ငါးခုံးမကြီးငါး သားဖောက်နည်း

09/03/2022 13:00 PM တွင် နှင်းဖြူဖြူ နှင်းဖြူဖြူ မှ ရေးသား

 ကြီးထွားနှုန်းကောင်းပြီး အစာမရွေးဘဲ သားဖောက်ရ လွယ်ကူတဲ့ ငါးခုံးမကြီးငါးက ၁နှစ်သားမှာ အရွယ်ရောက်ပါတယ်။ အလေးချိန် (ဝ.၅- ၁) ကီလိုဂရမ် (သို့) (၃၀-၆၀ ကျပ်သား) ရှိတဲ့ အမတွေက ဥချသားဖောက်ဖို့ အကောင်းဆုံးဖြစ်ပြီးတော့ မျိုးငါးတွေကို ပုံမှန်အစာကျွေးပြုစုပါက မျိုးပွားကာလ တစ်ရာသီမှာ မျိုးငါးတွေကို ၂ကြိမ် (သို့) ၃ကြိမ် သားဖောက်နိုင်ပါတယ်။ သားဖောက်ရန် အကောင်းဆုံးကာလကတော့ မတ်လမှ စက်တင်ဘာလထိ ဘဲဖြစ်ပါတယ်။

 

သားဖောက်ခြင်း

          သားဖောက်ရာမှာ သဘာဝနည်း (သို့) ဆေးထိုးသားဖောက်နည်းနဲ့ ဖောက်နိုင်ပါတယ်။ သဘာဝနည်းနဲ့ သားဖောက်ရာမှာ မျိုးရင့်မှည့်တဲ့ မျိုးငါးအထီး၊ အမတွေကို  မိတ်လိုက်ကန်အတွင်း ထည့်သွင်း၍ ရေသစ်သွင်းပြီး ရေရှင်ဖန်တီးပေးခြင်းဖြင့် မိတ်လိုက်ဥချ စေနိုင်ပါတယ်။

          မြေကန်၊ကွန်ကရိကန် နှင့် ပိုက်လှောင်အိမ် (ဟာပါ)များ အသုံးပြုနိုင်ပါတယ်။ အမ ၁ကောင်ကို အထီး၁ကောင်နှုန်း အချိုးနဲ့ ထည့်သွင်းသားဖောက်နိုင်ပါတယ်။

 

မျိုးပွားနှုန်းကောင်းတဲ့ ငါးရွေးချယ်ရာတွင် -

 

- အရွယ်ရောက်တဲ့ အထီးကို ဝမ်းဗိုက်မှ စအိုဖက်သို့ ဖြည်းညှင်းစွာညှစ်ကြည့်ပါက နို့နှစ်ရောင်မပျစ်မကြဲ မျိုးရည်များ ထွက်လာတာကို တွေ့ရပါမယ်။ 

 

- အမမျိုးငါး ပုံစံက ဝမ်းဗိုက်ပျော့ပြောင်းပြီး ပြန့်ကားနေရပါမယ်။ အမြီးအရင်းပိုင်း ကျယ်ပြန့်၍ လွယ်ကူစွာကွေးနိုင်၊ ဆန့်နိုင်ရပြီးတော့ မျိုးပွားအင်္ဂါပေါက်က အမြီးရင်းနဲ့ နီးကပ်စွာ တည်ရှိရပါမယ်။ 

 

- ရေအပူချိန်ပေါ်မူတည်၍ ဆေးထိုးပြီး ၄နာရီအကြာမှာ မိတ်လိုက်ဥချတတ်ပါတယ်။ မျိုးငါးအမ ၁ကီလိုအလေးချိန်မှာ ငါးဥ (၀.၅-၂)သိန်းအထိ ရရှိနိုင်ပါတယ်။

 

- သန္ဓေအောင်ဥတွေက အပူချိန် ၂၈ ဒီဂရီ စင်တီဂရိတ်မှ ၂၉ ဒီဂရီ စင်တီဂရိတ်မှာ စတင်သန္ဓေအောင်ပြီး ၁၂နာရီ ကျော်ရင် အကောင်ပေါက်ပါတယ်။

 

- အကောင်ပေါက်လာတဲ့ ငါးမှုန်တွေကို ဥနှစ်(Yolk Sac)  ကုန်တဲ့အထိ သားဖောက်ရုံမှာ ၃ရက်ကြာပြုစုပြီး မြေသားပြုစုကန် အတွင်းသို့ ထည့်သွင်းပြုစုရပါမယ်။

 

သားဖောက်ကန်အရွယ်အစား

 

    မြေကန်            -      ၆ပေ x ၄ပေ x ၄ပေ (တစ်ပိုင်တစ်နိုင်)

