မိုးနည်း/ မိုးများကို ပြသတဲ့ မီလီမီတာ (သို့) လက်မ

မီလီမီတာ(သို့မဟုတ်) လက်မဘယ်လောက်များများရွာတဲ့မိုးကို မိုးများတယ်/ရေပါတယ်/မိုးသည်းထန်တယ်လို့ ခေါ်သလဲ?

အဲ့သလိုမေးသူတွေ များပါတယ်။

မေးသင့်တဲ့ မေးခွန်းပါပဲ။

ဘာကြောင့်လဲဆိုတော့ မိုးရေချိန် လက်မဘယ်လောက်ရွာတာ၊ မီလီမီတာဘယ်လောက်ရွာတာလို့ ဘယ်လိုပဲပြောပြော အဲ့ဒါက မိုးများမှာလား/ မိုးနည်းမှာလားဆိုတာကိုဘဲ သိချင်သူ/သိသူ/နားလည်သူကပိုများတာကြောင့်ဖြစ်ပါတယ်။

မိုးနည်းတာလား၊ မိုးများတာလားဆိုတာကို -

မိုးရွာချလိုက်တဲ့ မိုးရေပမာဏ (တစ်နာရီအတွင်းမှာ မိုးရေချိန်ဘယ်လောက်) ဆိုတာနဲ့ မိုးရွာတဲ့ဧရိယာအကျယ်အဝန်း(၁ ကီလိုမီတာ ပတ်လည်လား ၁ မိုင် ပတ်လည်လား)ဆိုတာတွေပေါ်မူတည်ပြီး ရှင်းပြပေးမှဖြစ်ပါမယ်။

တစ်နာရီအတွင်း ၇.၆ မီလီမီတာ (၀.၃၀ လက်မ) သို့မဟုတ် တစ်နာရီအတွင်း ၁၀ မီလီမီတာမှ ၅၀ မီလီမီတာ(၀.၃၉ လက်မ မှ ၂ လက်မအထိ) ရွာတဲ့မိုးကို မိုးများတယ်လို့ ကမ္ဘာ့မိုးလေဝဌာနတော်တော်များများက သတ်မှတ်ကြတာတွေ့ရပါတယ်။

မိုးအလွန်များတယ်လို့ ခေါ်ရလောက်တဲ့ မိုးရွာသွန်းမှုအခြေအနေကိုတော့ တစ်နာရီအတွင်း မီလီမီတာ ၅၀ (၂ လက်မ)ထက် များရင် မိုးအလွန်များတယ်လို့ သတ်မှတ်ပါတယ်။

တစ်နှစ်အတွက် မိုးရေချိန် ၁၅၀၀ မီလီမီတာအထက်များနေရင်တော့ အဲ့ဒီဒေသအတွက် တစ်နှစ်အတွင်းရွာသွန်းတဲ့မိုးရေချိန်က များတယ်လို့ သတ်မှတ်ကြောင်းလည်း မှတ်ထားရပါမယ်။

၁ မီလီမီတာ မိုးရေချိန် ၁ နာရီ ကြာအောင်ရွာတယ် ဆိုပါစို့။ ဒီမိုးက ၁ စတုရန်းမီတာ အကျယ်အဝန်းတိုင်းအတွက် ၁ လီတာ မိုးရေရွာသွန်းတာဖြစ်ပြီး၊ ၁ ဟက်တာ(၀.၀၁ စတုရန်းကီလိုမီတာ သို့မဟုတ် ၂. ၄၇၁ ဧက) အကျယ်အဝန်းအတွက် မိုးရေ လီတာ ၁၀,၀၀၀ ရွာသွန်းတယ်လို့ တွက်ချက်ရယူနိုင်ပါတယ်။ မိုးရွာသွန်းတဲ့အချိန်နဲ့ ဧရိယာကျယ်ပြန့်လေလေ ရွာသွန်းလိုက်တဲ့မိုးရေပမာဏက များလေလေပါဘဲ။

