အစိမ်းရောင်လမ်းမိုးဦးကာလအကုန်ရက် ဇွန်လ ၃၀ ရက်အထိတော့ မိုးရွာတာက မပြတ်နိုင်ပါဘူး။ အနောက်တောင်မုတ်သုံလေ အားကောင်းနေဆဲမို လေပြင်း ရံဖန်ရံခါတိုက်နေတာလဲ ရှိပါမယ်။ လတ်တလော အချိန်မှာ ထန်းတပင်နဲ့ ပဲခူးတိုင်းအနောက်ခြမ်းက လက်ပံတန်းမှာ မိုးအနည်းငယ်ရွာပြီး တိမ်တွေထူနေပါတယ်။ (Weather Station)
ရန်ကုန် ကမာရွတ်က အထပ်မြင့် station မှာ လေတိုက်နှုန်းအမြင့်ဆုံး တစ်နာရီ မိုင် ၂၀ကျော် ရှိနေပါတယ်။
ပဲခူးတိုင်းအရှေ့ခြမ်းမှာ မိုးက ဆက်များနေဦးမှာပါ။ အခု လိုင်းပေါ်မှာ တက်လာတဲ့သတင်းတွေအရ တောင်ငူ၊ ဆူးတက်ရွာလယ်၊ ကျောင်းတံတားနဲ့လက်ခုတ်ကုန်းတံတား ရုက်တရက်ရေတိုးပြီး ကျိုးသွားပါတယ် ရေကတော့ လျှပ်တပြက်ရေကြီးခြင်းမျိုးလို့ သိရပါတယ်။ (Flash Flood) ..
တအိအိနဲ့ တက်လာနေမဲ့ စစ်တောင်းမြစ်ကို သတိထားစောင့်ကြည့်ကြရပါဦးမယ်။
HIMAWARI ဂြိုဟ်တုပုံမှာတော့ မြန်မာပြည်အလယ်ပိုင်းဒေသတွေနဲ့ ရှမ်းပြည်နယ်ဘက်မှာ တိမ်ဖြစ်ထွန်းမှုအခြေအနေက အတော်ကို ပါးပါးပါပဲ။ ဆိုတော့ လာမယ့် ၄ ရက်အတွင်း အနိမ့်ဆုံး အပူချိန် ၂၄ မှ အမြင့်ဆုံး ၃၀ ဒီဂရီစင်တီဂရိတ်ရှိပြီး စိုထိုင်းစ ၉၀ % အထက်မှာရှိနေနိုင်မှာမို့ ပဲခူးတိုင်းအရှေ့ခြမ်းရှိ မိုးစပါးစိုက်တောင်သူများ စပါးရွက်လိပ်အိမ်ပိုး၊ စပါးကျောက်ဆူးပိုး/ လောင်မီးပိုးနဲ့ စပါးကြက်သွန်မြိတ်ပိုးတို့ကို သတိထားကြဖို့အတွက် အစိမ်းရောင်လမ်းကနေ သတိပေးလိုက်ရပါတယ်ရှင်။
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
Farm Link Co.,Ltd ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}