စီးပွားဖြစ်စျေးကွက်ဝင် အမယ်သစ်သစ်သီး ဇူကီးနီး "ခေါ်" ဖရုံသခွား

 ဇူကီးနီး (ခေါ်) ဖရုံသခွားကို ဖရုံသီးအရှည်ဟုလည်း ခေါ်ကြပါသည်။ ဇူကီးနီးမှာ မြန်မာနိုင်ငံအတွက် အမယ်သစ်ဟင်းသီးပင်တစ်မျိုးဟုလည်း ဆိုနိုင်ပါသည်။ ဇူကီးနီးကို မြန်မာနိုင်ငံတွင် ၁၉၉၅ ခုနှစ်ခန့်မှ စမ်းသပ်စိုက်ပျိုးခဲ့ပါသည်။ မြန်မာတို့၏ ဟင်းသီးဟင်းရွက်စျေးကွက်တွင် ပေါပေါများများရောင်းဝယ်စားသုံးမှု ယခုတိုင် မတွင်ကျယ်သေးပါ။ သို့သော် အဆင့်မြင့် city mart များတွင် ဝယ်ယူရရှိနိုင်ပြီး အဆင့်မြင့်ဟိုတယ်သုံး အဆင့်မြင့် ဟင်းသီးဟင်းရွက် တစ်မျိုးဖြစ်သဖြင့် စျေးနူန်းမြင့်စျေးကွက်ကောင်း ဟင်းသီးတစ်မျိုးဖြစ်ပါသည်။

သို့ပါ၍ စားရေးသူသည် မိမ်ကိုယ်တိုင် စမ်းသပ်စိုက်ပျိုး မျိုးစေ့ထုတ်လုပ်ငန်းကို ကိုယ်တိုင်တာဝန်ယူဆောင်ရွက်ခဲ့ဘဘူးသော ဇူကီးနီး စိုက်ပျိုးနည်းစနစ်ကို နိုင်ငံခရီးသွားလုပ်ငန်း ဖွံ့ဖြိုးရေးအတွက် ဟိုတယ်သုံးဟင်းသီးတစ်မျိုးဖြစ်သည့် ဇူကီးနီးစျေးကွက် အလွယ်တကူအဆင်ပြေရေးအတွက် ဤဆောင်းပါးရေးသားလိုက်ရခြင်းဖြစ်ပါသည်။

ဇူကီးနီး၏မူရင်းဒေသမှာ အိန္ဒိယနှင့် တောင်အမေရိကတိုက်တို့ ဖြစ်ပါသည်။ ၎င်း၏ မြန်မာအမည် ဖရုံသခွား (သို့) ဖရုံသီးအရှည်၊ အင်္ဂလိပ်အမည်မှာ Summer Squash (Zuchini)၊ သိပ္ပံအမည်မှာ Cucurbita Pepo၊ မျိုးရင်းအမည်မှာ Cucurbitaceae တို့ဖြစ်ပါသည်။

ဇူကီးနီးမျိုးများ

အပြင် သီးခွံရောင်လိုက်၍ အစိမ်းရင့်ရောင်မျိုး၊ ကြက်ဥနှစ်ရောင်မျိုး၊ အဝါရောင်မျိုးဟူ၍ ရှိပါသည်။ ဇူကီးနီးဟင်းသီးပင်သည် အနည်းငယ်နွယ်တက်ပြီး ပင်ခြေတွင် တစ်ဆစ်တစ်လုံး သီးကိုင်းဖြာပြီး သီးတတ်ပါသည်။ ဘောင်တင်စိုက်ပျိုးပြီး စင်တင်ရန် မလိုပါ။ အဝါမျိုးကို မိုးရာသီ၊ ဆောင်းရာသီးနှစ်မျိုးလုံး စိုက်ပျိုးနိုင်ပြီး ကျန်မျိုးများကို အောက်တိုဘာလ၊ နိုဝင်ဘာလ ဆောင်းရာသီတွင် စိုက်ပျိုးသင့်ပါသည်။

