ခွေးတောက် စိုက်ပျိုးနည်း

ခွေးတောက်ပင်သည် မြန်မာနိုင်ငံအနှံ့အပြားတွင် စိုက်ပျိုးဖြစ်ထွန်းနိုင်ပြီး သဲဆန်သောမြေမှာ ပိုမိုဖြစ်ထွန်းပါသည်။ အစေ့မှလည်း စိုက်ပျိုးနိုင်သလို ကိုင်းဖြတ်ပျိုးယူပြီးလည်း စိုက်ပျိုးနိုင်ပါသည်။

အစေ့မှပျိုးထောင်စိုက်ပျိုးခြင်း

ပျိုးစေ့များကို ရေ တစ်နာရီခန့်စိမ်ထားပါ။ သဲ (သို့) စက်ဖွဲပြာကို အရိပ်ကျသည့် နေရာတွင် ၂ ပေခန့် ဘောင်လုပ် ရေဝအောင်လောင်းထားပြီး မျိုးစေ့ကို ပါးပါးဖြူးပေးပါ။ ပြီးနောက် မြေမှုန့်ကို အစေ့လုံရုံလေးပက်ဖုံးပေးပါ။ ပျိုးဘောင်လေလုံအောင် ပလပ်စတစ် အကြည်စဖြင့်ဖုံးအုပ်ထားပေးပါ။ ၃ရက်ခန့်ကြာလျှင် အညှောင့်များပေါက်လာပါမည်။

အညှောင့်ပေါက်လာလည့် ခွေးတောက်မျိုးစေ့များကို အသင့်ပြုလုပ်ထားသည့် ၆x၈ လက်မ ပျိုးအိတ်ထဲသို့ ပြောင်းရွေ့ပေးပါ။ အစေ့ကို အိတ်အပေါ်ယံတွင် အသာချပြီး စက်ဖွဲပြာမရှိပါက သဲဖြင့် ဖုံးရုံဖုံးပေးပါ။

ခွေးတောက်မျိုး အညှောင့်ပေါက်ခါစကို ပျိုးအိတ်ထဲမထည့်မီ ရေကြိုတင်လောင်းထားပေးရပါမည်။ အပေါ်ယံမြေဖွဲပြာစိုရုံ ရေဖြန်းပေးပြီး အရိပ်တွင်ထားပါ။

နေ့စဉ် မြေအစိုအခြောက်ကိုကြည့်ပြီး ဆေးဖြန်းပုံးဖြင့် ရေမှုန်လေးဖျန်းပေးပါ။ အရိပ်ထဲတွင် ၃ ရက်ခန့်ထားပြီးပါက အပင်များ ပေါက်လာပါမည်။

အရွက်နှစ်ရွက်ခန့်ထွက်လာပါက နေရောင်အောက်သို့ ပြောင်းရွှေ့ပေးပါ။

အပင်အရွက် ၄-၅ ရွက်ခန့်ထွက်လာပါက အသင့်လုပ်ထားသော စိုက်ခင်းသို့ပြောင်းရွေ့စိုက်ပျိုးနိုင်ပါပြီ။

ကိုင်းဖြတ်ပျိုးယူစိုက်ပျိုးခြင်း

အဆစ်တစ်ဆစ်လျှင် တစ်ပင် ပျိုးယူနိုင်ပါသည်။ အဆစ်မှ အောက်သို့ ၅ လက်မခန့်အဆစ်တိုင်း ဖြတ်ယူစုဆောင်းပါ။

အဆစ်တစ်ခုစီပါသော ခွေးတောက်ကိုင်းများကို အသင့်ပြုလုပ်ထားသော ၆x၈ လက်မပျိုးအိတ်များကို ရေဝအောင် လောင်းပေးပါ။

ပျိုးအိတ်အလယ်တွင် ထမင်းစားသည့် တူချောင်းဖြင့် မြေကြီးကို ထိုးချကာအပေါက်ဖြစ်အောင်လုပ်ပြီး ဂွေးတောက်ကိုင်းကို အဆစ်ပါသည့်ဘက်ကို ၁ လက်မခန့်ဖော်ထားပြီး အရင်းဘက်ကို တူချောင်းဖြင့် အပေါက်ဖော်ထားသည့် နေရာတွင် ထိုးထည့်ကာ မြေပိုကြပ်အောင်ဖိထားပါ။

