အီးအမ်ကို တိရစ္ဆာန် မွေးမြူရေးခြံများတွင် အသုံးပြုနည်းနှင့် အကျိုးကျေးဇူးများ

    EM ကို မွေးမြူရေးခြံများတွင် ပက်ဖျန်းခြင်း၊ တိရစ္ဆာန်အစာထဲတွင် ထည့်ကျွေးခြင်းအားဖြင့် အကျိုးကျေး ဇူးများစွားကို ရရှိစေနိုင်ပါသည်။

EM ကို မွေးမြူရေးခြံများတွင် ပက်ဖျန်းခြင်းအားဖြင့်-

(က) အနံ့ဆိုးများ လျော့နည်းပျောက်ဆုံးသွားစေခြင်း၊

(ခ) ပဋိဇီဝဆေးများ သုံးစွဲရန်မလိုခြင်း၊

(ဂ) ခြင်၊ယင်၊မှက်တို့ လျော့နည်းပျောက်ဆုံးသွားစေခြင်း၊

(ဃ) တိရစ္ဆာန်များ၏ ကျန်းမာရေးကောင်းမွန်စေခြင်း၊

(င) အထွက်နှုန်းနှင့် အရည်အသွေး ပိုကောင်းလာခြင်း၊

(စ) တိရစ္ဆာန်မစင်များကို မြေသြဇာအဖြစ်သုံးသောအခါ သာမန်ထက်ကောင်းခြင်း စတဲ့ အကျိုးကျေးဇူး များကို ရရှိနိုင် ပါသည်။ 

အီးအမ်ကို မွေးမြူရေးခြံအနှံ့ ပက်ဖျန်းနည်း

          အီးအမ်ကို ရေနှင့် (၁း၁၀၀၀)နှုန်းရောပြီး မွေးမြူရေးခြံများ၊ ကြမ်းပြင်များနှင့် ခြံပတ်ဝန်းကျင် နေရာများသို့ ၇ရက်ခြား ၁ကြိမ် ပက်ဖျန်းပေးခြင်းအားဖြင့် အနံ့ဆိုးများပျောက် ကင်းစေပြီး တိရစ္ဆာန်များ၏ ကျန်းမာရေး ကောင်းမွန်လာ စေပါမည်။

တိရစ္ဆာန်မစင်ကန်ထဲသို့ အီးအမ်ထည့်နည်း

         အီးအမ်ကို ကန်ထုထည်၏ ၁%ထည့်ခြင်းအားဖြင့် အနံ့ဆိုးများမထွက်ခြင်း၊ မိလ္လာထုထည် လျော့ကျမသွားခြင်း၊ ရောဂါပိုးများကိုသေစေခြင်း အကျိုးကျေးဇူးများရရှိပါမည်။

ဘိုကာရှီကို တိရစ္ဆာန်အိပ်မည့်နေရာများတွင် ဖြူးပေးနည်း

          မွေးမြူရေးခြံ၌ ကြမ်းပြင်ဖြူးရန် ဘိုကာရှီပြုလုပ်ရာတွင် ဖွဲနုနှင့် လွှစာမှုန့်ကို ဆတူရော၍ စူပါဘိုကာရှီပြုလုပ်နည်းအတိုင်း ပြုလုပ်ရပါမည်။ ဘိုကာရှီကို ၁စတုရန်းမီတာလျှင် ၅၀ ဂရမ် နှုန်း ၇ရက်ခြား၁ကြိမ် ဖြူးပေးရပါမည်။ တိရစ္ဆာန်များ စားမိလျှင်လည်း ပြဿာနာမရှိပါ။

အီးအမ်ကို တိရစ္ဆာန်၏ သောက်ရေတွင်ထည့်ပေးခြင်းဖြင့်-

       တိရစ္ဆာန်သောက်မည့် သောက်ရေထဲတွင်(၀.၀၁ %)မှ (၁%)အထိ ထည့်ပေးခြင်းအားဖြင့် အစာလမ်း ကြောင်းရှိ အဏုဇီဝများ၏ စွမ်းဆောင်ရည်ကို ပိုမိုကောင်းမွန်လာစေပြီး တိရစ္ဆာန်များ၏ ကျန်းမာရေးမှာလည်း ပိုမိုကောင်းမွန် လာစေပါမည်။ မစင်မှ အနံ့ဆိုးများလည်း လျော့နည်းလာမည် ဖြစ်သည်။ တိရစ္ဆာန်အရွယ်ကြီးလျှင် နှုန်းပိုထည့်ရပါမည်။

အီးအမ်ကို ငါးမွေးမြူရေးတွင် အသုံးပါက-

       ငါးကန်ရေထု၏ (၀.၀၁%)မှ (၀.၁%)အထိ ၂ပတ်၁ကြိမ် ထည့်ပေးခြင်းအားဖြင့် ကန်ရေထုသန့်ရှင်းလာပြီး ငါး များ၏ ကျန်းမာရေး ကောင်းမွန်လာစေပါမည်။ အထွက်တိုးစေပါမည်။ တိရစ္ဆာန်အတွက် ပြုလုပ်သောဘိုကာရှီကို ငါးစာထဲ တွင်(၁-၅%)ထိ ရောထည့် ကျွေးနိုင်ပါသည်။ ပုစွန်မွေးမြူရေးတွင်လည်း သုံးနိုင်ပါသည်။

သတိပြုရန်အနေဖြင့်-

-မွေးမြူရေးတွင် အီးအမ်နှင့် ပဋိဇီဝဆေး တွဲမသုံးပါနှင့်။

-တွဲဖက်သုံးလိုပါက ရက်ခြားသုံးပါ။

-အီးအမ်ကို ပြည့်ပြည့်ဝဝထိထိရောက်ရောက် သုံးလျှင် ပဋိဇီဝဆေး သုံးရန်မလိုပါ။

အီးအမ်ဘိုကာရှီကို အစာထဲတွင်ထည့်ကျွေးခြင်းအားဖြင့်-

          တိရစ္ဆာန်အတွက် ဘိုကာရှီပြုလုပ်၍ အစာထဲတွင် (၁%)မှ (၅%)အထိ ရောကျွေးခြင်းအားဖြင့် အထက်ပါ အကျိုးကျေးဇူးများ ရရှိစေနိုင်ပါသည်။ ဘိုကာရှီပြုလုပ်ရာ တွင် ဖွဲနုနှင့် နှမ်းဖတ် (သို့)ပဲဖတ်ကို ဆတူရော၍ စူပါဘိုကာရှီ ပြုလုပ်ပုံအတိုင်း ဆောင်ရွက်ရပါမည်။ 

အမြန်သုံး စူပါဘိုကာရှီပြုလုပ်နည်း

(၁) ဖွဲနု ၁ပြည်ကို ရေဖြင့်ခပ်ပျစ်ပျစ်ဖျော်ပါ(သို့) ဆန်ကွဲ ၁ပြည်ကို ရေဖြင့်ခပ်ပျစ်ပျစ်ကျို၍ အအေးခံပါ။

(၂) ပြီးလျှင် အီးအမ်အပြင်းဖျော်ရည် ငှက်ပျောဖူး ၁ပုလင်းစာကို ထပ်မံရောစပ်ပါ။

(၃) ရောစပ်ပြီး နာရီအနည်းငယ်(၂-၃)နာရီခန့် ကြာအောင် စောင့်ဆိုင်းပြီးမှ အသုံးပြုပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။  

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more