ဘက်စုံအသုံးဝင် ခွေးလှေးယားပင် ( Mucuna Pruriens )

ခွေးလှေးယားပင် (Mucuna Pruriens) သည် Fabaceae သို့မဟုတ် Leguminosae ပဲမျိုးရင်းဝင် ဖြစ်သည်။ Velvet Bean, Cowhage အပြင် တခြား အမည်ကွဲများလဲ ရှိသေးသည်။ အာဖရိက၊ အာရှတွင် သဘာဝ အလေ့ကျပေါက်ပင်အဖြစ် နေရာအနှံ့ တွေ့နိုင်သည်။

ပင်ငယ်စဉ် အရွက်များနှင့် အသီးတွင်ရှိသော အမွှေးများကြောင့် အလွန် အကျွံယားယံမှုကို ဖြစ်စေသည်။ အပင်ကြီးလာသည်နှင့် အမွှေးများပါးလာပြီး လုံးဝမရှိတော့သည်အထိ ဖြစ်နိုင်သည်။ ၎င်းကို စိုက်ပျိုးရေး အချို့ကိစ္စများနှင့် ဆေးဝါးဖော်စပ်ရာတွင် အသုံးပြုနိုင်သည်။ ရာသီပင်ဖြစ်ပြီး နွယ်အမျိုးအစား ဖြစ်ကာ ၁၅ မီတာ( ၄၉ ပေခန့်) အထိ ရှည်နိုင်သည်။

အရွက်မှာ Tripinnate ရွက်ငယ် ၃ ရွက်တွဲ အောက်ဝိုင်း ထိပ်ချွန်ပုံဖြစ်ပြီး ပုံတွင် ကြည့်နိုင်သည်။ အပင်ငယ်စဉ် အရွက် မျက်နှာပြင် ၂ ဖက်စလုံးတွင် အမွှေးများ ပါရှိသည်။ အပွင့်မှာ အဖြူရောင်၊ ခရမ်းဖျော့၊ ခရမ်းရောင် ပွင့်ကာ အခိုင်လိုက်ပွင့်ပြီး အသီးမှာ အမွှေးထူသည်။ လိမ္မော်ရောင် အမွှေးများ ဖြစ်သည်။ အသီးတွင် ၇ စေ့ခန့် ပါတတ်သည်။ အစေ့မှာ အနက်ရောင်၊ အညိုရောင် ရှိတတ်သည်။ အစေ့ ၁၀၀ စေ့ အလေးချိန်မှာ ၅၅ မှ ၈၅ ဂရမ်ခန့် ရှိနိုင်သည်။

ခွေးလှေးယားပင်ကို တိရစ္ဆာန်အစာ အဖြစ်သော်၎င်း၊ မြေဖုံးပင် အဖြစ်သော်၎င်း၊ သစ်စိမ်းမြေသြဇာ အဖြစ်သော်၎င်း အသုံးပြုနိုင်သည်။ ၎င်းသည် ပဲမျိုးရင်းဝင် အပင် ဖြစ်သောကြောင့် နိုက်ထရိုဂျင်ဓာတ်ကို မြေထဲမှ ဖမ်းယူနိုင်သဖြင့် စိုက်ပျိုးရေးတွင် ညံပင်ကဲ့သို့ မြေဖုံး အသုံးပြုနိုင်သည်။ ၎င်းအပင် အခြောက် အစေ့များကို တိရစ္ဆာန်အစာ အဖြစ် ဒေသတော်တော် များများတွင် အသုံးပြုကြသည်။ တိရစ္ဆာန်အစာအဖြစ် အပင် တစ်ပင်လုံးတွင် အာဟာရ ပါဝင်မှုမှာ (အပင်ခြောက်အတွက်) ပရိုတိန်း ၁၁-၁၂%၊ ဖိုက်ဘာ အမျှင်ဓာတ် ၃၅-၄၀%၊ အစေ့ခြောက်တွင် ပရိုတိန်း ၂၀-၃၅% တို့ ပါဝင်သည်။

