ကမ္ဘာကြီးကို ကယ်တင်စေနိုင်တဲ့ အလွယ်လမ်းများ - အဆင့်(၂) အိမ်နေရင်းလုပ်ဆောင်နိုင်သည့် အရာများ

17/01/2018 17:05 PM တွင် အစိမ်းရောင်လမ်း အစိမ်းရောင်လမ်း မှ ရေးသား
ဒီတစ်ခေါက်မှာတော့ အဆင့်(၁) ဆိုဖာပေါ်မှာ သက်တောင့်သက်သာနေရင်းနဲ့မှ လုပ်နိုင်သော အရာများ ထက် တစ်ဆင့်မြှင့်ပြီး အိမ်မှာနေရင်းနဲ့ ကမ္ဘာကြီးကို ကယ်တင်နိုင်မယ့် နည်းလမ်းလေးတ​ွကေို ဖော်ပြပေးချင်ပါတယ်။ ဆိုတော့ ကမ္ဘာကြီးကို သဘာဝဘေးအန္တရာယ်တွေ၊ မုန့်တိုင်းတွေ၊ ရေလွမ်းမိုးတွေ၊ မိုးခေါင်မှုတွေ နည်းပါးလာအောင်၊ ပပျောက်သွားအောင် လုပ်ဖို့က အစိုးရတွေရဲ့အလုပ်၊ ပညာရှင်ကြီးတွေရဲ့ အလုပ်တွေပဲ မဟုတ်တော့ပါဘူး။ ကိုယ်အနေနဲ့ အိမ်မှာနေရင်း ဘာတွေလုပ်နိုင်မလဲ။ အောက်မှာ ဖော်ပြထားတဲ့ အချက်တွေကို လေ့လာရင်း ကြိုးစားဆောင်ရွက်ကြရအောင်။ 
 
