စပါးစိုက်တောင်သူများ ဖြုတ်ညိုပိုးကို သတိပြုပါ..

ဒီတပတ် ကွင်းဆင်းကြည့်ရာမှာတော့ ရွက်လိပ်ရွက်ကပ်ပိုး၊ ရွက်လိပ်အိမ်ပိုးနှင့် ဖြုတ်ညို ကျရောက်တာတွေ တွေ့ခဲ့ရပါတယ်။

ဖြုတ်ညိုကို အထူးဂရုစိုက်ပေးကြပါ။ 

တောင်သူက ကွင်းကိုစစ်တဲ့အခါ ကန်သင်းပေါ်ကပဲ ကြည့်ကြတာ များပါတယ်။

ဖြုတ်လောင်တာမြင်မှ ဖြုတ်ကျမှန်းသိရင် အဲဒီအပင်တွေအတွက်တော့ မမီတော့ပါဘူး၊ ဆက်မပြန့်အောင်ပဲ တတ်နိုင်ပါတော့မယ်။

ဆိုတော့ ..

၁။ ဖြုတ်ကျတာ သိသိချင်း ရေကို ထုတ်ပါ။

၂။ နိုက်ထရိုဂျင်ဓါတ်မြေဩဇာကို အကြိမ်ကြိမ် ခွဲကျွေးပါ။

၃။ ဆက်တိုက်စိုက်မည့် စပါးရာသီ၊ နောင်နှစ်စပါးရာသီမှာ တစ်ကွင်းတစ်စပ်တည်းရှိတဲ့ လယ်များနဲ့ စိုက်ချိန်ကွာခြားမှု ၃-ပတ်ထက် မများပါစေနဲ့။

၄။ နိုက်တီပိုင်ရမ် တစ်မျိုးတည်းဆို ထိရောက်မှု နည်းပါမယ်။ နိုက်တီပိုင်ရမ်+ပိုင်မီထရိုဇင်း ထိရောက်မှုရှိပါတယ်။ 

• ကလိုသိုင်ရာနီဒင်+ပိုင်မီထရိုဇင်း
• ဖစ်ပရိုနေးလ်+ဘူဖရိုဖစ်ဇင်
• သောက်ရာမီသောက်ဇန်
• ဒိုင်နိုတီဖျူရမ်+ပိုင်မီထရိုဇင်း
• ထရိုင်ဖလူမီဇိုပိုင်ရင် (ပစ်စလွန်) စသည့် ပိုးသတ်ဆေးများ သုံးနိုင်ပါတယ်။

ရေဘေးသင့်ဒေသတွေကို ကူညီအားပေးရင်း အခြား‌‌ဒေသတွေကလည်း စားနပ်ရိက္ခာများ မယုတ်လျော့ကြအောင် လုပ်ဆောင်ကြပါစို့။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။