ယမ်းစိမ်းမြေသြဇာနှင့် စိုက်ပျိုးရေး အပိုင်း (2)

(င) ယမ်းစိမ်းမြေသြဇာနဲ့ သီးနှံပင် ရေအသုံးချစွမ်းရည်

• ယမ်းစိမ်းမြေသြဇာထဲမှာ ပါဝင်တဲ့ နိုက်ထရိုဂျင်အာဟာရဟာ အမိုနီယမ်မြေသြဇာများမှာပါတဲ့ နိုက်ထရိုဂျင်ဓါတ်နဲ့ ဓါတုဖွဲ့စည်းပုံ (Chemical structure) မတူညီပါ။ ယမ်းစိမ်းနိုက်ထရိုဂျင်ဟာ သီးနှံပင်ရဲ့ ရေအသုံးချစွမ်းရည်ကို 100 % ပိုမိုကောင်းစေပါတယ်။

• ဒါအပြင် ယမ်းစိမ်းမှာပါတဲ့ ပိုတက်စီယမ်ကြောင့် သီးနှံပင်မှ ရေဓါတ်ဆုံးရှုံးမှု့ကို လျော့နည်းစေပါတယ်။ အကြောင်းရင်းကတော့ အပင်မှာပါတဲ့ အပေါက်ငယ်လေးများရဲ့ လေရှုပေါက် (Stoma) အပိတ်အဖွင့်စည်းချက်ဟာ ပိုတက်စီယမ်နဲ့ များစွာ စပ်ဆက်နေတာကြောင့် ဖြစ်ပါတယ်။

• အမြစ်များ ရေစုပ်စွမ်းရည်ကိုလည်း ကောင်းစေပါတယ်။ ဆားပေါက်မြေများမှာ ယမ်းစိမ်းမြေသြဇာသုံးပါက ရေသွင်းရေထုတ်လုပ်ရန်မလိုဘဲ ဆားဒဏ်ပြသနာကို ဖြေရှင်းနိုင်တာမို့ ရေအခက်အခဲရှိတဲ့နေရာများမှာ သွင်းရေပမာဏကို လျော့ချနိုင်ပါတယ်။

(စ) စိုက်ပျိုးမြေရဲ့ ဂုဏ်သတ္တိကို တိုးတက်စေ

• သီးနှံပင်အမြစ်များတဝိုက် pH ခေါ် မြေချဉ်ငံဓာတ်ကို တိုးလာစေပါတယ်။ ဒါကြောင့် အက်ဆစ်မြေများမှာ အချဉ်ဓာတ်ကို လျော့ကျစေပါတယ်။

• ယမ်းစိမ်းမြေသြဇာဟာ မြေရဲ့ ဖော့စရပ်နဲ့ အနည်းလိုအာဟာရဓာတ်များ ထုတ်ပေးနိုင်စွမ်းကိုလည်း အားပေးပါတယ်။ မြေအတွင်း ကာဘောက်ဇလစ်အက်ဆစ်လို့ခေါ်တဲ့ အော်ဂဲနစ်အက်ဆစ်များ ဖြစ်ပေါ်စေခြင်းနဲ့ အမြစ်အတွင်းမှ မြစ်စစ်ထုတ်ရည်များ (Root exudate) များ ပိုမို ထွက်ရှိစေခြင်းကြောင့် အပင်မှ မရနိုင်ဘဲ မြေဆီလွှာအတွင်းကပ်ညှိကာ ပိတ်မိနေသော ဖော့စ်ဖရပ်စ်နဲ့ အနည်းလိုအာဟာရဓာတ်များ ဖော်ပြပါ အော်ဂဲနစ်အက်ဆစ်များအတွင်း ပျော်ဝင်လာစေခြင်းဖြင့် သီးနှံပင်ဖော့စ်ဖရပ် စုပ်ယူအသုံးချမှုကို ကောင်းစေပါတယ်။

(ဆ) အသုံးပြုရလွယ်

• ရေမှာ အလွယ်တကူပျော်ဝင်တဲ့အတွက် သွင်းရေနဲ့အတူ မြေသြဇာကျွေးခြင်း (fertigation) နဲ့ ရွက်ဖျန်းမြေသြဇာရည်များ(foliar) မိမိဖာသာ လွယ်ကူစွာ ဖော်စပ်နိုင်ပါတယ်။

• အရည်ပုံစံအနေနဲ့ တည်ရှိနိုင်သော်လည်း အလွယ်တကူ ခဲသွားခြင်း၊ ပြင်ပမှ ရေငွေ့စုပ်ယူခြင်းများ မရှိပါ။

• အခြားမြေသြဇာများနဲ့လည်း တွဲစပ်သုံးလျှင် သဟဇာတဖြစ်နိုင်ပါတယ်။ ဓာတ်ပြုပြိုကွဲခြင်း၊ အာနိသင် ပျက်ပြယ်ခြင်း အလွယ်တကူမဖြစ်ပါ။

• အရည်ဖျော်စပ်ကာ ဖျန်းပက်သုံးရာတွင်လဲ နော်ဇယ်ခေါင်းများ ပိတ်ဆို့ခြင်းမဖြစ်ပါ။ မိမိနှစ်သက်ရာ အပင်ကြီးထွားဟော်မုန်းများ၊ အားဆေးများနဲ့ မိမိနှစ်သက်သလိုအတွဲအစပ်နဲ့ သုံးနိုင်ပါတယ်။

• ယမ်းစိမ်းမြေသြဇာမှာ နိုက်ထရိုဂျင်ဓါတ်ပါဝင်ဖွဲ့စည်းထားသော်လည်း အငွေ့ပျံခြင်းမရှိပါ။ ကြဲပက် ပြီးနောက် မြေထဲသို့ ချက်ခြင်းရောက်စေရန် အလျင်စလိုထွန်ယက်ပေးခြင်း၊ မြေဖုံးပေးခြင်းများ လုပ်ရန်မလိုပါ။

Haifa, 2009. Haifa leaflet „Multi K -Your potassium of choice“, 2009. ကို ဆီလျော်အောင် ဘာသာပြန်ဆိုပါတယ်။

မေတ္တာဖြင့်

ရီဆွေအေး (2008)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...