ဗီယက်နမ် နိုင်ငံနှင့် အာဖရိကတိုက်ရှိ ဘီနင်နိုင်ငံ တို့တွင် Imperata cylindrica မျိုးစိတ် ဖြစ်သော သက်ကယ်မြက် တစ်မျိုးမှာ နှိမ်နင်းရခက်သော ပေါင်းမြက် ဖြစ်သည်။ ခွေးလှေးယားပင်ကို ၎င်းပေါင်းမြက်အား နှိမ်နင်းရန် ဇီဝပေါင်းသတ်ဆေး အဖြစ် အသုံးပြုသည်။ ထို့ပြင် ခွေးလှေးယားပင်သည် ပေါင်းပင်အမျိုးအစား မဟုတ်ချေ။ အလွန်အကျွံ ပွားများတတ်သည့် အပင်မျိုး မဟုတ်ချေ။

၎င်းအပြင် ခွေးလှေးယာစေ့ကို Nescafe ဟုခေါ်သော “ ကော်ဖီစေ့ အစားထိုး” အနေဖြင့် တခါတရံ အသုံးပြုသည်။ (စျေးကွက်တွင် ရှိသော Nescafé နှင့် မရောထွေးစေလိုပါ။) အစေ့နှင့် အညွှန့် များကို ချက်ပြုတ် စားသောက်နိုင်သည်။ သို့သော် ရေဖြင့်စိမ်ခြင်း ပြုတ်ခြင်းတို့ အကြိမ်ကြိမ် ပြုလုပ်သင့်သည် သို့မဟုတ်ပါက လူကို အဆိပ်အတောက် ဖြစ်စေနိုင်သည်။
၎င်းတွင်ပါဝင်သော ဓာတ်တမျိုး အနဲငယ်စားလျှင် ကောင်းကျိုးပေးသော်လည်း အလွန်အကျွံ စားသုံးမိပါက ruminant မဟုတ်သော (ruminant = ခွာပါသော၊ အစာအိမ် အခန်းများစွာ ပါသော၊ စားမြုန်ပြန်သော) နို့တိုက်သတ္တဝါ (လူအပါအဝင်) များအတွက် ဘေးဥပါဒ် ဖြစ်စေပါသည်။

အစေ့တွင်ပါဝင်သော Levodopa သည် ဦးနှောက်အတွင်း Dopamine အဖြစ်ပြောင်းလဲကာ ဦးနှောက်ဆဲလ်များကို အသစ်တဖန် ပြန်ဖြစ်စေနိုင်သော စွမ်းအင်ရှိသောကြောင့် လေဖြတ် လေငန်းရောဂါသည်များ အတွက် ဆေးကောင်းသဖွယ်ဖြစ်သည်။

ထို့ပြင် မြွေကိုက်ခံရသော လူနာများကိုလဲ အဆိပ်ဖြေစေသော သတ္တိ ၎င်းအပင်တွင် ပါဝင်သည်။
ကိုယ်လက်ကိုက်ခဲ ဖျားနာခြင်း၊ မြွေကိုက်ခံရခြင်း တို့အတွက် ၎င်းကို အသုံးပြုကာ အန်ချစေခြင်းဖြင့် ရောဂါကို သက်သာပျောက်ကင်းစေသည်။

လေငန်းလေဖြန်း၊ ကိုယ်တခြမ်းသေ၊ သွေးလေခြောက်ခြား၊ အဆစ်အမြစ်ကိုက်၊ ထုံကျင်၊ ကိုယ်လက်ကိုက်ခဲခြင်း တို့အတွက်လဲ အသုံးပြုနိုင်သည်။ အရွက် သို့မဟုတ် အစေ့ကိုခြေပြီး အရေပြားပေါ် တိုက်ရိုက်အသုံးပြုကြသူတွေ ရှိသည်။

ခွေးလှေယားသီး၊ အရွက်ကြောင့် ယားယံလာပါက ထိုနေရာကို မကုတ်ပါနှင့်။ ရေဖြင့်လဲ မဆေးပါနှင့်။ အကောင်းဆုံးမှာ ဆေးရွက်ကြီးအရွက်ဖြင့် ပွတ်ပါ။ တချို့နောက်ချေးစိမ်းဖြင့် ပွတ်ကြသည်။

ထိုသို့ ဘက်စုံအသုံးဝင်သော ခွေးလှေးယားအပင်အကြောင်း အများသူငါ ဗဟုသုတရစေခြင်းငှာ စုဆောင်းတင်ပြလိုက်ရပါသည်။

ဝေယံအောင်
(Ref : Wikipedia, the free encyclopedia)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