ခရမ်းချဉ် ရွက်လိပ် leaf roll ပြဿနာ

ခရမ်းချဉ် ရွက်လိပ်ပြသနာဟာ ရက်ပိုင်း တစ်ပါတ် ဆယ်ရက် အပူပိုင်းမြင့်ချိန်မှာ ဖြစ်တတ်ပါတယ်။ ကာလအား ဖြင့် မရှည်ကြာပေမယ့် အပင်ကြီးထွားမှု အသီးအရည်အသွေး အသီးတင်မှု အထွက်နှုန်းကို ထိခိုက်စေပါတယ်။ အရွက်အောက်ပိုင်းကနေ အပေါ်ဘက်ကို လိပ်ပြီးခွက်ဝင်ပြီး ကြာလာရင် အပေါ်ဘက်အထိ လိုက်သွားတတ် ပါတယ်။ ဘာမှိုဆေး ပိုးသတ်ဆေးမှ ထိရောက်တဲ့ ပြသနာမဟုတ်ပါဘူး။ အပူပိုင်းဇုန်ဖြစ်တဲ့ မကွေး၊ မန္တလေး၊ ပဲခူး စတဲ့ ဒေသတွေမှာ ဇွန်၊ ဇူလိုင်လတွေမှာ အဖြစ်များလှပါတယ်။ အပူဒဏ်ခံတဲ့ hybrid မျိုးတွေနဲ့ ထိန်းသိမ်း နိုင်သလို မိမိစိုက်ခင်း ပတ်ဝန်းကျင်အပူချိန်ညှိပေးမယ် စိုက်စနစ် ဂရုစိုက်ပေးမယ်ဆိုရင် အခုပြသနာကို ကျော်လွှားနိုင်ပါလိမ့်မယ်။

စိုက်စနစ်မှာ ခရမ်းချဉ် ကြားကိုင်းပယ်တာများရင် အပင်ပိုင်းက အားနည်းသွား ပါတယ်။ အဲ့လိုအချိန်မှာ အပူချိန်မြင့်မားလွန်းလာလျှင် ရွက်လိပ်ပြသနာ ဝင်တတ်သလို မြေတွင်းစိုထိုင်းဆ ခန်းခြောက်လာရင်လည်း ဒီပြသနာက ကျော်လွှားလို့ မရပါဘူး။ စိုက်ခင်းမြေကြီး အစိုဓာတ်ပမာဏ အပေါ်ယံ မြေလွှာ အစိုဓာတ် တစ်လက်မခန့် နေ့စဉ်ရှိနေဖို့ အထူးလိုအပ်သလို နံနက်ပိုင်း ရေသွင်းပေးခြင်းဟာလည်း အရေး ပါလှပါတယ်။ နောက်တစ်ချက်က အပေါ်မှာ ရေးထားသလို ကြားကိုင်းဖယ်ခြင်း အတက်ဖဲ့ခြင်းကို အနည်း အကျဉ်း မဖြစ်မနေကိုင်းတွေသာ ဖဲ့ထားသင့်ပါတယ်။

အပူချိန်မြင့်မားချိန်မှာ ပြသနာတစ်ခုဖြစ်တဲ့ ဝတ်မှုန်ကူး မအောင်တာ မဖြစ်စေဖို့အတွက် မြေပြင်စဉ်ထဲက ထုံးထည့်ပေးထားခြင်း၊ အားဆေးတွေမှာ ကယ်လစီယမ်-ဘိုရွန် အတွဲကို အထူးအသုံးပြုပေးဖို့လိုပါတယ်။ အပင် ရာသီဒဏ် ပိုခံနိုင်အောင် နိုင်ထရိုဂျင် N နဲ့ ပိုတက်စီယမ် K ကို ရောစပ်ကျွေးသင့်သလို စီလီကာပါတဲ့ မြေသြဇာ အားဆေးကို ရှာဖွေ အသုံးပြုသင့်ပါတယ်။ အမြစ်ထွက်နှုန်း ကောင်းဖို့ကိုလည်း ဂရုစိုက်ထားသင့်ပါတယ်။

Khant Zaw Htet

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