အဆီနဲ့ ကိုလက်စထရော ပါဝင်မှုနည်းတဲ့ စေတီခရုရဲ့ ကျန်းမာရေးအကျိုးကျေးဇူးများ

စေတီခရုကို ပြုတ်၍ အသားထုတ်ပြီး သုပ်စား၊ ချက်စား ကြပါသည်။ ထို့ပြင် စေတီခရုကို ရခိုင်သုပ် သုပ်စားခြင်း၊ ချဥ်စပ် ချက်စားခြင်း၊ ကင်စားခြင်း၊ ဟင်းချို ချက်စားခြင်း၊ အစပ်ဟင်း ချက်စားခြင်း စသဖြင့် ပြုလုပ်စားကြသည်။ ထို့ပြင် စေတီခရု(ခေါ်) မရွတ်အဆံကို အခြောက်လှန်း၍ရသော မရွတ်ခြောက်ကိုလည်း သုပ်စားကြပါသည်။

စေတီခရုအစေ့ (ခေါ်) မရွတ်စေ့

မရွတ်စေ့ ဆိုသည်မှာ စေတီခရု၏ အဆန်ကို ခေါ်ကြခြင်းဖြစ်သည်။ စေတီခရုသည် အချွန်ပုံသဏ္ဍာန်ရှိသော ခရုဖြစ်ပြီး ဟင်းလျာအပြင် ဟင်းချိုအဖြစ်လည်း ချက်သောက်ကြပါသည်။ မရွတ်ခရု၏ အဆန်ကို ထုတ်ကာ နေလှန်းပြီးလည်း ရောင်းချကြသဖြင့် စျေးတွင်အသင့်ဝယ်၍ရပါသည်။ ပင်လယ်ပိုင်းဒေသများတွင် တွေ့ရသော ပင်လယ်စာဟင်းလျာ မရွတ်ခရုအဆန်ကို ဟင်းလျာအဖြစ် ချက်စားကြသော်လည်း သုပ်စားရသည့် အရသာကို ပိုမိုကြိုက်နှစ်သက်ကြကြောင်း သိရပါသည်။

စေတီခရု(ခေါ်) မရွတ်တွင်ပါဝင်သော အာဟာရဓာတ်များ

စေတီခရုတွင် ပရိုတိန်း၊ သံဓာတ်၊ ဗီတာမင် B12၊ မဂ္ဂနီဆီယမ်၊ ဆီလီယမ်နှင့် Omega-3 တို့ကြွယ်ဝစွာ ပါဝင်ပါသည်။ အဆီဓာတ်နည်းပြီး ကိုလက်စထရော ပါဝင်မှုနည်းပါးသဖြင့် ကျန်းမာရေးအတွက်အလွန် ကောင်းမွန်ကြောင်း လေ့လာသိရှိရပါသည်။ ကမ္ဘာပေါ်ရှိ နိုင်ငံအများအပြားတွင် ခရုကို ဟင်းလျာအဖြစ် စားသုံးကြသည်။ မြန်မာနိုင်ငံအပါအဝင် အာရှနိုင်ငံများတွင်လည်း ရှေးယခင်ကတည်းကပင် စေတီခရု(ခေါ်) မရွတ်အပါအဝင် ခရုမျိုးစိတ်များကို နည်းအမျိုးမျိုးဖြင့် ချက်ပြုတ်စားသောက်ကြပါသည်။ အာဖရိကနိုင်ငံအချို့မှာ giant snail ဟုခေါ်သော ခရုကြီးများကိုလည်း စားသုံးနေကြကြောင်း လေ့လာမှတ်သားရပါသည်။ ထို့ကြောင့် အချို့နိုင်ငံများတွင် ခရုမွေးမြူရေးကိုပင် စီးပွားဖြစ် လုပ်ကိုင်နေကြပြီဖြစ်သည်။

စေတီခရုနှင့် ကျန်းမာရေး

စေတီခရု ခေါ် မရွတ်ကို ဖိလစ်ပိုင်နိုင်ငံတွင် ရိုးရာဟင်းလျာအဖြစ် စားသုံးကြပြီး ယင်းတွင် သွေးကြောသစ်များဖြစ်ပေါ်မှုကိုဟန့်တားနိုင်သည့် အာနိသင်ရှိကြောင်း UP မနီလာဆေးဝါးကျောင်းသားများ၏ သုတေသနတွင် ဖော်ပြထားပါသည်။ စေတီခရုအဖြစ် လူသိများသော ခရုမှထုတ်လုပ်သည့် ဓာတ်စာများသည် ကင်ဆာဆဲလ်များပြန့်ပွားမှုကို တားဆီးနိုင်စွမ်းရှိကြောင်း ဖိလစ်ပိုင်တက္ကသိုလ်(မနီလာ)မှ သုတေသီများ၏ လေ့လာတွေ့ချက်အရ သိရပါသည်။ စေတီခရု၏ အသားသည် သွေးကြော သစ်များဖြစ်ပေါ်မှုကို ဟန့်တားကာ ကင်ဆာအဟာရလမ်းကြောင်းကို ဖြတ်တောက်နိုင်ပါသည်။ ဆေးဘက်ဆိုင်ရာအကျိုးကျေးဇူးများစွာ ပါရှိသဖြင့် ဖိလစ်ပိုင်နိုင်ငံ၏ ဆေးဝါးများတွင်လည်း အသုံးပြုနေကြောင်းသိရသည်။