                                 -       ၅၀ပေ x ၂၅ပေ x ၄ပေ (တစ်ပိုင်တစ်နိုင်)

   ကွန်ကရစ်ကန်          -       ၃၀ပေ x ၂၇ပေ x ၃ပေ          

   ပိုက်လှောင်ကန်         -       ၆ပေ x ၃ပေ x ၃ပေ ရှိရပါမယ်။ 

 

 

ငါးမှုန်ပြုစုခြင်း

 

၁။ ငါးမှုန်ပြုစုကန်အနေနဲ့  ၁ဧကအကျယ်ရှိကန်အတွက် မြေအမျိုးအစားကိုလိုက်၍ ထုံး(၆၀-၃၀၀)ပိဿာ ထည့်သွင်းရပါမယ်။ သြဇာဓာတ်အဖြစ် နွားချေး၊ကြက်ချေး ၁ဧကမှာ ၁၅၀ တင်းနှုန်း ထည့်သွင်းပြီး သန့်ရှင်းတဲ့ရေကို နိုင်လွန်ဇာဖြင့် စစ်၍ ၃ပေခန့်ထည့်သွင်းပေးရပါမယ်။ ရေဖြည့်ပြီး ပိုးဆွဲပိုက်ဖြင့် အနည်းဆုံး ၃ကြိမ်ခန့် ရေပိုးများ ဆွဲပေးရန်လိုအပ်ပါတယ်။ ရေဖြည့်ပြီး ၁ပါတ်အကြာမှာတော့ ငါးမှုန်များ စတင်ထည့်သွင်းနိုင်ပြီးတော့ နံနက်စောစော ပိုင်းမှာ ထည့်သွင်းရင်တော့ အကောင်းဆုံးပဲ ဖြစ်ပါတယ်။

 

 

၂။ ငါးမှုန်တွေထည့်သွင်းပြီး ၃ရက်ကျော်ပါက ပဲဖတ်(သို့)ပဲပိစပ်ရည်ကို ကန်အနှံ့ ပတ်ဖျန်း ကျွေးပေး နိုင်ပါတယ်။ အစာ အဖြစ်ဖွဲနုကို ဇကာတိုက်(သို့)စပ်စာမှုန့် (ဖွဲနု၊ပဲဖတ်၊ငါးခြောက်မှုန့်) (၃း၁း၁) ကို တစ်နေ့(၂-၄) ကြိမ်ခန့်ခွဲ၍လည်း ကျွေးမွေးပေး နိုင်ပါတယ်။ အစာကို ခန္ဓာကိုယ်အလေးချိန်ရဲ့ (၃၀-၁၀)% ထိ ကျွေးမွေးနိုင်ပါတယ်။

 

၃။ သဘာဝအစာဖြစ်တဲ့ သတ္တမျှောလေး (Rotifer, Moina) ကို ဖောက်၍ ကျွေးမွေးပေးခြင်းဖြင့်လည်း ကြီးထွားနှုန်း ပိုမိုကောင်းမွန်စေပါတယ်။ ငါးမှုန်ပြုစုကာလ(၄၅)ရက် အကြာမှာ ငါးသန်အဆင့်ကို ရောက်ရှိမှာပဲဖြစ်ပါတယ်။

ရေးသားသူ- ပင်လယ်ပြာ(ငါးဦးစီး)

