ရော်ဘာစိုက်တောင်သူများအား ပက်စတာလိုသိရော့စစ်ရွက်ကြွေရောဂါအကြောင်း အသိပေးတင်ပြခြင်း

ရော်ဘာစိုက်ခင်းများ၊ ပျိုးခင်းများကိုထိခိုက်သည့် Pestalotiopasis ၁၉၇၅ ခုနှစ်တွင် မလေးရှားနိုင်ငံတွင် စတင်တွေ့ရှိခဲ့ပြီး ၂၀၁၇ ခုနှစ်၊ နိုဝင်ဘာလတွင် ရောဂါကျမှု ပြင်းထန်ကာ ( outbreak ) ပြီးယနေ့ကာလတွင် ကမ္ဘာ့ရော်ဘာထုတ်လုပ်မှု အများဆုံးဖြစ်သော ထိုင်းနှင့် အင်ဒိုနီးရှား အပါအဝင် အိန္တိယ၊သီရိင်္လကာ၊ မလေးရှားစသည့် နိုင်ငံ (၆) နိုင်ငံတွင် ရောဂါကျရောက်လျက်ရှိပါသည်။ရော်ဘာပျိုးခင်း၊ ကိုင်းပွားခင်းနှင့်စိုက်ထိန်းပင်နှင့် အပင်ကြီးများ တွင်လည်း ကျရောက်လျက်ရှိပါသည်။ အင်ဒိုနီးရှားနိုင်ငံတွင် ၂၀၁၆ ခုနှစ်၌ စတင်တွေ့ရှိရပြီး ၂၀-၄၅ % ခန့် အထွက်ကျဆင်းသည်ကို တွေ့ရှိရပါသည်။ မလေးရှားနိုင်ငံ တွင် စတင်တွေ့ရှိရပြီးရောဂါကြောင့်၉၀ % ရွက်ကြွေမှုရှိသည်ကို တွေ့ရပါသည်။

ထိုင်းနိုင်ငံတွင် ၂၁၀၉ ခုနှစ် စက်တင်ဘာလတွင် Narathiwat ပြည်နယ်တွင် ရောဂါ ပြင်းထန်စွာ စတင်ဖြစ်ပွား လာပါသည်။ရွက်ကြွေခြင်းတွင် Pestalotiopsis မှိုအပြင် Colletotrichum မှိုပါပူးတွဲကျရောက် သည်ကို ဖော်ပြထားပါသည်။ ထိုင်းနိုင်ငံ Narathiwat ပြည်နယ်တွင် မြန်မာနိုင်ငံ၏ ရော်ဘာ စိုက်ပျိုးမှု အများဆုံးဖြစ်သော တနင်္သာရီတိုင်း၊ မွန်ပြည်နယ်နှင့် နီးကပ်စွာ တည်ရှိနေသည့် အတွက် အထူးအလေးထားရမည့် ရောဂါဖြစ်ပါသည်။

မြန်မာနိုင်ငံနှင့် ဆက်စပ်လျက်ရှိသော မလေးရှားနိုင်ငံတွင် ၂၀၁၇ ခုနှစ်တွင် စတင်တွေ့ရှိရပြီး ရောဂါကြောင့် ၉၀% ရွက်ကြွေမှုရှိသည်ကို တွေ့ရပါသည်။ မလေးရှားနိုင်ငံတွင် ၂၀၁၇ မှ ၂၀၁၉ တွင် ပြုလုပ်သော ရောဂါကျရောက်မှု စစ်တမ်းအရ ရော်ဘာမျိုးများ၏ ရောဂါပြင်းထန်မှုကုကိ ဖော်ပြထားပါသည်။ တောင်ပေါ်နှင့်မြေပြန့် ကို လိုက်၍ ရောဂါပြင်းထန်မှုမှာ အနည်းငယ်ကွာခြားနိုင်ပါသည်။

ထိုသို့ပြင်းထန်စွာကျရောက်တတ်သော ရောဂါဖြစ်သဖြင့် မြန်မာနိုင်ငံတဝှမ်းရှိ ရော်ဘာ စိုက်ခင်းများသို့ ကူးစက်ခြင်းမရှိရန်အတွက် စိုက်ပျိုးရေးဦးစီးဌာန၊ သီးနှံကာကွယ်ရေးဌာနခွဲ၏ ၂၅.၁၁.၂၀၁၉ ရက်စွဲပါစာအမှတ်၊PPD- ၀၁/၂၀၁၉ (၆၈၁) ဖြင့် နှိုးဆော်စာများထုတ်ပြန်ပြီး ကာကွယ်ရေးနှင့်ပညာပေးရေးလုပ်ငန်းများကို ဆောင်ရွက်လျက်ရှိပါသည်။ ထို့အတူ နှစ်ရှည်သီးနှံဌာနခွဲနှင့် ပြည်နယ်တိုင်းဒေသကြီးများ ပူးပေါင်းလျက် Pestalotiopsis leaf fall (ပက်စတာလိုသိရော့စစ်ရွက် ကြွေရောဂါ) မှိုရောဂါကျရောက်မှုနှင့်ပတ်သက်၍ အသိပညာပေး ဆွေးနွေးမည့် အစီအစဉ်များကို အောက်ပါနေ့ရက်များတွင် ဆောင်ရွက်သွားမည်ဖြစ်ပြီး သက်ဆိုင်ရာဒေသရှိ ရော်ဘာစိုက်ပျိုးသူ တောင်သူများ နှင့် မြို့နယ်စိုက်ပျိုးရေးဦးစီးဌာန တာဝန်ရှိသူများ တက်ရောက်ဆွေးနွေးနိုင်ရန် စီစဉ်ဆောင်ရွက်ထားရှိပါသည်။

တိုင်းဒေသကြီး/ပြည်နယ်များတွင် Pestalotiopsis leaf fall(ပက်စတာလိုသိရော့စစ် ရွက်ကြွေရောဂါ) မှိုရောဂါကျရောက်မှုနှင့် ပတ်သက်၍ အသိပညာပေး ဆွေးနွေးပွဲများ ကို အောက်ပါအစီအစဉ်အတိုင်း ဆောင်ရွက်ပေးသွားမည်ဖြစ်ပြီး ကျန်ရှိသည့် ရော်ဘာစိုက်ပျိုးရာ ဒေသများအတွက် အသိပညာပေး ဆွေးနွေးပွဲများ ဆက်လက်ဆောင်ရွက်ရန် စီစဉ်ထားရှိ ကြောင်း စိုက်ပျိုးရေးဦးစီးဌာနက သတင်းရရှိပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...