စေတီခရု(ခေါ်) မရွတ်စားသုံးခြင်း၏ ကျန်းမာရေးအကျိုးကျေးဇူးများ

စေတီခရု(ခေါ်) မရွတ်ဆိုသည်မှာ ပင်လယ်စာများတွင် တစ်မျိုးအပါအဝင်ဖြစ်ပြီး.ရခိုင်စားသောက်ဆိုင်များတွင် မပါမဖြစ်သော မီနူးများထဲတွင် တစ်ခုအပါအဝင် ဖြစ်သည်။ စေတီခရုသုပ်၊ ခရု ချဉ်စပ်၊ ခရု ဟင်းချို တို့ဆိုသည်မှာ စားဖူးသူတိုင်း ကြိုက်နှစ်သက်ကြသော ဟင်းလျာများ ဖြစ်သည်။ အလွန်ကြိုက်နှစ်သက်ကြသူများရှိသလို ခရုနှင့် ဓာတ်မတည့်တဲ့သူတချို့လည်း ရှိပါသည်။ သို့သော် စေတီခရု (ခေါ်) မရွတ်စားသုံးခြင်း၏ ကျန်းမာရေး အကျိုးကျေးဇူးများမှာ များပြားလှပါသည်။ ၄င်းတို့မှာ-

၁။ ပရိုတင်းဓာတ် ကြွယ်ဝစွာပါရှိခြင်း

ပင်လယ်စာတို့၏ ထုံးစံအတိုင်း စေတီခရုသည် ကယ်လိုရီအများကြီး မပါသော ပရိုတင်း ကြွယ်ဝသည့် အသား တစ်မျိုးဖြစ်သည်။ ထို့ကြောင့် ကိုယ်အလေးချိန် လျှော့ချနေသူများ၊ ကြွက်သားတက်အောင် လုပ်နေသူများအတွက် စားပေးလို့ရသော အသားတစ်မျိုးပဲ ဖြစ်ပါသည်။ ပင်လယ်စာများ အားလုံးထဲတွင် စေတီခရုတို့လို ခရုမျိုးစိတ်များသည် ပရိုတင်း အကြွယ်ဝဆုံးဖြစ်သည်။

၂။ သံဓာတ်ကြွယ်ဝခြင်း

စေတီခရုအပါအဝင် ခရုများသည် သံဓာတ်အကြွယ်ဝဆုံးသော အစားအစာများထဲမှ တစ်ခုဖြစ်သည့်အတွက် သံဓာတ်ချို့တဲ့ သွေးအားနည်းရောဂါ ခံစားနေရသော သူများအတွက် အလွန်ကို သင့်တော်သော အစားအစာ တစ်ခုဖြစ်သည်။

၃။ ဗီတာမင် B- 12 ကြွယ်ဝခြင်း

စေတီခရု အပါအဝင် ခရုများသည် ဗီတာမင် B-12 ကြွယ်ဝသော အစားအသောက်တစ်ခု ဖြစ်သောကြောင့် အာရုံကြော အားကောင်းဖို့ အတွက်လည်း အထောက်အကူဖြစ်စေပါသည်။

၄။ မဂ္ဂနီဆီယမ်ကြွယ်ဝခြင်း

သွေးပေါင်ချိန် ထိန်းညှိဖို့၊ နှလုံး အားကောင်းဖို့နှင့် အရိုးများသန်မာဖို့ အတွက် မဂ္ဂနီဆီယမ်က မရှိမဖြစ် လိုအပ်ပါသည်။ ထို့ကြောင့် မဂ္ဂနီဆီယမ် ကြွယ်ဝသော အစားအသောက် တစ်ခုကို ဆိုရလျှင် စေတီခရု(ခေါ်) မရွတ်က အကောင်းဆုံးဖြစ်သည်။

၅။ ဆီလီနီယမ်ဓာတ် ကြွယ်ဝခြင်း

လူ့ကိုယ်ခန္ဓာတွင် selenium ဓာတ်ကို အများကြီး မလိုအပ်သော်လည်း ခုခံအားစနစ်နှင့် ကိုယ်တွင်းဆဲလ်များ ထိခိုက်ခြင်းကို ကာကွယ်ပေးဖို့အတွက် selenium မရှိမဖြစ်လိုပါသည်။ စေတီခရုတွင်ကိုယ်တွင်း လိုအပ်ချက် စနစ်နှင့် ကိုက်ညီသော selenium ပါပြီးသား ဖြစ်သည့်အတွက် စားပေးသင့်သော အရာတစ်ခုဖြစ်သည်။

၆။ အိုမီဂါ-၃ ကြွယ်ဝခြင်း

နှလုံးအတွက် အလွန်ကို အရေးကြီးသော Omega-3 သည် ပင်လယ်စာတိုင်းတွင် ပါသလို စေတီခရုတွင်လည်း ကြွယ်ဝစွာပါသည့်အတွက် ခရုသည် နှလုံးအတွက် ထောက်ပံ့ပေးမည့် အကောင်းဆုံး အစားအစာ တစ်ခုဖြစ်သည်။

အချုပ်အားဖြင့် ဆိုရသော်

စေတီခရု(ခေါ်) မရွတ်သည် သဘာဝအားဖြင့် ထူးခြားလှသော ကျောရိုးမဲ့ရေသတ္တဝါ ဖြစ်သည်။ ထို့ပြင် ၄င်း၏ အသားကိုလည်း ကြိုက်နှစ်သက်သူများပြီး ကျန်းမာရေးအကျိုးကျေးဇူးလည်း များပြားလှသဖြင့် စားပေးသင့်သောပင်လယ်စာဖြစ်ပါကြောင်း လေ့လာရေးသားလိုက်ရပါသည်။

ဆောင်းပါးရှင်ဆရာမှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...