စိုက်ပျိုးသင့်သော မြေအမျိုးအစား

မြေသြဇာထက်သန်သော မြေမျိုးကို ကြိုက်နှစ်သက်ပါသည်။ နူန်းဆန်သောမြေ၊ မြေနီသဲဝှမ်း၊ နူန်းစနယ်မြေ၊ ရေစီးရေလာကောင်းသောမြေများတွင် စိုက်ပျိုးသင့်ပါသည်။ မြေအချဉ်အငန်ဓာတ် Soil pH ၆ မှ ၆ ဒသမ ၅ ကို ကြိုက်နှစ်သက်ပါသည်။

ကြိုက်နှစ်သက်သော ရာသီဥတု

ပူနွေးသော ရာသီဥတုမှာ ဖြစ်ထွန်းပြီး အတော်အတန်အေးသည့် ရာသီဥတုတွင် စိုက်ပျိုးထုတ်လုပ်နိုင်ပါသည်။ ဂျပန်၊ ကိုရီးယားနှင့်ဥရောပနိုင်ငံများတွင် စိုက်ပျိုးထုတ်လုပ်စားသုံးမှု များပါသည်။ အပူချိန် ၁၅ ဒီဂရီ စင်တီဂရိတ်နှင့် ၂၅ ဒီဂရီ စင်တီဂရိတ်အတွင်း ဖြစ်ထွန်းပါသည်။

မျိုးစေ့နူန်းထား

တစ်ဧကကို ၁ ဒသမ ၅ ကီလိုဂရမ် အသုံးပြုကြပြီး Hybrid စပ်မျိုးများကို အသုံးပြုစိုက်ပျိုးကြပါသည်။

ဇူးကီးနီးစျေးကွက်အလားအလာ

ဇူကီးနီး ဟင်းသီးအစိုကို အဆင့်မြင့်ဟိုတယ်များတွင် ဟင်းသီးဟင်းရွက် အစိမ်းကြော်ဟင်းမယ်အဖြစ် အသုံးပြုကြသဖြင့် စျေးကောင်းနိုင်ပါသည်။

- အသီးစိုအနုများကို ထမင်းပွာများတွင် တို့စရာအဖြစ် အစိမ်းလိုက်လည်း စားကြပါသည်။ အသားနှင့်လည်း ကြော်၍လည်းကောင်း၊ ချက်၍လည်းကောင်း စားကြပါသည်။

- ဂျပန်း၊ ကိုရီးယားနှင့် ဥရောပနိုင်ငံများတွင် အသုံးများသည့် ဟင်းသီးတစ်မျိုးလည်း ဖြစ်ပါသည်။

- မြန်မာနိုင်ငံတွင် ယခုအချိန်ထိ စိုက်ပျိုးသူဦးရေ နည်းနေသေးသဖြင့် ခရီးသွားလုပ်ငန်း တိုးတက်တွင်ကျယ်လာပြီး နိုင်ငံခြားခရီးသွားလာ၍ ဟိုတယ်စားသောက်ဆိုင်များ၏ ဇူကီးနီးဟင်းသီး လိုအပ်ချက် မြင့်တက်လာကာ စျေးကွက်ကောင်းလာမည် ဖြစ်ပါသည်။ နိုင်ငံခြားစျေးကွက်သို့လည်း အသီးစိုများ စျေးကွက်ချဲ့ထွင်နိုင်ပါသည်။ ဇူကီးနီး မျိုးကောင်းမျိုးသန့် စပ်မျိုးများကို ယခုအချိန်တွင် ထိုင်းနိုင်ငံမျိုးစေ့ ကုမ္ပဏီများမှ စျေးကြီးပေး၍ ဝယ်ယူစိုက်ပျိုးနေကြရပါသည်။

လှဆန်း(စိုက်ပျိုးရေး) B.Ag - 79

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်