ဒီကနေ့ ကျနော်တို့ မြင်နေရတဲ့ ရေသန့်ဗူးတွေက ၁ လီတာဗူး၊ ၅ လီတာဗူး၊ လီတာ ၂၀ ဗူး စသည်ဖြင့် ပြောလိုက်ရင် အထဲမှာ ရေဘယ်လောက်ပါတယ်ဆိုတာ မျက်စိထဲမြင်ခန့်မှန်းမိကြပါပြီ။ မိုးရေချိန်ကို မီလီမီတာနဲ့ဖော်ပြပြီး ၁ စတုရန်းမီတာအတွင်းရွာလိုက်တဲ့ မိုးရေပမာဏကို လီတာနဲ့ တွက်ချက်လိုက်ရင် - "ရွာလိုက်တဲ့မိုးရေပမာဏက မြင်နေကျရေသန့်ဗူးဘယ်နှစ်ဗူးစာတောင် ရှိတာပါလား" ဆိုတာ မျက်စိထဲမှာရှင်းရှင်းမြင်ကြည့်၊ ခန့်မှန်းကြည့်နိုင်ပါလိမ့်မယ်။ ဒါကြောင့် မိုးရေချိန် လက်မ အစား မီလီမီတာနဲ့ ဖော်ပြပေးတာကို ကျနော်က ပိုပြီးသဘောတွေ့တာပါ။

မိတ်ဆွေများကတော့ လက်မနဲ့မှ သဘောကျတာဆိုရင်လဲ ကိုယ့်သဘောပါ မီလီမီတာကို လက်မပြောင်းချင်ရင်တော့ ၂၅.၄ နဲ့သာ စားလိုက်ပါ။

** လက်မ = မီလီမီတာ ÷ ၂၅.၄ **

တောင်သူများအလုပ်လုပ်နေကြတဲ့ လယ်ကွင်းတွေမှာ မိုးရေချိန်ဘယ်လောက်ရွာတယ်သိချင်ရင် မိုးရေချိန်တိုင်းတာတဲ့ ပစ္စည်းကိရိယာကို ၁.၂၅ လီတာဖြစ်စေ၊ ၂.၅ လီတာဖြစ်စေ၊ ၃ လီတာဖြစ်စေ အချိုရည်ဗူးကြီးတစ်ဗူးကိုဖြတ်ပြီး ကိုယ်တိုင်လုပ်ယူလို့ ရပါတယ်။ မိုးလေဝသဌာနကြီးတွေက သုံးတဲ့ မိုးရေချိန်တိုင်းကိရိယာတွေလောက် မတိကျပေမဲ့ အကြမ်းဖျင်းတော့ မိုးနည်းတာလား၊ များတာလား ကိုယ်တိုင်သိရပါလိမ့်မယ်။

ခွက်အကျယ်ဘယ်အတိုင်းအတာနဲ့ sample ယူရလဲ?

NOAA ရဲ့ စံ မိုးရေချိန်တိုင်းခွက်အဝက ၁၂.၅ စင်တီမီတာ(၄.၉၂ လက်မ)ရှိပါတယ်။ စံခွက်တွေရဲ့ အကျယ်ကတော့ ဆိုဒ်အမျိုးမျိုးပါပဲ။

ဒီနေရာမှာ တစ်ခုနားလည်ထားရမှာက မိုးရေချိန်တိုင်းခွက်က မိုးရေပမာဏကို တိုင်းတာမဟုတ်၊ ခွက်ထဲမှာ စုဆောင်းမိတဲ့ မိုးရေရဲ့ အမြင့်ကို တိုင်းတာတယ်ဆိုတာပါ။ ပြောချင်တာက ခွက်ကြီးရင် မိုးရေပိုများမယ် ခွက်သေးရင်နည်းမယ်၊ ခွက်ထဲမှာ စုဆောင်းရရှိတဲ့ မိုးရေရဲ့ အမြင့်ကတော့ ခွက်ကြီးကြီး သေးသေး အတူတူပါဘဲလို့ ပြောချင်တာပါ။

တစ်ခုတော့ ရှိပါတယ်၊ အဝကျဉ်းလေ မိုးရေချိန်အမြင့်က ပိုပြီး တိကျမှုရှိလေလို့ ဆိုပါတယ်။

အဲ့ဒီတော့ ၅ လက်မ အကျယ်ခန့်နဲ့ အမြင့် လက်မ ၃၀ လောက်ဆိုရင် အဆင်ပြေပါတယ်။ အချိုရည်ဗူးနဲ့ လုပ်တဲ့ DIY မိုးရေချိန်တိုင်းကိရိယာမှာလဲ အတူတူပါပဲ၊ အရေးကြီးတာက မိုးရေခံမဲ့ ခွက်/ဗူး ကို ငြိမ်နေအောင် ထားဖို့ပါ။

ဦးဝင်းနိုင်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...