Ref; ငါးလုပ်ငန်းဦးစီးဌာန။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


PROBIO ကြော်ငြာ
ကြက်/ဝက် မွေးမြူရေးလုပ်ငန်းတွေမှာ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) များအစား၊ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) များကို ဘာကြောင့်အစားထိုး အသုံးပြုသင့်တာလဲ။ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) ဆိုတာကတော့ လူ၊ တိရစ္ဆာန်တွေမှာကပ်တွယ်ပြီး ကျန်းမာရေးကို အန္တရာယ်ပြုနိုင်တဲ့ အဏုဇီဝပိုးမွှားတွေကို ကြီးထွားပြန့်ပွားမှု့လျော့ကျအောင် ရှင်းလင်းသုတ်သင်ပေးတဲ့ ဆေးတစ်မျိုးဖြစ်ပြီး အထူးသဖြင့် မွေးမြူရေးကဏ္ဍမှာ ၇၀-၈၀% အထိ အသုံးပြုလျက်ရှိကြပါတယ်။ ကြက်မွေးမြူရေးကဏ္ဍမှာဆိုရင် အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေဟာ ကြက်တွေမှာဖြစ်ပွားတတ်တဲ့ အသက်ရှုလမ်းကြောင်းရောဂါ၊ အူလမ်းကြောင်းရောဂါ၊ အခြားသောဘက်တီးရီးယားများကြောင့်ဖြစ်တဲ့ ရောဂါတွေကိုကုသရာမှာ အလွန်ထိရောက်ပါတယ်။ သို့သော်ငြားလည်း ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေကိုအသုံးပြုတဲ့အခါ ဆေးမတိုးတော့တဲ့ အန္တရာယ်ရှိ အဏုဇီဝပိုးမွှားဗီဇပေါ်ထွက်လာနိုင်ပြီး ထိုမှတဆင့် အရေအတွက်အများအပြားအဖြစ်သို့ ပြန်လည်ပွားများလာကာ ပဋိဇီဝဆေးဆေးယဉ်ပါးမှု (𝐀𝐌𝐑) ကိုဦးတည်နိုင်စေပါတယ်။ ဒီနေရာမှာ အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေအစား အစားထိုးအသုံးပြုသင့်တဲ့ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) အကြောင်းကို ထပ်မံအကြံပြုဝေမျှပေးပါရစေ။ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ဆိုတာကတော့ မွေးမြူရေးတိရစ္ဆာန်တွေ ကျန်းမာရေးကောင်းမွန်စေဖို့အတွက် ရည်ရွယ်ပြီးထုတ်လုပ်ထားတဲ့ အကျိုးပြု အဏုဇီဝပိုးမွှားများဖြင့် ထုတ်လုပ်ထားတဲ့ဆေး (တနည်းအားဖြင့်) အစာ လို့လည်းဆိုနိုင်ပါတယ်။ ၂၀၀၂ ခုနစ်မှာ 𝐖𝐇𝐎 နဲ့ 𝐅𝐀𝐎 ကနေပြီးတော့မှ ပရိုဘိုင်အိုတစ်ဆိုတာ သက်ရှိအဏုဇီပိုးတွေပါဝင်သောဆေးဖြစ်ပြီး လုံလောက်တဲ့ ပမာဏ အထိ တိုက်ကျွေးမယ်ဆိုရင် ပဋိဇီဝဆေးတိုက်ကျွေးစရာမလိုပဲ မွေးမြူရေးတိရစ္ဆာန်တွေရဲ့ ကျန်းမာရေးကို ကောင်းမွန်စေကြောင်း အကြံပြုထားတာတွေရှိပါတယ်။ ဒါကြောင့် မွေးမြူရေးလုပ်ငန်းတွေမှာ အဆိုပါ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ကို ပဋိဇီဝဆေးဝါးများအစား၊ အစားထိုးအသုံးပြုခြင်းက အန္တရာယ်ရှိအဏုဇီဝပိုးမွှားတွေရဲ့ ဆေးယဉ်ပါးမှု (𝐀𝐌𝐑) ဖြစ်ပွားနိုင်ချေ ရာခိုင်နှုန်းကိုလျော့ချနိုင်ပြီး မွေးမြူရေးတိရစ္ဆာန်တွေရဲ့ဇီဝကမ္မဖြစ်စဉ်များကို အနှောက်အယှက်ပြုခြင်းမှ ကာကွယ်နိုင်မှာဖြစ်ပါတယ်။ "စာရေးသားသူဒေါက်တာညွန့်ရွှေ (မွေးမြူ/ဆေးကု) " Myanmar Innovative Life Sciences Co., Ltd မှ ထုတ်လုပ်ဖြန့်ချိပြီး မြန်မာ 𝐅𝐃𝐀 ၏ ခွင့်ပြုချက်လိုင်စင်နဲ့အညီ ပြည်တွင်း၌ထုတ်လုပ်ကာ မြန်မာနိုင်ငံမွေးမြူရေးလုပ်ငန်းရှင်များကို အဆင်သင့်ကူညီပေးမယ့် အရည်အသွေးမြင့် အစာလမ်းကြောင်းအားဖြည့်ဆေး PROBIO က အသင့်ရှိနေပါတယ်။ အခုပဲဒီလင့်မှာ ပြည့်စုံစွာဖောင်ဖြည့်ပြီးဆက်သွယ်လိုက်ပါ- https://tinyurl.com/MILS-PROBIO 𝐏𝐑𝐎𝐁𝐈𝐎 မှ မွေးမြူရေးဆိုင်ရာကျွမ်းကျင်ဝန်ထမ်းတွေကနေ တိုက်ရိုက်ဆက်သွယ်ပြီး အကူအညီပေးမှာဖြစ်ပါတယ်။ 𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ- အမှတ် (၁၆၅)၊ အောင်ဇေယျလမ်းသွယ် (၁) ၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။ Hotline: 09 263 709 553, 09 267 287 608, Email: enquiries@milsciences.com #MILS #PROBIO
Read more မွေးမြူရေး အကူအညီရယူရန် နှိပ်ပါ

ဆွေးနွေးချက်များ

ဆွေးနွေးရန်