 
အဆင့်(၂) အိမ်နေရင်းလုပ်ဆောင်နိုင်သည့် အရာများ
  • လေနဲ့သာ အခြောက်ခံပါ။ ခင်ဗျားရဲ့ဆံပင်တွေနဲ့ အဝတ်အစားတွေကို စက်နဲ့အခြောက်ခံမယ့်အစား သဘာဝအတိုင်းပဲ အခြောက်ခံတာ ပိုကောင်းပါတယ်။ ခင်ဗျားရဲ့အဝတ်အစားတွေကို အဝတ်လျှော်စက်နဲ့လျှော်တယ်ဆိုရင် စက်ထဲမှာ အဝတ်အစားအပြည့်ထည့်ပြီးတော့မှ လျှော်ပါ။
  • ရေချိုးရင် အချိန်တိုတိုနဲ့ ပြီးနိုင်တဲ့ ရေပန်းနဲ့သာချိုးပါ။ ရေချိုးဇလုံနဲ့ရေချိုးခြင်းဟာ ၅မိနစ် ၁၀မိနစ်နဲ့ပြီးသွားတဲ့ ရေပန်းနဲ့ချိုးတာထက် ရေဂါလံပေါင်းများစွာ ပိုကုန်ပါတယ်။
  • အသားနဲ့ငါးကို လျှော့စားပါ။ ကမ္ဘာပေါ်မှာရှိတဲ့ အရင်းအမြစ်အများစုကို အပင်ထက် သားငါးရဖို့အတွက် အသုံးပြုနေကြရပါတယ်။ 
  • စားစရာတွေကို ပုတ်သိုးမသွားခင် စားလိုက်ဖို့အချိန်မရှိဘူးဆိုရင် အအေးခံထားပါ။ ဒါမှမဟုတ် ပူပူနွေးနွေးအစားအစာတွေနဲ့ လွယ်လွယ်ကူကူသယ်သွားလို့ရတဲ့ အစားအစာတွေကိုပဲ ဝယ်ယူစားသုံးပါ။ ဒီလိုဆိုရင် ခင်ဗျားဟာ အစားအစာတွေနဲ့ ငွေကို ချွေတာပြီးသားဖြစ်သွားပါလိမ့်မယ်။
  • မြေဆွေးမြေသြဇာပြုလုပ်ပါ။ အစားအသောက်အကြွင်းအကျန်တွေကို မြေဆွေးမြေသြဇာပြုလုပ်တာဟာ အရင်းအမြစ်တွေကို ထိန်းသိမ်းရာရောက်သလို တစ်ချိန်တည်းမှာပဲ အာဟာရတွေကို ပြန်လည်အသုံးချခြင်းနည်းလမ်းကို အသုံးပြုပြီးဖြစ်နေပါလိမ့်မယ်။
  • မြေဆီလွှာကို ပျက်စီးစေတဲ့ ပစ္စည်းတွေဖြစ်တဲ့ စက္ကူ၊ ပလပ်စတစ်၊ ဖန်နဲ့ အလူမီနီယံသုံးပစ္စည်းများကို ပြန်လည်အသုံးပြုပါ။
  • ထုပ်ပိုးပစ္စည်းအနည်းငယ်သာပါတဲ့ ပစ္စည်းများကိုသာ ဝယ်ယူသုံးဆောင်ပါ။
  • မီးဖိုကို ကြိုတင်အပူပေးခြင်း ရှောင်ပါ။ ကိုယ်ချက်ပြုတ်မဲ့ အစားအစာ မီးဖိုပေါ်ကိုရောက်ရှိပြီး အပူပေးချက်ပြုတ်ဖို့ အဆင်သင့်ဖြစ်မှ မီးဖိုဖွင့်ပါ။ 
  • ကိုယ်နေတဲ့အဆောက်အအုံရဲ့ ပြတင်းပေါက်နဲ့ တံခါးပေါက်တွေကို လေဝင်လေထွက်ကောင်းအောင် ဖန်တီးပေးထားခြင်းအားဖြင့် စွမ်းအင်သုံးစွဲမှု ချွေတာနိုင်ပါတယ် (ပန်ကာဖွင့်ထားခြင်း၊ အဲကွန်းအသုံးပြုခြင်း စတဲ့ အရာတွေက စွမ်းအင်သုံးစွဲမှု မြင့်တက်စေနိုင်သောကြောင့် ဖြစ်ပါတယ်။)
  • အဲကွန်းတွေကို အရမ်းပူပြင်းတဲ့ အခြေအနေ၊ ရာသီဥတုမဟုတ်ခဲ့ရင် မလိုအပ်ဘဲ မသုံးစွဲပါနဲ့။ (အပူပိုင်းဒေသအတွက်) အပူပေးကိရိယာတွေကို အရမ်းအေးတဲ့ ရာသီဥတုမရောက်သေးပဲ မသုံးစွဲပါနဲ့။ (အအေးပိုင်းဒေသအတွက်)
  • မိမိသုံးစွဲနေမိတဲ့ လျှပ်စစ်အသုံးအဆောင် ပစ္စည်းကိရိယာဟောင်းတွေအစား စွမ်းအင်ချွေတာမှုရှိတဲ့ အမျိုးအစားတွေကို ပြောင်းသုံးပါ။ 
  • ဖြစ်နိုင်မယ်ဆိုရင်  မိမိအိမ်မှာနေရောင်ခြည်စွမ်းအင်သုံး ဆိုလာပြားများကို တပ်ဆင်အသုံးပြုပါ။ ဒီလိုသာသုံးစွဲနိုင်မယ်ဆို ခင်ဗျားရဲ့ လျှပ်စစ်သုံးစမွုကုန်ကျစရိတ် အတော်သက်သာသွားပါလိမ့်မည်။ 
  • အေးတဲ့ရာသီမှာ မိမိအိမ်၌ ကြမ်းခင်းကောဇောခင်းပါ။ ကောဇောများက ပတ်ဝန်းကျင်ကို နွေထွေးသွားအောင် ဖန်တီးပေးနိုင်ပါပြီး အပူပေးစက်သုံးစွဲခြင်း လျှော့နည်းသွားနိုင်ပါတယ်။
  • မီးဖိုခေ်ာင်သုံးပစ္စည်းတြေကို ဆေးကြောတဲ့အခါ ရေကို ပရမ်းပတာ သုံးစွဲခြင်း မပြုပါနဲ့။ ရေပိုက်ကို မေ့ပြီး ဖွင့်ထားမိတာမျိုး မဖြစ်ရအောင် အမြဲသတိထားပါ။
  • အကယ်၍ မိသားစုတွင် ကလေးရှိပါက ကလေးခါးတောင်းကျိုက်ပိတ်စ(ဒိုင်ပါ)ကို ရွေးချယ်သုံးစွဲပါ။ အကောင်းဆုံးမှာ ပြန်လည်လျှော်ဖွပ်အသုံးပြုနိုင်သော အဝတ်စများကို သုံးစွဲခြင်းဖြစ်သည်။ ဒိုင်ပါဝယ်ယူသုံးစွဲမည်ဆိုပါက သဘာဝပတ်ဝန်းကျင်နဲ့ပတ်သက်ပြီး တာဝန်ယူမှုရှိတဲ့ ကုမ္ပဏီတံဆိပ်ကိုသာ ဝယ်ယူသုံးစွဲပါ။
  • မိမိအိမ်တွင် အမှိုက်သရိုက်တွေကို ရှင်းလင်းတဲ့အခါ အတတ်နိုင်ဆုံး သာမာန်တံမျက်စည်းကိုသာ သုံးပါ။ ပတ်ဝန်းကျင်ကို ဆူညံပွက်လောရိုက်စေတဲ့ အသံထွက်သည့် ဖုန်စုတ်စက်မသုံးပါနဲ့။ တံမျက်စည်းသာ သုံးစွဲခြင်းက ခန္ဓကိုယ်အတွက် စနစ်ကျတဲ့ လေ့ကျင့်ခန်းတစ်ခု လုပ်ရာရောက်သလို လျှပ်စစ်စွမ်းအင်သုံးစွဲမှုကိုလည်း ချွေတာပြီး ဖြစ်နေပါလိမ့်မယ်။
  • ကဒ်ထူပြားနဲ့ခြစ်ရသော မီးခြစ်မျိုးကိုသာ သုံးစွဲပါ။ သူတို့တွေက တခြားသော ဂက်စ်ဖြည့်ထားရတဲ့ ပလပ်စတစ်မီးခြစ်တွေလို ဓာတ်ဆီဖြည့်ထားစရာ မလိုတဲ့အတွက် စွမ်းအင်အရင်းအမြစ် သက်သာစေမှာ ဖြစ်ပါတယ်။

 

မုဒြာ (အစိမ်းရောင်လမ်း)

 

မှတ်ချက် ။     ။ UN ၏ The Lazy Person's Guide to Saving the World ကို မြန်မာနိုင်ငံနှင့် ကိုက်ညီဆီလျော်မှုရှိစေရန် ဘာသာပြန်ဆိုထားပါသည်။ 
 

မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်