် ကူညီနိုင်ပါတယ်။

၇။ အမြင်အာရုံကို ကောင်းမွန်စေတယ်

ပင်မှည့်သီးမှာပါတဲ့ ဗီတာမင်အေဟာ ကူးစက်ပိုးတွေကို တွန်းလှန်နိုင်သလို အမြင်အာရုံကိုလည်း ကောင်းစေပါတယ်။ ဒါ့အပြင် ကင်ဆာနဲ့ နှလုံးရောဂါမဖြစ်အောင် ကာကွယ်ပေးနိုင်ပါတယ်။

၈။ အဆစ်ရောင်ဝေဒနာကို သက်သာစေတယ်

ပင်မှည့်သီးမှာပါတဲ့ ပိုတက်စီယမ်က ကိုယ်တွင်း အရည်စနစ်ကို မျှတအောင် ထိန်းပေးနိုင်တဲ့ ဓာတ်ဆားတစ်မျိုးဖြစ်ပြီးတော့ တစ်နေ့တာလိုအပ်တဲ့ ပမာဏရရှိတဲ့အတွက် သွေးတိုးကျစေပြီး ကြွက်သားတွေကို စွမ်းအင်တိုးစေကာ အဆစ်ရောင်ဝေဒနာကို သက်သာစေပါတယ်။

၉။ နှစ်နှစ်ခြိုက်ခြိုက် အိပ်ပျော်စေတယ်

ပင်မှည့်သီးမှာပါတဲ့ သံဓာတ်ဟာ စွမ်းအင်အဆင့်ကို တိုးစေပြီး ကောင်းကောင်းအိပ်မောကျစေ ကာ ကိုယ်ခံစွမ်းအား စနစ်ကို တိုးတက် စေပါတယ်။ ဒါ့အပြင် သွေးထဲကို အောက်ဆီဂျင် ရောက်ရှိမှု ကောင်းမွန် စေပါတယ်။

၁၀။ဝမ်းမချုပ်အောင် ကာကွယ်ပေးတယ်

ပင်မှည့်သီးမှာ ပါတဲ့ အမျှင်ဓာတ်ဟာ ဝမ်းမချုပ်အောင် ကာကွယ်ပေးပြီး သွေးတွင်းမကောင်းတဲ့ ကိုလက်စထရောနဲ့ သွေးတွင်းအဆီပိုတွေကို လျော့ကျစေပါတယ်။

၁၁။ သက်လုံကောင်းစေတယ် 

ပင်မှည့်သီးမှာ ကာဗိုဟိုက်ဒြိတ်နဲ့ ရိုးရိုး သကြားဓာတ်ပါဝင်မှုမြင့်မားတာကြောင့် အားကစား သမားတွေတွေကို သက်လုံကောင်းစေဖို့ ကူညီပေးတာတွေ့ရပါတယ်။ 

ပင်မှည့်သီး ဖျော်ရည်ကို ပုံမှန်သောက်ပေးရင် ကိုယ်အလေးချိန်ကို ထိန်းသိမ်းပေးနိုင်ပြီး မျက်နှာလေးကို နုပျိုလှပစေမှာဖြစ်ပါတယ်။ ဒါ့အပြင် ပင်မှည့်သီးအစေ့မှာ အမျှင်ဓာတ်များစွာ ပါဝင်တာ ကြောင့် အိပ်ရာမဝင်ခင် ပင်မှည့်သီးဖျော်ရည်သောက်ပေးရင် နှစ်ခြိုက်စွာပါ အိပ်မောကျစေနိုင်ပါတယ်။

     ကဲ ဒါဆို .. နွေရာသီကျရင် ပင်မှည့်သီးဖျော်ရည်လေးသောက်ပြီး အမောအပန်းပြေနိုင်ကြပါစေနော်။

ရေးသားသူ-ပင်လယ်ပြာ(ငါးဦးစီး)

မှီငြမ်း-ကျန်းမာရေးဂျာနယ်များ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

 


Natural Cure Co.,Ltd ကြော်ငြာ

ရာသီဥတုဒဏ်၊ ပိုးမွှားက ဖျက်တဲ့ဒဏ်ကိုခံနေရတဲ့ စိုက်ခင်းထဲကသီးနှံများ” တောင်သူဦးကြီးများရဲ့ စိုက်ခင်းထဲက ရတနာလေးလိုတန်ဖိုးထားအဖိုးတန်သော သီးနှံတွေဟာ ရာသီဥတုဒဏ်၊ ပိုးမွှားများဒဏ်ခံနေရပြီဆိုပါက NPK ကိုအချိုးကျကျပေါင်းစပ်ထားသော NC ကွန်ပေါင်းဓာတ်မြေသြဇာ 15:15:15 က တောင်သူကြီးတို့ရဲ့ သီးနှံများကိုရောဂါကင်းပြီး ရွှေလိုဝင်းစေမှာပါ အပင်တွေကြီးထွားဖို့အတွက် လိုအပ်တဲ့ ပရိုတင်း နှင့် အင်(မ်)ဇိုင်းဓာတ်တွေကို အပြည့်အဝ အထောက်အကူပြုပေးတဲ့ နိုက်ထရိုဂျင် ( N ) အသီးအပင်တွေကို အာဟာရကြွယ်ဝစေပြီး၊ မြေဆီလွှာဆဲလ်တွေ ပျက်စီး မှုကို ထိန်းသိမ်းပေးတဲ့ ဖော့စ်ဖရပ် (P2 O5) အရည်ဓာတ်ကို ပြည့်ဝစေပြီး အသီးအပင်တွေကို သန်မာလာစေတဲ့ ပိုတက်ဆီယမ် ( K2 O ) အပင်တွေကို ကြီးထွားဖို့ရန်အတွက် လိုအပ်တဲ့ ပရိုတင်း ၊ အင်(မ်)ဇိုင်း ၊ ဗီတာမင် နဲ့ အစိမ်းရောင် အပင်တွေအတွက် များစွာအကျိုးပြုတဲ့ ဓာတ်တွေများစွာပါဝင်သော ဆာလဖာ ( S ) တို့ကို အချိုးကျကျပေါင်းစပ်ထားလို့ တောင်သူဦးကြီးတို့ရဲ့ ပြဿနာများကို ဖြေရှင်းပေးဖို့ NC(အန်စီ) ကွန်ပေါင်း ဓာတ်မြေသြဇာ 15:15:15 ‌ရောက်ရှိလို့ လာပါပြီ ကျွန်တော်တို့ရဲ့ ကုန်ပစ္စည်းများကို အမြို့မြို့အနယ်နယ်ရှိ သက်ဆိုင်ရာ ကိုယ်စားလှယ်ကြီးများထံတွင်လည်း ဝယ်ယူရရှိနိုင်ပါသည်။ ထုတ်ကုန်များအကြောင်းအသေးစိတ်သိရှိလိုပါက 09 255 361 088 သို့ ဆက်သွယ်စုံစမ်းမေးမြန်းနိုင်ပါတယ်ခင်ဗျာ။
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်