ပိုးတား ပိုးနှင် ခရမ်းချဉ်

မြန်မာဟင်းလျာများတွင် မရှိမဖြစ် မီးဖိုချောင်သုံး သီးနှံပင်ဖြစ်သည်။ မြန်မာပြည်အထက်ပိုင်းနှင့် ရှမ်းပြည်နယ်တွင် အကြီးအကျယ်စိုက်ပျိုးကြသည်။ ခရမ်းချဉ်တွင် ခြုံပုတ်အမျိုးအစားနှင့် နွယ်ပင်အမျိုး အစားဟု နှစ်မျိုးရှိရာ ခြုံပုတ်အမျိုးအစားခရမ်းချဉ်ကို ပိုးသတ်ဆေးအဖြစ် အသုံးပြုသင့်သည်။

အသုံးပြုနိုင်သော အစိတ်အပိုင်း - အရွက်၊ ပင်စည်။

စွမ်းအင်သတ္တိ - တွန်းကန်ဆေး (Repellent) ပိုးကောင်များ ဥမအုစေရန် တားဆီးသည်။

နှိမ်နင်းနိုင်သော ပိုးများ - ဂေါ်ဖီထုပ်လိပ်ပြာ၊ စိန်ကွက်ဖလံ။

အသုံးပြုနည်း

အသီးခူးပြီးသော ခရမ်းချဉ်တစ်ပင်လုံးကို တောက်တောင်စင်းပြီး ရေနွေးဆတူနှင့် (၅) နာရီကြာ စိမ် ထားပါ။ ထို့နောက် ပိတ်စပါးဖြင့် စစ်ချ ညှစ်ယူပြီး ဂေါ်ဖီထုပ်၊ ပန်းဂေါ်ဖီပင်များတွင် ပက်ဖျန်းခြင်းဖြင့် ဂေါ်ဖီထုပ်လိပ်ပြာ၊ စိန်ကွက်ဖလံများကို တားဆီးကာကွယ်နိုင်သည်။ အထူးသဖြင့် လိပ်ပြာဖလံ အကောင်ကြီးဖြစ်ပြီး ဥများအုကာနီးအချိန်တွင် ပက်ဖျန်းပေးခြင်းဖြင့် အပင်ပေါ်တွင် ဥများအုခြင်းကို ကာကွယ်ပေးသည်။

အပင်အခြေခံပိုးသတ်ဆေးများ ပြုလုပ်သုံးစွဲခြင်းစာအုပ်မှ ကောက်နှုတ်ဖော်ပြပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။