ဝက်ပေါက်လေးများ သားခွဲတဲ့အခါ လုပ်ဆောင်ပေးရမယ့် အချက်များ

24/10/2021 13:00 PM တွင် ဦးဇော်(dof) ဦးဇော်(dof) မှ ရေးသား

ဝက်ပေါက်လေးများ သားခွဲတဲ့အခါ လုပ်ဆောင်ပေးရမယ့် အချက်လေးတွေကို ဝေမျှပေးချင်ပါတယ်။

မြန်မာနိုင်ငံအတွင်း စီးပွားဖြစ်ဝက်မွေးမြူရေးလုပ်ငန်းရှင် အများစုဟာ ဝက်ပေါက်သားခွဲပြီးနောက်ပိုင်း ဝမ်းရောဂါဖြစ်ပွားတာကို အများစုရင်ဆိုင်နေရပါတယ်။ ပုံမှန်အားဖြင့်လည်း သားခွဲဝက်ပေါက်လေးတွေဟာ မိခင်နို့သောက်သုံးရာမှ သားခွဲဝက်စာကို ပြောင်းလဲစားသောက်ရတဲ့အခါ အူလမ်းကြောင်းတစ်လျောက် အပြောင်းအလဲဖြစ်တာကြောင့် ယခုလို အစာစားနှုန်း လျော့နည်းတာ၊ ဝမ်းပျော့တာ၊ဝမ်းရောဂါဖြစ်တာတွေနဲ့ ရင်ဆိုင်ရတတ်ပါတယ်။ ဝက်ပေါက်လေးများသားခွဲမယ်ဆိုရင် အောက်ပါ အချက်လေးတွေကို လုပ်ဆောင်ထားသင့်ပါတယ်။

ကောင်းမွန်စွာခြေဖျက်နိုင်တဲ့ ဝက်စာကို ကျွေးခြင်း

သားခွဲဝက်လေးတွေအတွက် ဝက်စာရွေးချယ်မည်ဆိုလျှင် အာဟာရပြည့်ဝပြီး လွယ်ကူစွာခြေဖျက်နိုင်တဲ့ ဝက်စာမျိုးကို ရွေးချယ်ပေးသင့်ပါတယ်။ အဘယ့်ကြောင့်ဆိုသော် သားခွဲဝက်လေးတွေဟာ အစာစားနှုန်း လျော့နည်းနေနိုင်တာကြောင့် အာဟာရပြည့်ဝစွာပါဝင်တဲ့ ဝက်စာကို ရွေးချယ်ကျွေးနိုင်မှသာ လိုအပ်တဲ့ အာဟာရကို အပြည့်အဝ ရရှိမည်ဖြစ်ပြီး လိုချင်တဲ့ ခန္ဓာကိုယ် အလေးချိန်ကိုရရှိမှာ ဖြစ်ပါတယ်။ 

ဒါ့အပြင် ဝက်စာအတွင်း Probiotics လို့ခေါ်တဲ့ အကျိုးပြုအဏုဇီဝပိုး ထည့်ကျွေးခြင်းဖြင့်လည်း အူလမ်းကြောင်း ကျန်းမာရေးကို အကောင်းဆုံးအနေအထားမှာ ထိန်းသိမ်းထားနိုင်မှာဖြစ်ပါတယ်။ Probiotics ကိုဝက်စာအတွင်း ရောစပ်ကျွေးခြင်းဖြင့် အခြားဘက်တီးရီးယားများ အူလမ်းကြောင်းမှာ အသက်မရှင်နိုင်အောင် လုပ်ဆောင်ပေးခြင်း၊ အစာခြေဖျက်စုပ်ယူမှုကို ကောင်းမွန်စေခြင်းတို့ကြောင့် သားခွဲဝက်ငယ်လေးများ သတ်မှတ်ထားတဲ့ အလေးချိန်ကိုရရှိနိုင်မှာဖြစ်ပါတယ်။

မှန်ကန်တဲ့ဝက်စာကို ရွေးချယ်ကျွေးခြင်း

သားခွဲတော့မည့် ဝက်ပေါက်လေးတွေကို သားမခွဲခင် သားခွဲဝက်စာ (creep feed) ကို စတင်ကျွေးသင့်ပါတယ်။ ၎င်းသားခွဲဝက်စာကိုကျွေးခြင်းဖြင့် သားခွဲပြီးနောက်ပိုင်းကျွေးတဲ့ ဝက်စာကို ခြေဖျက်ရာတွင်ကူညီမဲ့ အင်ဇိုင်း (Enzymes) များ အူလမ်းကြောင်းမှ ထုတ်လုပ်နိုင်အောင်ကူညီပေးပါတယ်။ 

ဒါ့ကြောင့် သားခွဲမည့် ဝက်ငယ်လေးတွေအတွက် အရသာရှိပြီး အာဟာရပြည့်ဝတဲ့ ဝက်စာကို ရွေးချယ်ကာ ကျွေးသင့်ပါတယ်။ ဝက်ပေါက်လေးများ အူလမ်းကြောင်းနဲ့ဆိုင်တဲ့ ရောဂါမဖြစ်အောင် အကောင်းဆုံးကာကွယ်နိုင်တဲ့နည်းလမ်းကတော့ တစ်သားတည်းပေါက်တဲ့ ဝက်ပေါက်လေးတွေကိုပဲ အတူတကွမွေးမြူသင့်ပါတယ်။ 

သားခွဲဝက်အတွက် ဝက်ခြံ ပြင်ဆင်ခြင်း

ဝက်ပေါက်လေးများ သားခွဲတော့မည်ဆိုလျှင် နောက်ထပ်ပြင်ဆင်ထားရမည့်အချက်ကတော့ ဝက်ခြံပြင်ဆင်ခြင်းပဲ ဖြစ်ပါတယ်။ သားခွဲဝက်ငယ်လေးတွေဟာ ရောဂါဒဏ်ကို မခံနိုင်တာကြောင့် အခန်းကို ပိုးသတ်ထားရမှာဖြစ်ပါတယ်။ ဝက်ငယ်လေးတွေဟာ အနွေးဓာတ်ကို လိုအပ်သေးတာကြောင့် ဝက်ခြံ၏ အခန်းအပူချိန်ဟာ အနည်းဆုံး ၂၅ံ C မှာ ရှိရမှာဖြစ်ပါတယ်။ ဝက်ခြံအတွင်း လေ အဝင်အထွက် မရှိအောင် လုပ်‌ဆောင်ပေးရမှာဖြစ်ပါတယ်။

မြန်မာနိုင်ငံအတွင်း ဝက်မွေးမြူရေးလုပ်ငန်းရှင်များ သားခွဲဝက်ငယ်လေးတွေကို စနစ်တကျ မွေးမြူနိုင်ပြီး မွေးမြူရေးလုပ်ငန်းများ အဆင်ပြေကြပါစေ။

Ref: The Pig Site

 

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်