တရုတ်နိုင်ငံထံ ထိုင်းဆန် ပိုမို တိုးမြှင့်ရောင်းချမည်

Covid-19 ကပ်ရောဂါဘေးကြောင့် ကျဆင်းသွားတဲ့ စီးပွားရေးကို ပြန်လည်ကုစားသွားဖို့ တရုတ်နိုင်ငံနဲ့ အစိုးရ ချင်း G2G သဘောတူညီချက်နဲ့ ဆန်ကုန်သွယ်မှုကို တိုးမြှင့်သွားမယ်လို့ ထိုင်းနိုင်ငံခြားကုန်သွယ်မှုဌာန (DFT) ရဲ့ ညွန်ကြားရေးမှူးချုပ်အသစ်က ပြောလိုက်ပါတယ်။

အေဂျင်စီရဲ့ အရေးကြီးဆုံးအစီအစဉ်က နယ်စပ်ဖြတ်ကျော် ကုန်သွယ်မှုတွေကို မြှင့်တင်သွားဖို့ဖြစ်တယ်လို့ (DFT) ရဲ့ ညွှန်ကြားရေးမှူးချုပ်အဖြစ် မကြာသေးမီကမှ ခန့်အပ်ခြင်း ခံခဲ့ရတဲ့ Ronnarong Phoolpipat က တနင်္လာ နေ့မှာ ပြောကြားခဲ့တာပါ။

၂၀၂၂ ခုနှစ်ရဲ့ ပထမရှစ်လအတွင်း ထိုင်းနိုင်ငံရဲ့ နယ်စပ်ဖြတ်ကျော်ကုန်သွယ်မှုတန်ဖိုးဟာ ဘတ်ငွေ ၁.၁၅ ထရီလီယံ အထိ မြင့်တက်လာပြီး ပြီးခဲ့တဲ့နှစ်ကာလတူအခြေအနေထက် ၃.၁၈ ရာခိုင်နှုန်း မြင့်တက်လာခဲ့တယ်လို့ သူက ဆိုပါတယ်။

“နယ်စပ်ဖြတ်ကျော် ပို့ကုန်တန်ဖိုးဟာ ဘတ်ငွေ ၆၈၂.၈၄ ဘီလီယံရခဲ့ပြီး ၀.၁၁ ရာခိုင်နှုန်းနဲ့ နည်းနည်းမြင့်တက် လာတယ်။ သွင်းကုန်တန်ဖိုးကတော့ ဘတ်ငွေ ၄၇၁.၀၂ ဘီလီယံနဲ့ ၇.၉၈ ရာခိုင်နှုန်းမြင့်တက်လာ ပါတယ်။ ဆိုတော့ ဩဂုတ်လမှာတင် ထိုင်းရဲ့ ကုန်သွယ်ရေးပိုငွေ (ပို့ကုန်ရငွေပိုလျှံမှု) က ဘတ်ငွေ ၂၁၁.၈၂ ဘီလီယံအထိ ရှိခဲ့ပါတယ်” လို့ Ronnarong Phoolpipat က ပြောပါတယ်။

ဘတ်ငွေတန်ဖိုးကျဆင်းမှုနဲ့ မြန်မာ၊ လာအိုနိုင်ငံတွေရဲ့ စီးပွားရေး အနေအထားတွေဟာ ယခုနှစ်မှာ နယ်စပ်ကုန်သွယ်ရေးကို မြှင့်တင်ပေးတဲ့ အဓိကအကြောင်းရင်းတွေဖြစ်တယ်လို့လည်း ယခင်က ကုန်သွယ်မှု မူဝါဒနဲ့ မဟာဗျူဟာရုံးကို ကြီးကြပ်ခဲ့ရသူ Ronnarong က ဆိုပါတယ်။

စွမ်းအင်လိုအပ်ချက်အတွက် ဝယ်လိုအားမြင့်တက်လာခြင်းကြောင့်ထိုင်းနိုင်ငံကနေ မြန်မာနဲ့ လာအို နိုင်ငံတွေကို တင်ပို့ရမှုဟာ ၁၀၀ နဲ့ ၁၁၅ ရာခိုင်နှုန်း အသီးသီး တိုးလာခဲ့တာဖြစ်တယ်လို့လည်း သိရပါတယ်။

Covid-19 အခြေအနေတွေ တိုးတက်လာတာနဲ့အမျှ ဒေသတွင်းစားသုံးမှုနဲ့ ကုန်ထုတ်လုပ်မှုတွေလည်း ပြန်လည် တိုးတက်လာတယ်လို့ သူက ထပ်လောင်းပြောဆိုပါတယ်။

ဥပမာအားဖြင့် ၂၀၂၂ ခုနှစ် ပထမရှစ်လအတွင်း မလေးရှားနိုင်ငံအနေနဲ့ ပြီးခဲ့တဲ့နှစ်ကာလတူအခြေအနေနဲ့ ယှဉ်ရင် မော်တော်ကား ၃၈၉.၄၂ ရာခိုင်နှုန်းနဲ့ တာယာ ၁၃၁.၄၃ ရာခိုင်နှုန်းကို ထိုင်းနိုင်ငံကနေ ပိုမိုတင်သွင်းခဲ့တယ်လို့ ဆိုပါတယ်။ တစ်ချိန်တည်းမှာပဲ ကမ္ဘောဒီးယားနိုင်ငံဟာလည်း လျှပ်စစ်ဆားကစ်ဘုတ် ၆၁၈.၉၁ ရာခိုင်နှုန်းနဲ့ အထည်အလိပ်နဲ့ ချည်မျှင် ၉၃.၄၁ ရာခိုင်နှုန်း ပိုမိုတင်သွင်းခဲ့တာ ဖြစ်ပါတယ်။

"(DFT) အနေနဲ့ ထိုင်း-တရုတ် အမြန်ရထား ပူးပေါင်းဆောင်ရွက်ရေး မူဘောင်အောက်မှာ G2G စာချုပ်အရ တရုတ်နိုင်ငံကို ဆန်ရောင်းချဖို့အစီစဥ်တွေကို အလေးထားဆောင်ရွက်သွားပါမယ်။ စာချုပ်အရ တရုတ်နိုင်ငံဟာ ဆန်တန်ချိန် ၂ သန်း ဝယ်သွားမှာပါ။ အခုအချိန်အထိတော့ ဆန် တန်ချိန် ၇၂၀,၀၀၀ တင်ပို့ပြီးသွားပါပြီ။ ကျန်သေးတာတွေကိုလည်း တတ်နိုင်သမျှအမြန်ဆုံးထပ်ပို့သွားနိုင်ဖို့ DFT အနေနဲ့ တရုတ်အစိုးရနဲ့ ပူးပေါင်း ဆောင်ရွက်သွားပါမယ်” လို့ Ronnarong Phoolpipat က ပြောပါတယ်။

DFT အနေနဲ့ အထူးသဖြင့် မလေးရှား၊ စင်ကာပူ၊ ဖိလစ်ပိုင်၊ အီရတ်နဲ့ ဆော်ဒီအာရေးဗီးယားတို့လို ဝယ်လက်အသစ်တွေရဖို့ ပို့ကုန်သမားတွေကို အကူအညီတွေပေးသွားမယ်လို့လည်း သူက ဆက်လက်ပြောကြား ခဲ့ပါတယ်။

ဇင်ထူးနိုင်

Ref:

https://www.nationmultimedia.com/thailand/economy/40020666

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