ဈေးကွက်ဝင် အရည်အသွေးကောင်း၊ အထွက်ကောင်း ရေဆင်း ၉ ပဲစင်းငုံမျိုးသစ် ရှာဖွေတွေ့ရှိ

ပဲစင်းငုံ သီးနှံသည် ပြည်ပပို့ကုန် ဈေးကွက်၀င် သီးနှံဖြစ်သည့်အပြင် တောင်သူများ ၀င်ငွေတိုး တက်စေကာ အာဟာရပြည့် သီးနှံ ဖြစ်ရုံသာမက တစ်ပင်လုံး အစိတ်အပိုင်းများကို ပြန်လည် အသုံးပြုနိုင်သည့် သီးနှံ (Zero Waste Crop) ဖြစ်သောကြောင့် ကျယ်ကျယ်ပြန့်ပြန့် တိုးချဲ့ စိုက်ပျိုးသင့်သည့် သီးနှံဖြစ်သည်။

စိုက်ပျိုးရေး သုတေသနဦးစီးဌာန (DAR) ရေဆင်းရှိ ပဲမျိုးစုံ သီးနှံ သုတေသန ဌာနစု တာ၀န်ခံ ဒေါ်မြတ်ဦးနွယ်နွယ်နှင့် သုတေသနအရာရှိ ဒေါ်ခင်ပပအေးတို့ ဦးဆောင်၍ သုတေသန လက်ထောက် -၃ ဒေါ်ပြည့်ဖြိုးသီ ပါ၀င်သော သုတေသန ပညာရှင် အဖွဲ့က ဈေးကွက်၀င် အရည်အသွေးကောင်း၊ အထွက် ကောင်း၊ အလားအလာကောင်းသည့် ပဲစင်းငုံ မျိုးသစ် ရရှိရန်အတွက် ၂၀၁၃ -၂၀၁၄ ခုနှစ်မှစတင်ကာ ဒေသမျိုးများ စု ဆောင်းခြင်း၊ မျိုးကွဲများ စမ်းသပ် စိုက်ပျိုးလေ့လာခြင်း၊ ကြိုက်နှစ်သက်သည့် လက္ခဏ ပါ သည့် ရွေး ချယ် လေ့လာခြင်း၊ ဒေသ အသီးသီးရှိ သုတေသနခြံများ( မကွေး၊ ညောင်ဦး၊ မြင်းခြံ၊ ပခုက္ကူ ၊ အောင်ပန်း)တွင် စမ်းသပ်စိုက်ပျိုးခြင်း ၊ စံပြကွက်များအား မုံရွာ ၊ ရမည်းသင်း ၊ မြင်းခြံ ၊ ပခုက္ကူ နှင့် အောင်ပန်း စသည့်ဒေသများတွင် စိုက်ပျိုး၍ တောင်သူများအား မျိုးရွေးချယ် စေခြင်းစသည့် သုတေသနလုပ်ငန်း အဆင့်ဆင့်ကို ဆောင်ရွက်ခဲ့ရာ ၂၀၁၈ - ၂၀၁၉ ခုနှစ်တွင် ရေဆင်း -၉ ပဲစင်းငုံ မျိုးသစ်အဖြစ် ထုတ်လုပ်နိုင်ခဲ့ပြီ ဖြစ်သည်။

ရေဆင်း -၉ ပဲစင်းငုံမျိုး၏ အရည်အသွေး လက္ခဏာများမှာ (၁) တောင်ပေါ်မြေပြန့် ဒေသမရွေး စိက် ပျိုးနိုင်သည့် သက်လတ်မျိုး ဖြစ်ခြင်း၊ (၂) အပင်ပုံ သဏ္ဍာန်မှာ ပင်ဖြန့်ဖြစ်ခြင်း၊(၃) တစ်ပင်ပါ သီးတောင့်များခြင်း၊ (၄) အစေ့အရောင်လှခြင်း၊ (၅) တစ်ဧကအထွက် ကောင်းခြင်းစသည့် တို့ဖြစ်သည်။

တောင်ပေါ်မြေပြန့် ဒေသမရွေး စိုက်ပျိုးနိုင်သည့် ဈေးကွက်၀င်၊ အရည်အသွေးကောင်း အထွက်နှုန်း ကောင်းသည့် အဆိုပါ ရေဆင်း -၉ ပဲစင်းငုံ မျိုးသစ်ကို မျိုးစေ့ကျွမ်းကျင်မှု ဆိုင်ရာ ကော်မတီ( TSC ) တွင် မျိုး သစ်အဖြစ် မှတ်ပုံတင် သွားမည်ဖြစ်ပြီး တောင်သူများ စီးပွားဖြစ် စိုက်ပျိုးထုတ်လုပ်နိုင်ရန်အတွက် မျိုးပွားများ သွားမည်ဖြစ်ကြောင်း သတင်းရရှိသည်။

စိုက်ပျိုးရေးဦးစီးဌာန

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။