ဘူး၊ ဖရုံ၊ သခွား၊ ဖရဲ မျိုးနွယ်တွေမှာကျရောက်တဲ့ ဖားဥမှိုရောဂါ (Powdery Mildew)

    ဖားဥမှိုရောဂါက ဘူး၊ ဖရုံမျိုးနွယ်ဝင်လို့ခေါ်တဲ့ ဘူး၊ ဖရုံ၊ သခွား ၊ သခွားမွှေး၊ ဖရဲ၊ ခဝဲ တို့မှာအဓိကကျရောက်တတ်ပြီး ခရမ်းမျိုးနွယ်ဝင်၊ ပဲမျိုးနွယ်ဝင်တွေမှာလည်း ကျရောက်တတ်ပါသေးတယ်။ ဖားဥမှိုရောဂါကျရောက်ရင် အရွက်တွေမှာ ပေါင်ဒါမှုန့်ဖြူးထားသလိုဖြစ်စေပြီး အရွက်တွေသေသွားကာ အသီးအရည်အသွေးညံ့၍ အထွက်နှုန်းကို ထိခိုက်စေနိုင်ပါတယ်။

ဖားဥမှိုရောဂါလက္ခာဏာများ

- ရောဂါဖြစ်ခါစမှာဆိုရင် အရွက်တွေမှာ အဝါဖျော့ရောင် အစက်ပြောက်လေးတွေ ပေါ်လာပါမယ်။

- တဖြည်းဖြည်းနဲ့ အရွက်တွေရဲ့ အပေါ်နဲ့အောက်မျက်နှာပြင်နှစ်ခုစလုံးမှာ အဖြူရောင်အစက်ပြောက်ကလေးတွေပေါ်လာမယ်။ ရောဂါရင့်လာတဲ့အခါမှာတော့ အရွက်တစ်ခုလုံးအဖြူရောင်အကွက်ကြီးဖြစ်သွားပြီး ရွက်ညှာ၊ ရိုးတံတွေပါ အဖြူရောင်ဖြစ်သွားစေပါတယ်။

- တချို့အရွက်တွေက အဝါရောင်ပြောင်းကာ တွန့်လိမ်ခြောက်သွေ့နေတတ်ပါတယ်။

- ဖားဥမှိုရောဂါက အရွက်တွေကို အဓိကတိုက်ခိုက်တာဖြစ်လို့ အပင်ကအားနည်းလာပြီး အသီးတွေ အရွယ်မရောက်ခင် ရင့်မှည့်နေစေပါတယ်။ 

ရောဂါဖြစ်စေတတ်သော အခြေအနေများ

- ဖားဥမှိုရောဂါက ပူအိုက်စိုစွတ်တဲ့အခြေအနေကို ကြိုက်နှစ်သက်ပြီး ရောဂါစတင်ဖြစ်ပွားကာ ခြောက်သွေ့သွားတဲ့အချိန်မှာတော့ မှိုမျှင်တွေဖွဲ့စည်းသွားပြီး ရောဂါပျံ့နှံစေပါတယ်။

- ရောဂါလက္ခဏာက နွေအလယ်ပိုင်းနဲ့ မိုးဦးပိုင်းတွေမှာ စတင်ပေါ်လာပြီး ရင့်တဲ့အရွက်တွေမှာ အရင်ဖြစ်စေပါတယ်။ မှိုစပိုးတွေက လေဖြင့်ပျံ့လွင့်နိုင်တဲ့ မှိုရောဂါတစ်မျိုးပါ။

- ကြိုက်နှစ်သက်တဲ့ ပတ်ဝန်းကျင်အခြေနေမှာဆိုရင် ရောဂါလျှင်မြန်စွာပျံ့နှံစေပြီး အရွက်အားလုံးကို ကူးစက်သွားစေပါတယ်။

- ဘူး၊ ဖရုံမျိုးနွယ်ဝင်တွေမှာ ပေါင်းပင်တွေထူထပ်နေရင်၊ အရိပ်ကျနေရင်၊ မြေဩဇာကျွေးတာများရင် ဒီဖားဥမှိုရောဂါ ကျရောက်စေတတ်ပါတယ်။

    ဖားဥမှိုရောဂါကျရောက်ပြီဆိုရင် အရွက်ပေါ်မှာ အဖြူကွက်ကြီးဖြစ်ပြီးခြောက်သွားမယ်၊ အသီးတွေ အရွယ်မရောက်ခင်မှည့်စေပြီး အရည်သွေးညံ့ကာ အထွက်နှုန်းကို များစွာထိခိုက်စေပါတယ်။

ကာကွယ်နှမ်နင်းနည်းလမ်းများ

- ခံနိုင်ရည်ရှိတဲ့မျိုးကို ရွေးစိုက်ပေးသင့်ပါတယ်။

- နိုက်ထရိုဂျင်ပါတဲ့ မြေဩဇာ အလွန်အကျွံခြင်းကို ရှောင်ကျဉ်ရပါမယ်။

- အဓိကကတော့ ပေါင်းမြက်တွေကို ပုံမှန်ရှင်းပေးပြီး အပင်တွေကို လေဝင်လေထွက်ကောင်းအောင်၊ နေရောင်ရအောင် လုပ်ပေးရပါမယ်။

- အရွက်တွေပေါ်မှာ အစက်ပြောက်ကလေးတွေ စတွေ့ပြီဆိုရင် ဆာလ်ဖာပါတဲ့မှိုသတ်ဆေးတွေကို အရွက်ရဲ့အပေါ်နဲ့ အောက်မျက်နှာပြင်တွေကို ဖြန်းပေးသင့်ပါတယ်။

- ဆာလ်ဖာ( Sulphur)၊ ကလိုရိုသာလိုနေး(Chlorothalonil)၊ သိုင်အိုဖနိတ်မီသိုင်း(Thiophanate)၊ ကာဗန်ဒိုင်ဇင်(Carbendazim) စသောဆေးတစ်မျိုးမျိုးကို အညွှန်းစာအတိုင်းဖြန်းပေးသင့်ပါတယ်။

Ref; https://extension.umn.edu/diseases/powdery-mildew-cucurbits

https://www.gardeningknowhow.com/plant-problems/disease/treating-powdery-mildew-on-cucurbits.htm

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more