ရိတ်သိမ်းလွန် နည်းပညာသင်တန်း ကိုရီးယား ပညာရှင်များ မန္တလေး တွင် ဖွင့်မည်

မြန်မာတောင်သူ လယ်သမားများအတွက် တောင်ကိုရီးယားနိုင်ငံမှ စိုက်ပျိုးရေးပညာရှင်များကိုယ်တိုင် သင်ကြားပို့ချပေးမည့် ရိတ်သိမ်းချိန်လွန် နည်းပညာသင်တန်းကျောင်းကို မန္တလေးတိုင်းဒေသကြီးတွင် လာမည့်မတ်လ အတွင်း ဖွင့်လှစ်မည်ဖြစ်ကြောင်း တိုင်းဒေသ ကြီးအစိုးရအဖွဲ့မှ သိရသည်။
မန္တလေးမြို့တော်၏ စိုက်ပျိုးရေးလုပ်ငန်း ခွင်တွင် ထင်ရှားကျော်ကြားသည့် ပုသိမ်ကြီး မြို့နယ်ရှိ မန္တလေး-ပြင်ဦးလွင်ကားလမ်းဘေး ထုံးဘိုကျေးရွာ၊ ထုံးဘိုဥယျာဉ်ခြံတွင် ဖွင့်လှစ်မည့် အဆိုပါသင်တန်းကျောင်းကို ကိုရီးယား
အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ(koica) ၏ အကူအညီဖြင့် တည် ဆောက်ခြင်းဖြစ်ကြောင်း မန္တလေးတိုင်းဒေသ ကြီးအစိုးရအဖွဲ့၊ စိုက်ပျိုးရေးနှင့် မွေးမြူရေး ဝန်ကြီး ဦးမြင့်သန်းက ပြောသည်။

“စိုက်ပျိုးရေးနည်းပညာနဲ့ ပတ်သက်ပြီး မျိုးသန့်ထုတ်လုပ်မူ နည်းစနစ်ပိုင်းနဲ့ ကုန်စည် တွေ value added (တန်ဖိုးမြှင့်) ပြုလုပ်တဲ့ နည်းပညာတွေကို ကိုရီးယားနိုင်ငံက ပညာရှင် တွေလာသင်ပြမှာဖြစ်တယ်”ဟု ၎င်းက ပြော သည်။

ထိုရိတ်သိမ်းချိန်လွန် သင်တန်းကျောင်းသည် မြန်မာနိုင်ငံအထက်ပိုင်းတွင် ပထမဆုံး ဖွင့်လှစ်မည့် သင်တန်းကျောင်းဖြစ်သည့်အပြင် သင်တန်းကျောင်းတွင် ဓာတ်ခွဲခန်းငယ်များ လည်း ပါဝင်မည်ဖြစ်သည်။
“သင်တန်းကျောင်းထဲမှာ လိုအပ်တဲ့ ဓာတ်ခွဲခန်း စက်ကိရိယာတွေကို တပ်ဆင်ပြီး တာနဲ့ လာမယ့်မတ်လကုန်လောက်ဆိုရင် ဖွင့်လှစ် အသုံးပြုနိုင်တော့မှာ ဖြစ်တယ်။ မြန်မာနိုင်ငံအထက်ပိုင်းဒေသအတွက်ဆိုရင် ပထမ ဦးဆုံး ရိတ်သိမ်းလွန် သင်တန်းကျောင်းဖြစ်ပြီး အဓိကကတော့ မျိုးကောင်း၊ မျိုးသန့်တွေ ရရှိစေ ဖို့နဲ့ သီးနှံတွေကို ကြာရှည်ခံအောင်
ထားနိုင်တဲ့ နည်းပညာတွေကို တောင်သူတွေအတွက် လက်တွေ့ သင်ကြားပို့ချပေးနိုင်မှာဖြစ်လို့ တောင်သူတွေအတွက် များစွာအကျိုးရှိစေမှာဖြစ်သလိုစိုက်ပျိုးရေးကဏ္ဍ မြှင့်တင်ရေးလုပ်ငန်းအတွက် အထောက်အကူ ပြုစေမှာဖြစ်ပါတယ်”ဟု ဦးမြင့်သန်းက ပြောသည်။

အဆိုပါ သင်တန်းကျောင်းတွင် ကိုရီး ယားပညာရှင်များသည် မျိုးသန့်သီးနှံ ထုတ်လုပ်မှုနည်းပညာများ၊ ထုတ်လုပ်ပုံနည်းစနစ်များကို သင်ကြားပေးခြင်း၊ အဆင်မြင့်ထုတ်ကုန် ထုတ်လုပ်ခြင်းနည်းပညာများ၊ ပိုးမွှားကာကွယ် နည်းများကို သင်ကြားပေးခြင်းနှင့် မျိုးစိတ်ပိုင်းဆိုင်ရာ လိုအပ်ချက်၊
မြေဆီ၊ မြေသြဇာပိုင်းဆိုင်ရာ လိုအပ်ချက်များကို စစ်ဆေးနိုင်သော စက်များကို အသုံးပြုတတ်ရန်လည်း သင်ကြား ပေးမည်ဖြစ်သည်။

မြန်မာတောင်သူဦးကြီးများအတွက် လို အပ်ချက်ဖြစ်သော ရိတ်သိမ်းချိန်လွန်နည်းပညာ ကိုလည်း အဓိကသင်ကြားပေးမည့်အပြင် သီးနှံ
များအတွင်း ကျရောက်သော ဖျက်ပိုးများ အကြောင်းနှင့် ကာကွယ်မှုနည်းလမ်းများ၊စိုက်ပျိုးချိန်မှစတင်ကာ ရိတ်သိမ်းချိန်အထိ ထိန်း
သိမ်းဆောင်ရွက်ရမည့် နည်းလမ်းတို့ကို သက်ဆိုင်ရာ စိုက်ပျိုးရေး ပညာရှင်များက သင်ကြားပေးမည်ဖြစ်ကာ သင်တန်းတက် ရောက် သင်ကြားလိုသည့် တောင်သူလယ် သမားများ၊စိုက်ပျိုးရေးလုပ်ကိုင်သူများနှင့်
စိတ်ဝင်စားသူများ တက်ရောက်သင်ကြားနိုင်ရန် ဆောင်ရွက်ပေးသွား မည်ဖြစ်ကြောင်း သိရသည်။

မြန်မာနိုင်ငံအတွက် စိုက်ပျိုးရေးနည်း ပညာရှင်များအား လက်ဆင့်ကမ်းသင်ကြားပေး မှုများပြည့်စုံသွားပါက ကိုရီးယားပညာရှင် များက ဆက်လက်သင်ကြားပေးတော့မည် မဟုတ်ဘဲ မြန်မာပညာရှင် များကသာ ပြန်လည်သင်ကြားနိုင်ရန် လွှဲအပ်ပေးသွားမည်ဟုလည်း သိရသည်။

- ကျော်သူရမျိုး
အတွဲ(၆) အမှတ်(၈၄) မြန်မာတောင်သူကြီးများဂျာနယ်
http://thefarmermedia.com

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...