ခွေးတောက်ပျိုးကိုင်းထည့်ပြီးသည့် ပျိုးအိတ်ကို အရိပ်အောက်တွင်ထားပါ။

နေ့စဉ်မြေအခြောက်အစိုကိုကြည့်ပြီး ရေလိုသလောက်ဖြန်းပေးပါ။

၁၀ ရက်ခန့်အကြာတွင် ရွက်သစ်များထွက်လာပါမည်။ အမြစ်များက တစ်လခန့်မှထွက်လာပြီး ၄၅ ရက်ကျော်လျှင် မြေချစိုက်သင့်ပါသည်။

စိုက်ပျိုးနည်း

စိုက်ပျိုးမည့်ဘောင်တွေကို ၆ လက်မခန့်အမြင့်ထားပြီး တစ်ဘောင်နှင့်တစ်ဘောင် ၂ ပေခန့်ခွာရပါမည်။ တစ်ပင်နှင့်တစ်ပင်ကို ၁ ပေခန့်ခွာပြီး စိုက်ပျိုးပါ။

အပင်ပြုစုစောင့်ရှောက်ခြင်း

စိုက်ပျိုးပြီး တစ်လသားအရွယ်တွင် နွားချေး၊ ကြက်ချေး စတဲ့ မြေသြဇာတွေကို ကြွေးပေးရမည်။ ပေါင်းပင်များကိုလည်း ရှင်းလင်းပေးရမည်။ ပေါင်းမြက်များကို ရှင်းလင်းပေးခြင်းဖြင့် အညွှန့်များကို သန်မာစေပြီး ရောဂါပိုးကျရောက်မှုကိုလည်း ကာကွယ်နိုင်ပါတယ်။ ပျပိုး၊ ပိုးတုံးလုံး၊ ရွက်လိပ်ပိုးများ အများဆုံးကျရောက်ဖျက်ဆီးတတ်သည့်အတွက် ကင်းထောက်စစ်ဆေးပေးပါ။

ခူးဆွတ်ခြင်း

သုံးလသားအရွယ်မှာ အညွန့်များကို စတင်ခူးဆွတ်နိုင်ပါသည်။ အညွန့်ထွက်မှုကောင်းလျှင် ၃ ရက်တစ်ကြိမ် ခူးဆွတ်နိုင်တာလည်းဖြစ်နိုင်ပါသည်။ အညွန့်များများဖြစ်လာစေရန် ခူးသည့်နေရာတွင် သတိထားပေးရပါမည်။ အကယ်၍ ဖြတ်လိုက်သည့် ကိုင်းတွေက အပေါ်ကိုရောက်သွားမည်ဆိုလျှင် အညွန့်သိပ်မသန်တာမျိုးဖြစ်တတ်ပါသည်။ ခူးသည့်အချိန် အောက်ခြေမှာရှိတဲ့ နှစ်တက် သုံးတက်လောက်ကို ချန်ပြီး ညှပ်ပေးလျှင် အကိုင်းအခက်တွေ အများကြီး ထွက်လာပြီး အညွန့်များများရမည်ဖြစ်ပါသည်။

ခွေးတောက်ပင်ဟာ အခြားဟင်းသီးဟင်းရွက်များကဲ့သို့ အနုမစိတ်ပဲ အကြမ်းခံသော အပင်အမျိုးအစားဖြစ်သည့်အပြင် သုံးရက်တစ်ကြိမ် ခူးဆွတ်နိုင်တဲ့အတွက် ခွေးတောက်ပင်စိုက်ပျိုးခြင်းဖြင့် ဝင်ငွေများတိုးပွားနိုင်ကြပါစေ။

ကိုးကား- စိုက်ပျိုးရေးနှင့် အထွေထွေဗဟုသုတ

စိုက်ပျိုးရေး စွယ်စုံကျမ်း (မြန်မာ)

- Mizzima

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...